ഹൃദയത്തിലൂടെ ֶָ֢⁠♡ (പാർട്ട്‌:1) സമയം രാവിലെ ആറിനോട് അടുത്തിരുന്നു.പഴയ ഫാനിന്റെ കരകര ശബ്ദം മാത്രം നിറഞ്ഞ ആ ചെറിയ വാടകവീട്ടിൽ ശ്വാസം മുട്ടിക്കുന്നതുപോലെ നിശബ്ദത നിറഞ്ഞു നിന്നു.ആ വീട്ടിലെ ഹാളിലെ കട്ടിലിൽ കിടന്ന തുളസി വീണ്ടും ചുമച്ചുകൊണ്ട് വായ പൊത്തി അവൾ കൈ എടുത്തു നോക്കിയതും അതിൽ തെളിഞ്ഞ ചോരത്തുള്ളികൾ കണ്ട് അവൾ വേഗം കൈകൾ പുതപ്പിനുള്ളിൽ ഒളിപ്പിച്ചു.ആ സമയം അടുക്കളയിൽ നിന്ന് ചായയുടെ മണം ഉയർന്നു. ​“തുളസിയേച്ചി… ചായ കുടിക്കാം എഴുനേൽക്ക്.”താര ഒരു ചെറിയ സ്റ്റീൽ ഗ്ലാസിൽ ചായയുമായി അവിടേക്ക് വന്നുകൊണ്ട് പറഞ്ഞു.തുളസി ഒരു നിമിഷം നടന്ന് വരുന്ന താരയെ നോക്കി ആ ഇരുപത് വയസ്സുകാരിയുടെ മുഖത്ത് ഉറക്കം പോലും പൂർണ്ണമായി മാറിയില്ലെന്ന് അവൾക്ക് തോന്നി. മുഷിഞ്ഞു നരച്ച ഒരു ദാവണി ആയിരുന്നു അവളുടെ വേഷം.ഉടുപ്പും കഴിഞ്ഞ് കിടക്കുന്ന നീളമുള്ള മുടി വാരിക്കെട്ടി വെച്ചിട്ടുണ്ട്.​ “നീ ഇന്ന് ജോലിക്ക് പോകണ്ട താരേ. ഇന്നലെ രാത്രി മുഴുവൻ പനി ആയിരുന്നു നിനക്ക്.”തുളസി ദയനീയമായി അവളെ നോക്കി പറഞ്ഞു. “പോയില്ലെങ്കിൽ പൈസ എവിടുന്ന് കിട്ടാനാ തുളസിയെച്ചി.ഇവിടത്തെ വാടക കൊടുകണ്ടേ അതേപോലെ ചേച്ചിക്കുള്ള മരുന്ന് വാങ്ങണം.പിന്നെ ഇന്നലെ ഡോക്ടർ പറഞ്ഞ ആ ഇൻജക്ഷൻ…”താര ചെറിയ പുഞ്ചിരിയോടെ പറഞ്ഞു. പക്ഷെ തുളസിക്ക് അവളെ നോക്കി തിരികെ പുഞ്ചിരിക്കാനായില്ല.തുളസി വേഗം തല അപ്പുറത്തേക്ക് തിരിച്ചുപിടിച്ചു അവളുടെ കണ്ണുകൾ പെട്ടെന്ന് നിറഞ്ഞു.ആറ് വർഷം മുൻപ് ഒരു അപകടത്തിൽ മാതാപിതാക്കളെ നഷ്ടപ്പെട്ട ശേഷം ഈ ലോകത്ത് തുളസിക്കും താരക്കും അവർ രണ്ടുപേർ മാത്രമായിരുന്നു തുണ.തമിഴ്‌നാട്ടിൽ നിന്ന് കേരളത്തിലേക്ക് ചേക്കേറിയ ആ ജീവിതം ഇപ്പോൾ ഈ ചെറിയ വാടകവീട്ടിൽ ഒതുങ്ങിയിരിക്കുന്നു. ​“തുളസിയേച്ചി പുതിയ ഒരു വീട്ടിലേക്കാണ് ഇന്നുമുതൽ എനിക്ക് ജോലിക്ക് പോകേണ്ടത്.”താര പറഞ്ഞു. ​“ഏത് വീട്?” ​“ഇവിടെ ഷൂട്ടിങ്ങിന് വന്നിരിക്കുന്ന ഏതോ സിനിമ നടന്റെ വീടാണ്.ലീലമ്മ ചേച്ചിയ പറഞ്ഞത് പുള്ളി വലിയ ആളാണെന്ന്.”