ആദ്യ ഭാഗങ്ങൾ ലിങ്കിൽ ഉണ്ട് https://sharechat.com/post/m3ZpxmV?d=n&ui=v64j8rk&e1=cപരിണയം ❣️2 ഹരി.... തനിക്ക് പ്രിയപ്പെട്ടവൻ.വീണ്ടും ഹരിയുടെ കാര്യം പറഞ്ഞു മുറവിളി കൂട്ടാൻ ആയി ദേവകിയും തയാറായതോടെ അഭിയെ രൂക്ഷമായി ഒന്ന് നോക്കി കൊണ്ട് അനു അകത്തേക്ക് കടന്നു. വേദന ഉണ്ട്. കാലുകൾക്ക് ഇനി വേദന അറിയേണ്ടതില്ലല്ലോ എന്നാൽ മനസ്സിനോ. എല്ലാം ഉള്ളിൽ നുരഞ്ഞു പൊന്തി സമാധാനം പോലും നഷ്ടം ആയി കഴിഞ്ഞാൽ പിന്നെ മനസ്സ് കൂടി തളർന്നു പോകും. "അഭി പറയുന്നത് പോലെ അല്ലെന്ന് ഒരു നൂറ് തവണ പറഞ്ഞിട്ടുണ്ടാകും എല്ലാവരോടും. എന്നാൽ എല്ലാവരും അഭി പറയുന്നത് വിശ്വസിച്ചു ആ പാവത്തിനെ ശപിക്കുമ്പോൾ ഉള്ളൊന്ന് വിങ്ങുന്നുണ്ട്. താനും ഉത്തരവാദി ആണല്ലോ എന്നോർക്കുമ്പോൾ ഒരിക്കലും അവരുടെ വാക്കുകൾ കേട്ടു ക്ഷമിച്ചു നിൽക്കുവാനും കഴിയില്ല." ✨️✨️✨️✨️✨️✨️✨️✨️✨️✨️✨️✨️✨️✨️✨️✨️✨️ ജോബിന് ജോയിൻ ചെയ്തിട്ട് ഇന്ന് 5 വർഷം തികയുന്നു. അനുവിന്റെ ചിന്തകൾ പിന്നിലേക്ക് സഞ്ചരിച്ചു തന്റെ കമ്പനിയിൽ പാർട്ണർഷിപ്‌ നടത്തുന്നവരിൽ ഒരാളായിട്ടാണ് ഹരി ശങ്കർ എന്ന ഹരിയെ പരിചയപെടുന്നത്. സംസാരത്തിന് തുടക്കം കുറിച്ചത് അവൻ തന്നെ ആയിരുന്നു. എന്നാൽ ദിവസങ്ങൾ നീണ്ടു പോകവേ അത് ഒരു പ്രണയത്തിലേക്ക് ഉള്ള വഴി മാറ്റം ആയിരുന്നു എന്ന് തിരിച്ചറിഞ്ഞിരുന്നു ഇരുവരും. പിന്നീട് കൂടുതൽ പരസ്പരം മനസ്സിലാക്കി പിരിയാൻ കഴിയാത്ത വിധം ഇരുവരുടെയും മനസ്സുകൾ അടുത്ത് പോയിരുന്നു. എന്നാൽ റിലേഷൻ ഹരിയുടെ വീട്ടിൽ അറിഞ്ഞപ്പോൾ മുതൽ ഭയം ആയിരുന്നു അനുവിന്. സാമ്പത്തികമായി ഉയർന്ന ലെവലിൽ ജീവിക്കുന്ന ഹരിയുടെ വീട്ടുകാർക്ക് അനുവിനെ ഉൾകൊള്ളാൻ കഴിയുമായിരുന്നില്ല. അത് അവർ തുറന്നു പറഞ്ഞ നിമിഷം മുതൽ ഹരിക്ക് വേണ്ടി മനഃപൂർവം അനു ഒഴിഞ്ഞു മാറി കൊണ്ടിരുന്നു. ✨️✨️✨️✨️✨️✨️✨️✨️✨️✨️✨️✨️✨️✨️✨️✨️✨️ തന്നോട് ചേർത്തു നിർത്തി അവൻ അധരങ്ങൾ തമ്മിൽ കോർക്കുമ്പോഴും അവളുടെ മനസ്സ് അസസ്ഥമായിരുന്നു. പ്രണയമെന്നതിനപ്പുറം മറ്റൊരു വികാരം അവനിൽ ആ സമയം ഉടലെടുത്തിരുന്നു. കൈകൾ അവളുടെ ഇടുപ്പിലേക്ക് സഞ്ചരിക്കുമ്പോഴും അവൾ ഇതൊന്നും ശ്രദ്ധിക്കാതെ മറ്റൊരു ലോകത്തു ആയിരുന്നു. ചുണ്ടിൽ നീറ്റൽ അനുഭവപ്പെട്ടപ്പോൾ അവൾ പൂർവാധികം ശക്തിയോടെ അവനെ തള്ളി മാറ്റി "വിട് ഹരി.