வரலாற்றில் இன்று - மே மாதம் 16ம் நாள் (1975) சிக்கிம் மாநிலம் இந்தியாவுடன் இணையப்பெற்ற நாள் சிக்கிம் இமய மலைத்தொடரில் அமைந்த இந்திய மாநிலமாகும். தனி நாடாக விளங்கிய சிக்கிம், 1975-ம் ஆண்டு இந்தியாவுடன் சேர்க்கப்பட்டது. சிக்கிமின் தலைநகர் கேங்டாக் ஆகும். 1947-ல் இந்தியா விடுதலையடைந்த போது, சிக்கிம் மன்னராட்சியின் கீழ் தனி நாடாக இருந்தது. 1975-ல் சிக்கிமின் பிரதமராகப் பொறுப்பேற்ற காஜி என்பவர் சிக்கிமை இந்தியாவின் ஒரு மாநிலமாகவே இணைத்துக் கொள்ள இந்திய அரசாங்கத்துக்கு வேண்டுகோள் விடுத்தார். அதன்படி எடுக்கப்பட்ட பொது வாக்கெடுப்பில் 97.5% சிக்கிம் மக்கள் இந்தியாவுடன் இணைவதை ஆதரிக்க, 16.05.1975-ல் சிக்கிம் இந்தியாவின் 22-ஆவது மாநிலமாக இணைந்தது. #life #lifes