​സിനിമക്കാരുടെ വീടാണെന്നറിഞ്ഞപ്പോൾ തുളസിക്ക് ആശങ്കയായി. “അവിടെ സൂക്ഷിച്ചേ നിൽക്കാവൂ തരേ. സിനിമക്കാരാ അവർ എങ്ങനെ ഉള്ളവരാണെന്ന് നമ്മുക്ക് പറയാൻ പറ്റില്ല.അതുകൊണ്ട് നല്ലോണം സൂക്ഷിക്കണം.”തുളസി ആവലാതിയോടെ പറഞ്ഞു. ​“എന്റെ തുളസിയേച്ചി പേടിക്കണ്ടാട്ടൊ ഞാൻ ജോലി ഒക്കെ ചെയ്ത് തീർത്ത വേഗം തിരിച്ചു വന്നോളാം.”താര ചിരിച്ചുകൊണ്ട് പറഞ്ഞു. ​രാവിലെ ഒമ്പത് മണിയോടെ നഗരത്തിൽ നിന്ന് വിട്ട് മാറി ശാന്തമായ ഒരു പ്രതേശത്തുള്ള ഒരു ഒറ്റനില വീടിന്റെ മുന്നിലായി അവൾ വമ്മു നിന്നു. ഗേറ്റിനു പുറത്ത് രണ്ട് കറുത്ത ആഡംബരം വിളിച്ചോതുന്ന കാറുകൾ കിടക്കുന്നത് അവൾ ശ്രദ്ധിച്ചു.താര ചുറ്റിനും ഒന്ന് നോക്കിക്കൊണ്ട് ഗേറ്റ് തുറന്ന് അകത്തേക്ക് കയറി. അപ്പോഴാണ് ​വീടിന്റെ വരാന്തയിൽ നിന്ന് സിഗരറ്റിന്റെ പുക ഉയരുന്നത് അവൾ കണ്ടത് താര ഒരു നിമിഷം തലയുയർത്തി നോക്കി.കറുത്ത ഷർട്ടും, കൈയിൽ വിലകൂടിയ വാച്ചും,മുഖത്ത് അലക്ഷ്യമായി വളർത്തിയ താടിയും ഒരു കൈയിൽ സിഗരറ്റും ആയി നിൽക്കുന്ന ആളെ അവൾ നോക്കി.മലയത്തിലെ കീരിടാം വെക്കാത്ത രാജാവ് തരുൺ ദേവ്.മലയാള സിനിമയിലെ സൂപ്പർസ്റ്റാർ. തന്നെ ആരോ ശ്രെദ്ധിക്കുന്നുണ്ടെന്ന് തോന്നിയതും അവൻ കണ്ണുകൾ ഉയർത്തി നോക്കി അവ നേരെ ചെന്ന് നിന്നത് താരയിലേക്കാണ്. ​“ആരാ?”അവന്റെ ഗാംഭീര്യമുള്ള ശബ്ദം കേട്ടപ്പോൾ താര ഒന്നു പതറി. ​“ഞ..ഞാൻ ജോലിക്ക് വന്നതാണ് സാർ…”അവൾ പേടിയോടെ പറഞ്ഞതും ​അവൻ അവളെ ഒന്ന് മൊത്തത്തിൽ നോക്കി അവളുടെ പഴകിയ വസ്ത്രവും എണ്ണമയം നിറഞ്ഞ മുഖവും എല്ലാം അവൻ ഒന്ന് നോക്കി. കാണാൻ അതികം മെനയൊന്നും ഇല്ലാത്ത ഒരു പെൺകുട്ടി എന്ന് അവൻ ഓർത്തു.അവൻ മറുപടിയൊന്നും പറയാതെ വീണ്ടും തന്റെ കൈയിൽ ഇരുന്ന സിഗരറ്റ് വലിച്ചുകൊണ്ട് അവളിൽ നിന്നും മുഖം തിരിച്ചു. അപ്പോഴേക്കും അകത്തുനിന്ന് അവന്റെ അസിസ്റ്റന്റ് രാഹുൽ പുറത്തേക്ക് വന്നു. ​“നീയാണോ ഇവിടെ ജോലിക്ക് വന്ന പെൺകുട്ടി?”രാഹുൽ ചോദിച്ചു. ​“അതെ.” ​"എന്നാൽ അകത്തേക്ക് വാ.”