#📙 നോവൽ നിന്നെ എന്തിനാണ് ഇവിടെ നിർത്തിയിട്ടു പോയത്...പഠിക്കാൻ വേണ്ടി അല്ലേടി.. എന്നിട്ട് നീയിവിടെ കാണിച്ചു കൂട്ടുന്നത്... ഏഹ്.... കോളേജിൽ തല്ലുണ്ടാക്കാനും തോന്ന്യവാസം നടക്കാനും ആണോ....?? പറയു നന്താ....." "അമ്മേ ഞാൻ...." "പുതിയ കള്ളങ്ങൾ ഒന്നും ആലോചിച്ചു വിഷമിക്കണ്ട നീ.... അല്ലേലും എന്തെങ്കിലും ചോദിച്ചാൽ നുണകൾ പറഞ്ഞു കൂട്ടും... അതാണല്ലോ ഇവള്ടെ രീതി.. കൂടുതൽഒന്നും പറഞ്ഞു ഇനി മെനക്കെടണ്ട.എല്ലാം അറിഞ്ഞു വെച്ചിട്ടാ ഞാൻ വന്നത്. അതിനു പറ്റിയൊരു സൊല്യൂഷനും ഞാൻ കണ്ടിട്ടുണ്ട്...." ലക്ഷ്മി പറഞ്ഞു നിർത്തിയതും കാര്യം മനസിലാകാതെ അവൾ അവരെ നോക്കി "നാട്ടിലുള്ള നിന്റെ നിൽപ്പൊക്കെ മതിയാക്കിക്കോ.... വൺ വീക്ക് കഴിഞ്ഞ് ഞങ്ങൾ പോകുമ്പോൾ ഞങ്ങളുടെ കൂടെ വരാൻ റെഡി ആയിക്കോ... നിനക്ക് ഇനി ഇന്റെരെസ്റ്റ്‌ മാരേജ് ആണെങ്കിൽ അങ്ങനെ... അതല്ലാ സ്റ്റഡീസ് കണ്ടിന്യൂ ചെയ്യാൻ ആണെങ്കിൽ അതും ഓക്കേ... പക്ഷെ എല്ലാം അവിടെ വെച്ചു മതി ഇവിടെയുള്ള നിൽപ്പൊക്കെ ഇനി നിയങ് മറന്നേക്ക്...." കേട്ടതിന്റെ ഞെട്ടൽ വിട്ടു മാറാതെ നിൽക്കുകയാണ് നന്താ... അവളുടെ കണ്ണുകൾ ആദ്യം തേടി ചെന്നത് അഗ്നിയുടെ മുഖത്തേക്കാണ്..... അവനെ ചുട്ടെരിക്കാൻ പാകത്തിൽ അവളുടെ കണ്ണുകൾ പുകഞ്ഞു. ഇയാൾ... ഇയാൾ ഒറ്റ ഒരുത്തൻ കാരണം ആണ്.... "എന്റെ ലക്ഷ്മി ആ കുട്ട്യോൾ വന്ന് കയറിയതല്ലേ ഉള്ളു....നിന്ന നിൽപ്പിൽ ഇതുങ്ങൾ നിക്കുവല്ലേ എല്ലാം ചോദിക്കാനും പറയാനും അതിന്റെതായ സമയം ഉണ്ടല്ലോ....." അംബികമ്മ ഇടക്ക് കയറി പറയാൻ ശ്രമിക്കുന്നുണ്ടെങ്കിലും ലക്ഷ്മി അതൊന്നും മുഖവിലക്ക് എടുത്തിട്ടില്ല... അതല്ലേലും അങ്ങനെയാണ്.. ലക്ഷ്മി ഒരു കാര്യം തീരുമാനിച്ചാൽ പിന്നെ അതിനൊരു മാറ്റവും അവർ വരുത്തില്ല... നടപ്പാക്കുക തന്നെ ചെ ഭാഗം 8 ഒരു വല്ലാത്ത പ്രകൃതം ആണ് ലക്ഷ്മിയുടേത്.. എല്ലാത്തിനും ഒരു തരാം കടുംപിടുത്തമാണ് അവർക്ക്... പറയാനുള്ളത് എടുത്തടിച്ചത് പോലങ് പറഞ്ഞു കളയും... അപ്പുറത്ത് നിൽക്കുന്ന ആളിന് വേദനിക്കുമോ അങ്ങനുള്ള കാര്യങ്ങൾ ഒന്നും അവർ ചിന്തിക്കാറില്ല...