ഇതെന്താ ഈ കാട്ടണെ..?" അവളുടെ ആ പെരുമാറ്റം അവനെ വല്ലാതെ ചൊടുപ്പിച്ചിരുന്നു. "എന്താ അനു.താൻ ok അല്ലെ?" "no.. no ഹരി.. പ്ലീസ്.. എന്നെ അല്പം നേരം തനിച്ചു വിട് നീ" "കുറച്ചു ദിവസമായി ഞാൻ ശ്രദ്ധിക്കുന്നു അനു. നിന്റെ പെരുമാറ്റത്തിൽ ഒരു മാറ്റം. എന്താ.? എന്തെങ്കിലും സങ്കടം? അതോ ഇനി എന്നെ വേണ്ടാതാ..." ബാക്കി മുഴുവിപ്പിക്കും മുൻപ് അവളുടെ കൈ അവന്റെ വാ പൊത്തിയിരുന്നു. "നിന്നെ വേണ്ടെന്ന് വെക്കാൻ മാത്രം എന്താണ് നിന്നിൽ ഉള്ള കുറവ് ഹരി. ഒന്നോർത്താൽ എന്നേക്കാൾ ബെറ്റർ നീ അല്ലെ. ആ നിന്നെ ഞാൻ എന്തിന്റെ പേരിൽ ആണ് അകറ്റി നിർത്തുക. " "ആ കാരണം അന്വേഷിക്കുന്ന തിരക്കിൽ ആണോ നീ എന്നാണ് ഞാൻ ചോദിച്ചതിന് അർത്ഥം." "ഹരി പ്ലീസ്.നീ എന്താ ഇങ്ങനെ. ഓരോ അവസ്ഥയും മനസ്സിലാക്കി കൂടെ നിന്നിട്ടുള്ളതല്ലേ ഇയ്യ്. ഇപ്പൊ എന്താ അത് ഒന്നും ഓർക്കാതെ.." "ഞാൻ നിന്നെ ഒന്ന് കിസ്സ് ചെയ്തത് ആണോ അനു തെറ്റായി പോയത്. ഇതിന് മുൻപും നമ്മൾ പരസ്പരം കിസ്സ് ചെയ്തിട്ടില്ലേ.ഒന്നിച്ചു അടുത്തിരുന്നിട്ടില്ലേ. ഇപ്പൊ എന്തെ എന്റെ സാമിപ്യം നിനക്ക് ബാഡ് ആയി ഫീൽ ചെയ്യണേ.." "നീ എനിക്ക് എപ്പോഴും നല്ലവൻ തന്നെ ആണ് ഹരി. പക്ഷെ ഇപ്പൊ ഞാൻ ok അല്ല. അത് ഒന്ന് മനസ്സിലാക്ക് നീ." അവനോട് വീണ്ടും ഒരു തർക്കത്തിനില്ല എന്ന പോലെ തിരിച്ചു നടക്കാനായി പിന്തിരിഞ്ഞ അനുവിനെ ഹരി കൈയിൽ പിടിച്ചു തന്നിലേക്ക് ചേർത്തു നിർത്തിയിരുന്നു. "എന്താ അനു നിന്റെ പ്രശ്നം. ഈ ഹരി ഉള്ളപ്പോൾ നീ എന്തിനാ ഓരോന്ന് ഓർത്തു ടെൻഷൻ ആവണേ.പറ നമുക്ക് പരിഹരിക്കാടോ.എന്റെ പെണ്ണിന് ഈ ഹരിയെ വിശ്വാസം ഇല്ലേ."? അവന്റെ സാമിപ്യം ആ സമയം അവൾ ആഗ്രഹിച്ചിരുന്നില്ല. കയ്യിൽ നിന്നും പിടിവിട്ട് അകന്നു പോകാൻ ആണ് അവൾ കൊതിച്ചത്. "ഒന്നുമില്ല ഹരി. നീ എന്നെ ഒന്ന് വിടുന്നുണ്ടോ. കുറച്ചു നേരമായി ഞാൻ സഹിക്കുന്നു. " അവളുടെ ആ സംസാരം അവനെ കുറച്ചു വേദനിപ്പിച്ചിരുന്നു. കയ്യിൽ നിന്നും പിടിവിട്ട് അവളെ മാറ്റി നിർത്തി അവൻ പാർക്കിംഗ് ഏരിയയിലേക്ക് നടന്നിരുന്നു. പ്രണയത്തിന്റെ ഇടയിലെ ഒരു കൂടിക്കാഴ്ചയിൽ ആണ് അനു