#🍲 ഭക്ഷണപ്രേമി *🌶️ ഇന്നത്തെ പാചകം 🍳* *അവൽ മിൽക്ക്* +-------+-------+------+------+ ```സോഷ്യൽ മീഡിയയിൽ ഏറെ ട്രെൻഡായിട്ടുള്ള ഒരു ഡ്രിങ്കാണ് അവൽ മിൽക്ക്. അവൽ പ്രഥമനോട് സാമ്യം തോന്നുമെങ്കിലും രുചിയിൽ അൽപം വ്യത്യാസമുണ്ട്. കൂൾബാറിലും ഹോട്ടലിലും കിട്ടുന്ന ഈ അവൽ മിൽക്ക് വീട്ടിൽ തയ്യാറാക്കി നോക്കൂ. ചുവന്ന അവലും തണുത്ത പാലും പഴവും മാത്രം മതി.``` ______________________ *ചേരുവകൾ* _____________________ _നെയ്യ്- അരടീസ്പൂൺ_ _അവൽ- 1 കപ്പ്_ _നേന്ത്രപ്പഴം- 2 എണ്ണം_ _പഞ്ചസാര- 1 ടേബിൾസ്പൂൺ_ _ഏലക്ക- 1 ടീസ്പൂൺ_ _നിലക്കടല - ആവശ്യത്തിന്_ _ഉണക്കമുന്തിരി - കുറച്ച്_ _പാൽ - അര ഗ്ലാസ്_ _ഐസ്ക്രീം - കുറച്ച്_ _______________________ *തയ്യാറാക്കുന്ന വിധം* _______________________ ```ഒരു പാൻ അടുപ്പിൽ വച്ചു ചൂടാക്കാം. അതിലേക്ക് അര ടീസ്പൂൺ നെയ്യ് ചേർത്തു ചൂടാക്കാം. ഒരു കപ്പ് അവൽ ഈ നെയ്യിൽ വറുത്തു മാറ്റാം. അതേ പാനിൽ ഉണക്കമുന്തിരിയും, നിലക്കടലയും വറുക്കാം. നന്നായി പഴുത്ത രണ്ട് നേന്ത്രപ്പഴം ഉടച്ചെടുക്കാം. അതിലേക്ക് ഒരു ടീസ്പൂൺ ഏലക്കപ്പൊടിച്ചതും ചേർത്തിളക്കി യോജിപ്പിക്കാം. ഒരു ഗ്ലാസിലേക്ക് വറുത്ത അവൽ ഒരു സ്പൂൺ ചേർക്കാം. മുകളിലായി നിലക്കടല, പഴം ഉടച്ചത്, അൽപം ഉണക്കമുന്തിരി എന്നിവ ചേർക്കാം. അൽപം പാൽ ഒഴിച്ച് മുകളിലായി ഒരു സ്കൂപ്പ് ഐസ്ക്രീം കൂടി വക്കാം. തണുപ്പോടു കൂടി ഇത് കഴിച്ചു നോക്കൂ.``` +-------+-------+------+------+