പലപ്പോഴും ഇങ്ങനുള്ള സാഹചര്യങ്ങളിൽ നിനസ്സഹായനായി നിൽക്കാൻ മാത്രമേ അനന്ദനും കഴിയാറുള്ളു. എല്ലാവരെയും ഒന്ന് നോക്കി ഒന്ന് മിണ്ടാനാകാതെ ദേഷ്യത്തിൽ നന്താ റൂമിലേക്ക് ഓടി പോയി അവൾക്ക് പിന്നാലെ ആരോഹിയും ജീവനും പോയി... കട്ടിലിൽ തലയിണയും മുഖം പൂഴ്ത്തി കിടക്കുകയാണ് നന്താ.. അവൾ ശബ്ദം ഇല്ലാതെ കരയുകയാണെന്ന് ആ ശരീരം അനങ്ങുന്നത് കാണുമ്പോൾ മനസിലാകും.... ആരോഹി നന്ദക്ക് അടുത്ത് ഇരുന്ന് തല മുടിയിൽ തഴുകി വിടുന്നുണ്ട്.... ജീവൻ അവളുടെ കാൽക്കൽ ഇരിക്കുകയാണ്. ജീവൻ : "എടി എന്തേലും വഴി കണ്ടെത്താം... നീ ഇങ്ങനെ വിഷമിക്കാതെ...'' ആരോഹി: അതേ.... അപ്പച്ചി വൺ വീക്ക്‌ സമയം തന്നിട്ടുണ്ടല്ലോ അതിനിടയിൽ നമുക്ക് എല്ലാം ശെരിയാക്കാം. നന്ത: എല്ലാത്തിനും കാരണം നിന്റെ ചേട്ടൻ ആണ്. നിന്റെ ഏട്ടൻ പറയാതെ എങ്ങനെ ആ കോളേജിൽ നടന്ന വഴക്കിന്റെ കാര്യം ഒക്കെ അമ്മ അറിഞ്ഞത്...?? അത് മാത്രമാണോ.... അങ്ങേര് ഈ നേരെനം സാധാരണ ഇവിടെ ഉണ്ടാവാറില്ലല്ലോ.... അമ്മേം അച്ഛനെയും എയർ പോർട്ടിൽ നിന്ന് പിക്ക് ചെയ്തത് ദേവേട്ടൻ ആണ് അതിന്റെ അർത്ഥം എന്താ... അവരെ വരുന്നതും എന്തിനാണ് വരുന്നതെന്ന് ദേവേട്ടന് അറിയാമായിരുന്നു എന്നല്ലേ.... അങ്ങേരെടെ ആ വീഡിയോ ഞാൻ ഡിലീറ്റ് ചെയ്‌തെന്ന് മനസ്സിലായതും അങ്ങേര് നൈസ് ആയിട്ട് പ്ലേറ്റ് തിരിച്ചു. നന്താ പറഞ്ഞു കഴിഞ്ഞപ്പോഴാണ് ബാക്കി രണ്ടു പേർക്കും കാര്യം കത്തിയത്. ആരോഹി : ഏട്ടൻ അങ്ങനെ ചെയ്യുവോ...?? ജീവൻ : പിന്നല്ലാതെ അപ്പച്ചി എങ്ങനെ അറിയാന കോളേജിൽ തല്ലുണ്ടായ കാര്യം.... അത് ആകപ്പാടെ അഗ്നിയേട്ടന് മാത്രമല്ലേ അറിയൂ... ആരോഹി : ശേ... എന്നാലും ഏട്ടന് എങ്ങനെ നമ്മളെ ചതിക്കാൻ മനസ്സ് വന്നു.... നന്ദ : ഏട്ടനല്ല അങ്ങേര്.... പിശാച് ആ... കാലൻ.... പട്ടി.... നന്തയ്ക്ക് വേറെന്തൊക്കെയോ പറയണമെന്ന് ഉണ്ടായിരുന്നു പിന്നെ ആരോഹി അവിടെ ഇരുന്നത് കൊണ്ട് പാതിയും അവൾ വിഴുങ്ങി കളഞ്ഞു ലക്ഷ്മിയും അനന്ദനും വന്നിട്ട് മൂന്നു നാൾ പിന്നിട്ടു... ഇനി രണ്ട് ദിവസം കൂടി കഴിഞ്ഞാൽ അവർ മടങ്ങും അവർക്കൊപ്പം നന്ദയും... അന്ന് വൈകുന്നേരം വിളക്ക് വെച്ച് നാമം ജപിച്ച ശേഷം എല്ലാവരും