നീരസം പ്രകടിപ്പിച്ചു ഇന്ന് പിന്മാറിയത്. അവളുടെ പെരുമാറ്റത്തിലെ അസ്വഭാവികത എത്ര ചിന്തിച്ചിട്ടും ഹരിക്ക് മനസ്സിലായില്ല. half day ലീവ് എടുത്താണ് അനു ഹരിക്ക് ഒപ്പം വന്നതെങ്കിലും ആ കൂടി കാഴ്ച കലഹത്തിൽ അവസാനിച്ചതിനാൽ ലീവ് വേണ്ടിയിരുന്നില്ലെന്നു പോലും തോന്നി പോയിരുന്നു അനുവിന്. വൈകാതെ അവിടെ തന്നെ അടുത്തുള്ള ഹോസ്റ്റലിൽ എത്തുമ്പോഴേക്കും അവൾ നന്നേ ക്ഷീണിച്ചിരുന്നു. ഹോസ്റ്റൽ ഫുഡ്‌ അവൾക്ക് എപ്പോഴും ഹെൽത്ത്‌ ഇഷ്യൂ വരുത്തുന്നതിനാൽ അവൾ ഇതിപ്പോ മൂന്നാമത്തെ ഹോസ്റ്റൽ ആണ് മാറുന്നത്.എത്ര പറഞ്ഞാലും ഫുഡിന്റെ കാര്യത്തിൽ ഒരു മാറ്റവും ഇല്ലാത്തതിനാൽ വന്നു വന്നു പുറത്തു നിന്നും ഫുഡ്‌ വാങ്ങിക്കേണ്ട അവസ്ഥ ആയിരുന്നു അവൾക്ക്. ഒരു വീട് റെന്റിനു സെറ്റ് ആക്കി നൽകുമോ എന്ന് അവൾ തന്നെ ആണ് ഹരിയോട് ചോദിച്ചത്. അതിൻറെ കാര്യം സംസാരിക്കാൻ ആണ് ഹരി ഇന്നവളെ കൂട്ടി കൊണ്ട് പോയതും. അത് പക്ഷെ സംസാരിക്കാൻ കഴിഞ്ഞതുമില്ല. എന്നാൽ പതിവ് പോലെ ഒരു ദീർഘമായ ചുംബനത്തിലേക്ക് കടന്നു പോയപ്പോൾ അതിനെ ആദ്യമായി അനു എതിർത്തിരുന്നു. അതിന്റെ നിരാശ ഇന്ന് അവന്റെ മുഖത്ത് കാണുകയും ചെയ്തു. കാരണം അറിയാത്തത് കൊണ്ട് തന്നെ തന്നോട് ദേഷ്യം ഉണ്ടാകുമെന്ന് കരുതി അനു അവനെ വിളിക്കുവാനും മുതിർന്നില്ല. പക്ഷെ പതിവ് പോലെ സമയം ആയപ്പോൾ അവളെ തേടി അവന്റെ കാൾ വന്നിരുന്നു. മടിച്ചു ആണെങ്കിലും അവൾ ആ കാൾ അറ്റൻഡ് ചെയ്തു. "ഹലോ.." "ഹരിയുടെ പെണ്ണിന് എന്താണ് പറ്റിയത്. " "എനിക്ക് ഒന്നും പറ്റിയിട്ടില്ല നീ വെച്ചിട്ട് പോയെ ഹരി." "പിന്നെ എന്താണ് അനു. കുറച്ചു ദിവസായി എനിക്ക് നിന്നെ ഒരുപാട് മിസ്സ്‌ ചെയ്യുന്നു. ചില തിരക്കുകൾ കാരണം കാണുന്നത് തന്നെ വല്ലപ്പോഴും. എന്നാ സംസാരിക്കുമ്പോൾ എങ്കിലും നിനക്ക് പഴയ അനുവായി സംസാരിച്ചൂടെ. എന്താണ് ഞാൻ നിന്നെ ഇത് വരെ മോശമായി കണ്ടിട്ടുണ്ടോ. അന്നും ഇന്നും ആ സ്നേഹം എങ്ങനെ ആണോ നീ ആഗ്രഹിച്ചത് അത് പോലെ തന്നെ അല്ലെ ഞാൻ.." "എനിക്ക് ഒന്നും സംസാരിക്കാൻ കഴിയുന്നില്ല. എന്റെ മാനസികാവസ്ഥ ഒന്ന് മനസിലാക്കാൻ ശ്രമിക്ക് നീ." "ok ഞാൻ ആയി ഇനി നിന്നെ വിളിച്ചു ബുദ്ധിമുട്ടിക്കില്ല. എന്റെ പെണ്ണിന് ഒരു