#😱ਪ੍ਰੇਮੀ ਨਾਲ ਮਿਲ ਪਤਨੀ ਨੇ ਸੱਪ ਤੋਂ ਡੰਗਵਾ ਕੇ ਮਾਰ'ਤਾ ਪਤੀ #🏙️ ਦੇਸ਼ ਵਿਦੇਸ਼ ਦੀਆਂ ਅਪਡੇਟਸ 📰 #👉 ਤਾਜ਼ਾ ਅਪਡੇਟਸ ⭐ #😲ਅਜ਼ਬ-ਗਜ਼ਬ ਪੱਛਮੀ ਉੱਤਰ ਪ੍ਰਦੇਸ਼ ਦੇ ਮੇਰਠ ਵਿੱਚ ਇੱਕ ਹੋਰ ਕਾਤਲ ਪਤਨੀ ਦੀ ਖੌਫਨਾਕ ਕਰਤੂਤ ਸਾਹਮਣੇ ਆਈ ਹੈ। ਪ੍ਰੇਮੀ ਨਾਲ ਮਿਲ ਕੇ ਪਤਨੀ ਨੇ ਆਪਣੇ ਪਤੀ ਦੀ ਹੱਤਿਆ ਕਰਨ ਲਈ ਇੱਕ ਨਵਾਂ ਅਤੇ ਹੈਰਾਨ ਕਰਨ ਵਾਲਾ ਤਰੀਕਾ ਲੱਭਿਆ। ਉਸ ਨੇ ਰਾਤ ਸਮੇਂ ਪਤੀ ਨੂੰ ਨੀਂਦ ਦੀ ਦਵਾਈ ਦੀ ਵੱਧ ਮਾਤਰਾ (ਓਵਰਡੋਜ਼) ਦੇ ਦਿੱਤੀ ਅਤੇ ਫਿਰ ਉਸ ਨੂੰ ਸੱਪ ਤੋਂ ਡੰਗ ਮਰਵਾ ਦਿੱਤਾ, ਜਿਸ ਕਾਰਨ ਉਸ ਦੀ ਮੌਤ ਹੋ ਗਈ।ਮੁੱਢਲੀ ਜਾਂਚ ਮੁਤਾਬਕ, ਪਤੀ ਦੀ ਮੌਤ ਤੋਂ ਬਾਅਦ ਮਿਲਣ ਵਾਲੀ ਬੀਮੇ ਦੀ ਰਕਮ ਹਾਸਲ ਕਰਕੇ ਪ੍ਰੇਮੀ ਨਾਲ ਆਰਾਮਦਾਇਕ ਜ਼ਿੰਦਗੀ ਬਿਤਾਉਣ ਦੀ ਯੋਜਨਾ ਸੀ। ਪਰ ਮੇਰਠ ਪੁਲਿਸ ਨੇ ਕੁਝ ਹੀ ਘੰਟਿਆਂ ਵਿੱਚ ਇਸ ਕਤਲ ਦੀ ਗੁੱਥੀ ਸੁਲਝਾ ਲਈ ਅਤੇ ਦੋਵੇਂ ਮੁਲਜ਼ਮਾਂ ਨੂੰ ਗ੍ਰਿਫ਼ਤਾਰ ਕਰ ਲਿਆ।ਅਤੁਲ ਅਤੇ ਦਾਮਿਨੀ ਨੇ 7 ਸਾਲ ਪਹਿਲਾਂ ਲਵ ਮੈਰਿਜ ਕੀਤੀ ਸੀ। ਦੋਵੇਂ ਮਿਲ ਕੇ ਕ੍ਰਿਸ਼ਨਾ ਕਿਡਜ਼ ਸਕੂਲ ਨਾਂ ਦਾ ਇੱਕ ਪਲੇ ਸਕੂਲ ਚਲਾਉਂਦੇ ਸਨ। ਇਸੇ ਦੌਰਾਨ ਤੁਸ਼ਾਰ ਨਾਂ ਦੇ ਇੱਕ ਵਿਅਕਤੀ ਦੀ ਦਾਮਿਨੀ ਦੀ ਜ਼ਿੰਦਗੀ ਵਿੱਚ ਐਂਟਰੀ ਹੋਈ ਅਤੇ ਦੋਵਾਂ ਵਿਚਕਾਰ ਪ੍ਰੇਮ ਸਬੰਧ ਬਣ ਗਏ। ਤੁਸ਼ਾਰ ਇਸੇ ਪਲੇ ਸਕੂਲ ਵਿੱਚ ਡਰਾਈਵਰ ਵਜੋਂ ਕੰਮ ਕਰਦਾ ਸੀ।