ഹാളിൽ ഇരിക്കുകയായിരുന്നു. അപ്പോഴാണ് നന്താ മുകളിൽ നിന്നു സ്റ്റെപ് ഇറങ്ങി താഴേക്കു വന്നത് നന്ത: "എല്ലാവരോടുമായി എനിക്കൊരു കാര്യം പറയാൻ ഉണ്ട്...." എല്ലാ മുഖങ്ങളും അവളിലേക്ക് നീണ്ടു. ലക്ഷ്മി : എന്താ നിനക്ക് പറയാൻ ഉള്ളത്.... ഞങ്ങൾക്കൊപ്പം വരാൻ പറ്റില്ലാന്ന് ആണേൽ നീ പറയണ്ട. അഹ് ഞാൻ തീരുമാനിച്ചു കഴിഞ്ഞതാ... അനന്തൻ : നീയൊന്ന് മിണ്ടാതിരി ലക്ഷ്മി അവൾ പറയാൻ വന്നത് പറയട്ടെ ഹാളിന്റെ കോൺറിൽ ലാപ്പും നോക്കി ഇരിക്കുന്നവന്റെ നോട്ടവും അവളിലേക്കായി... നന്ദ : എനിക്ക്.... എനിക്ക് ഒരാളെ ഇഷ്ടമാ.... വിവാഹം കഴിക്കുന്നുണ്ടെങ്കിൽ ആ ആളെ മാത്രമേ ഞാൻ വിവാഹം കഴിക്കു. അവളുടെയാ വെളിപ്പെടുത്തലിൽ ആരോഹിയും ജീവനും പോലും ഞെട്ടിപ്പോയി... ഇത്ര നാളും ഒരു മനസ്സും മൂന്ന് ശരീരവുമായി നടന്നവർ ആണ് .... എന്നിട്ട് അവർക്ക് പോലും അക്കാര്യം അറിയില്ല ലക്ഷ്മി ഇരുന്നിടത്തു നിന്ന് ചാടി എഴുനേറ്റു... ലക്ഷ്മി : ഏതവൻ ആടി....?? ഏഹ്.... അവളുടെ കൈത്തുടയിൽ മാറി മാറി അടിക്കുന്നുണ്ട് അവർ.... അനന്തൻ പെട്ടന്ന് വന്ന് അവരെ പിടിച്ചു മാറ്റി നന്തയെ പൊതിഞ്ഞു പിടിച്ചു. അനന്തൻ: എന്താ മോളെ ഈ കേൾക്കുന്നതൊക്കെ..... ഇതിനാണോ ഞങ്ങൾ.... അതൊക്കെ പോട്ടെ ആരാ ആള്... ലക്ഷ്മി : അനന്ദേട്ടൻ ഇതെന്തു ഭാവിച്ചാണ്...... അവൾ എന്തേലും വട്ട് പറഞ്ഞെന്നും പറഞ്ഞു അനന്തൻ : ലക്ഷ്മി പ്ലീസ്‌ സ്റ്റോപ്പ്‌. ജീവിതം വെച്ച് വട്ട് പറയാൻ എന്റെ മോള് കൊച്ചു കുഞ്ഞല്ല..... നല്ലതും ചീത്തയും തിരിച്ചറിയാനുള്ള പ്രായം അവൾക്കുണ്ട്.... പേരെന്റ്സ് എന്ന നിലയിൽ അവളെ കേൾക്കാൻ നമ്മൾ രണ്ടാളും ബാധ്യസ്ഥരാണ്... ആരെയാ നന്ദ സ്നേഹിക്കുന്നത്...?? ആർദ്രമായിരുന്നു അനന്ദന്റെ ആ ചോദ്യം.. നന്ദക്ക് ആ നിമിഷം ഉള്ള് വേദനിച്ചു.... അവൾ മനസ് കൊണ്ട് ആ അച്ഛനോട് ഒരായിരം തവണ മാപ്പ് ചോദിച്ചു.. പിന്നെ പതിയെ വിരൽ ചൂണ്ടി... അഗ്നിക്ക് നേരെ... നന്ദ :"ദേവേട്ടനെയാ ഞാൻ സ്നേഹിക്കുന്നത്...." എല്ലാവരിലും ഒരു ഞെട്ടൽ..... അഗ്നിയുടെ മുഖം ദേഷ്യത്താൽ മുറുകി... അവൻ നിന്നിടത്തു നിന്ന് അവൾക്ക് നേരെ നടന്നു... (തുടരും) കാശിനാഥൻ