സങ്കടം വന്നാൽ ഞാൻ അല്ലെ അത് പരിഹരിക്കേണ്ടതെന്ന് കരുതി ആണ് ഞാൻ വിളിച്ചു പോയത്. i am സോറി. പിന്നെ നീ പറഞ്ഞ വീട് ഞാൻ റെഡി ആക്കിയിട്ടുണ്ട് നാളെ തന്നെ വന്നു കാണാം. ഓഫീസിനു അടുത്താണ്. കുറച്ചു ക്യാഷ് കൂടുതൽ ആണ്. എങ്കിലും ഒന്നോർത്താൽ ആ ഹോസ്റ്റലിനേക്കാൾ മികച്ചതാണ്. ഡെപ്പോസിറ്റ് കാര്യങ്ങൾ ഒക്കെ നാളെ സംസാരിക്കാം. നീ വരണം. ഇനി അതിനും എന്റെ ആവശ്യം ഇല്ലെങ്കിൽ ഞാൻ നമ്പർ തരാം. നീ ഡയറക്റ്റ് കോൺടാക്ട് ചെയ്തോ.." "വേണ്ട.നീ തന്നെ വന്നു ശരി ആക്കി തന്നാൽ മതി. ഞാൻ വെക്കട്ടെ. എനിക്ക് ഒന്ന് മയങ്ങണം." "മ്മ് ok ഗുഡ്‌നൈറ്റ്." പ്രതീക്ഷിച്ച പോലെ ഒരു മാറ്റം അവളിൽ നിന്നും ഉണ്ടാകാത്തതിനാൽ ഹരി നിരാശയോടെ ആണ് ഫോൺ കട്ട്‌ ചെയ്തത്. അനു പതിവ് പോലെ വീട്ടിലേക്ക് കാൾ ചെയ്യുമ്പോൾ ഒരു പുഞ്ചിരി ഉണ്ടാരുന്നു അവളുടെ മുഖത്ത്. രണ്ടാഴ്ച കഴിഞ്ഞു നാട്ടിലേക്ക് മടങ്ങാൻ അവൾ ആഗ്രഹിച്ചിരുന്നു. അത് കൊണ്ട് തന്നെ അതിന്റെ സന്തോഷം അവളുടെ മുഖത്ത് പ്രകടമായിരുന്നു. "ഹലോ അനുവേച്ചി." എന്നത്തേയും പോലെ ആദ്യം കാൾ എടുത്തത് അഭിയായിരുന്നു. അഭിയോട് വിശേഷങ്ങൾ ചോദിച്ചു തുടങ്ങിയപ്പോഴേക്കും ഹരിയുടെ വീട്ടുകാർ വീട്ടിലെക്ക് വരുമോ എന്ന അമ്മയുടെ ചോദ്യവും വന്നിരുന്നു. ഹരിയുടെ കാര്യം അഭിക്കും ദേവകിക്കും അറിവുള്ളതാണ്. അവരുടെ ഭാഗത്തു നിന്നും പിന്തുണ ലഭിച്ചെങ്കിലും ആ ബന്ധം ഇഷ്ടം ഇല്ലാത്ത ഹരിയുടെ വീട്ടുകാർ പെണ്ണ് ചോദിക്കാൻ എന്തായാലും വീട്ടിൽ വരില്ലെന്ന് അനുവിന് അറിയാമായിരുന്നു. അത് തുറന്നു പറഞ്ഞാൽ അമ്മക്ക് സങ്കടം തോന്നുമെന്ന് അറിയാവുന്നത് കൊണ്ട് തന്നെ നേരിട്ട് എല്ലാം വിവരങ്ങളും പറയാൻ ആണ് അവളുടെ ഉദ്ദേശം . എന്നാൽ വീണ്ടും ആ ചോദ്യം ഉന്നയിക്കുന്ന അമ്മയോട് അവൾക്ക് നുണ പറയേണ്ടി വന്നു. "ഹരിയും ഒപ്പം വരുന്നുണ്ട് അമ്മേ. എല്ലാം ഞാൻ നാട്ടിൽ വന്നിട്ട് സംസാരിക്കാം. ശരി നാളെ വേറെ കുറച്ചു വർക്ക്‌ കൂടി ഉണ്ട്." വേഗം ഫോൺ കട്ട്‌ ചെയ്തു ബെഡിലേക്ക് കിടക്കുമ്പോൾ ഹരി ഇല്ലാത്ത ഒരു ജീവിതം അനുവിന് സങ്കൽപ്പിക്കാൻ കൂടി കഴിയുമായിരുന്നില്ല. (തുടരും ).. കണ്ണൂർകാരൻ 🥰🥰🥰🥰🥰 #📔 കഥ #📙 നോവൽ #📚 ട്വിസ്റ്റ് കഥകൾ #💞 പ്രണയകഥകൾ #✍ തുടർക്കഥ