ਦਾਮਿਨੀ ਨੇ ਆਪਣੇ ਪ੍ਰੇਮੀ ਤੁਸ਼ਾਰ ਨਾਲ ਮਿਲ ਕੇ ਆਪਣੇ ਹੀ ਪਤੀ ਦੀ ਹੱਤਿਆ ਦੀ ਸਾਜ਼ਿਸ਼ ਰਚੀ। ਅਤੁਲ ਦਾ 20 ਲੱਖ ਰੁਪਏ ਦਾ ਜੀਵਨ ਬੀਮਾ ਸੀ, ਜਿਸ ਦੀ ਰਕਮ ਹਾਸਲ ਕਰਨ ਲਈ ਦੋਵਾਂ ਨੇ ਇਸ ਨੂੰ ਕੁਦਰਤੀ ਮੌਤ ਵਾਂਗ ਦਿਖਾਉਣ ਦੀ ਯੋਜਨਾ ਬਣਾਈ। ਹੱਤਿਆ ਨੂੰ ਅੰਜਾਮ ਦੇਣ ਲਈ ਤੁਸ਼ਾਰ ਨੇ ਦੋ ਸਪੇਰਿਆਂ ਨਾਲ ਸੰਪਰਕ ਕੀਤਾ। ਉੱਧਰ ਦਾਮਿਨੀ ਨੇ ਅਤੁਲ ਦੇ ਖਾਣੇ ਵਿੱਚ ਨੀਂਦ ਦੀਆਂ ਗੋਲੀਆਂ ਮਿਲਾ ਦਿੱਤੀਆਂ, ਜਿਸ ਕਾਰਨ ਉਹ ਗੂੜ੍ਹੀ ਨੀਂਦ ਵਿੱਚ ਸੌਂ ਗਿਆ। ਰਾਤ ਨੂੰ ਉਸ ਦੀ ਚਾਦਰ ਵਿੱਚ ਸੱਪ ਛੱਡ ਦਿੱਤਾ ਗਿਆ, ਜਿਸ ਨੇ ਡੰਗ ਮਾਰ ਦਿੱਤਾ ਅਤੇ ਅਤੁਲ ਦੀ ਮੌਤ ਹੋ ਗਈ। ਹਾਲਾਂਕਿ, ਮੇਰਠ ਪੁਲਿਸ ਨੂੰ ਇਸ ਮੌਤ 'ਤੇ ਸ਼ੱਕ ਹੋ ਗਿਆ, ਜਿਸ ਤੋਂ ਬਾਅਦ ਜਾਂਚ ਦੌਰਾਨ ਪੂਰੇ ਕਤਲਕਾਂਡ ਦਾ ਪਰਦਾਫਾਸ਼ ਹੋ ਗਿਆ। ਕਿਵੇਂ ਸੁਲਝੀ ਗੁੱਥੀ ?  ਮੇਰਠ ਦੇ ਐੱਸਐੱਸਪੀ ਅਵਿਨਾਸ਼ ਪਾਂਡੇ ਨੇ ਦੱਸਿਆ ਕਿ ਇਸ ਸ਼ੱਕੀ ਮੌਤ ਦੀ ਗੁੱਥੀ ਸੁਲਝਾਉਣ ਲਈ ਮੇਰਠ ਪੁਲਿਸ ਤੁਰੰਤ ਜਾਂਚ ਵਿੱਚ ਜੁੱਟ ਗਈ। ਜਦੋਂ ਪੁਲਿਸ ਨੇ ਦਾਮਿਨੀ ਅਤੇ ਤੁਸ਼ਾਰ ਦੇ ਮੋਬਾਈਲ ਫੋਨ ਦੀ ਜਾਂਚ ਕੀਤੀ ਤਾਂ ਸੱਚਾਈ ਸਾਹਮਣੇ ਆ ਗਈ। ਜਾਂਚ ਦੌਰਾਨ ਪਤਾ ਲੱਗਾ ਕਿ ਦੋਵੇਂ ਆਪਸ ਵਿੱਚ ਘੰਟਿਆਂ ਤੱਕ ਗੱਲਬਾਤ ਕਰਦੇ ਸਨ। ਇਸ ਤੋਂ ਇਲਾਵਾ, ਤੁਸ਼ਾਰ ਦੇ ਫੋਨ ਵਿੱਚ ਇੱਕ ਡੱਬੇ ਅੰਦਰ ਰੱਖੇ ਸੱਪ ਦੀ ਤਸਵੀਰ ਵੀ ਮਿਲੀ। ਇਸ ਤੋਂ ਬਾਅਦ ਪੁਲਿਸ ਨੇ ਦੋਵਾਂ ਤੋਂ ਸਖ਼ਤੀ ਨਾਲ ਪੁੱਛਗਿੱਛ ਕੀਤੀ, ਜਿਸ ਦੌਰਾਨ ਉਨ੍ਹਾਂ ਨੇ ਪੂਰੀ ਸਾਜ਼ਿਸ਼ ਅਤੇ ਕਤਲ ਦੀ ਵਾਰਦਾਤ ਕਬੂਲ ਕਰ ਲਈ।ਫਿਲਹਾਲ ਪੁਲਿਸ ਨੇ ਦੋਵੇਂ ਮੁਲਜ਼ਮਾਂ ਨੂੰ ਗ੍ਰਿਫ਼ਤਾਰ ਕਰ ਲਿਆ ਹੈ, ਜਦਕਿ ਇਸ ਮਾਮਲੇ ਵਿੱਚ ਸ਼ਾਮਲ ਸਪੇਰੇ ਦੀ ਭਾਲ ਜਾਰੀ ਹੈ।