രാഹുൽ പറഞ്ഞുകൊണ്ട് അകത്തേക്ക് നടന്നതും ​താര ചെരിപ്പഴിച്ചുവെച്ച് അവന് പിന്നാലെ അകത്തേക്ക് കയറി. അകത്തേക്ക് കയറിയതും അവൾ അവിടം മൊത്തത്തിൽ ഒന്ന് നോക്കി.വീട് അലങ്കോലമൊന്നുമല്ല പക്ഷേ അവിടെ ഉള്ള വസ്തുക്കൾ എല്ലാം തന്നെ വിലപിടിപ്പുള്ളതാണ്. ചുവരുകളിൽ ഒന്ന് രണ്ട് തരുണിന്റെ ഫോട്ടോകൾ തുക്കിയിട്ടുണ്ട്. “സാറിന് വൃത്തി വളരെ പ്രധാനമാണ്,” രാഹുൽ നിർദ്ദേശങ്ങൾ നിരത്തി. “പിന്നെ അനാവശ്യമായി ഒരു മുറികളിലേക്കും പോകരുത്. പിന്നെ ഇവിടെ ഒരുപാട് വിലപിടിപ്പുള്ള വസ്തുക്കൾ ഇരിക്കുന്നുണ്ട് അതിൽ ഒക്കെ തൊടുമ്പോൾ സൂക്ഷിക്കണം മനസ്സിലായോ.”രാഹുൽ ചോദിച്ചതും ​താര തലകുലുക്കി സമ്മതിച്ചു. അപ്പോഴേക്കും തരുൺ അകത്തേക്ക് കയറി വന്ന് സോഫയിലേക്ക് ഇരുന്നു. ഫോണിൽ എന്തോ നോക്കിക്കോനിരുന്ന അവന് താര എന്നാ ഒരാൾ അവിടെ വന്നതയെ തോന്നിയിരുന്നില്ല. ​“സാർ, കോഫി എടുക്കട്ടേ?”രാഹുൽ ചോദിച്ചു. ​“മ്മ് എടുക്ക്.”തരുണിന്റെ മറുപടി കിട്ടിയതും ​താര വേഗം അടുക്കളയിലേക്ക് നടന്നു.കോഫി ഉണ്ടാക്കുമ്പോഴും അവളുടെ ഉള്ളിൽ ഒരു പേടി പടർന്നിരുന്നു.സിനിമയുടെ പോസ്റ്ററിൽ ഒക്കെ കാണുന്നതിനേക്കാൾ സുന്ദരനും പക്ഷെ അതേപോലെ തന്നെ ദേഷ്യക്കാരനും ആണ്  നേരിൽ കാണുമ്പോൾ എന്ന് അവൾ ഓർത്തു. താര കോഫിയുമായി വരുമ്പോൾ തരുൺ ആരോടോ ദേഷ്യത്തോടെ ഫോണിൽ സംസാരിക്കുകയായിരുന്നു. ​“ആരാണ് പറഞ്ഞത് ആ സീൻ മാറ്റാൻ?” അവന്റെ ശബ്ദം ആ മുറിയിൽ മുഴങ്ങി. താര കോഫി കപ്പ് മേശപ്പുറത്തേക്ക് വെക്കാൻ ശ്രമിച്ചപ്പോൾ അവന്റെ ശബ്‌ദം കേട്ട് കൈ ചെറുതായി വിറച്ചു. ആ ചൂടുള്ള കോഫി തരുണിന്റെ കൈയിലേക്ക് തെറിച്ചു വീണു. ​പെട്ടെന്ന് മുറിയിൽ നിശബ്ദത തളംകെട്ടി താരയുടെ മുഖം ഭയത്താൽ വിളറി.തരുൺ സാവധാനം മുഖം ഉയർത്തി അവളെ നോക്കി അവന്റെ കണ്ണുകളിൽ അഗ്നി ജ്വലിക്കുന്നുണ്ടായിരുന്നു. ​“എടി **##മോളെ നിനക്ക് കണ്ണു കാണില്ലേ?”അവൻ ഉറക്കെ ദേഷ്യത്തോടെ അലറിക്കൊണ്ട് ചോദിച്ചു. ​“സാർ ഞാൻ അറിയാതെ... എന്നോട് ക്ഷമിക്കണം...”താര ഒരു ഞെട്ടലോടെ പറഞ്ഞുകൊണ്ട് പേടിച് പിന്നോട്ട് മാറി. ​“ചൂട് കോഫി കൊണ്ട് വന്ന് കൈയിൽ ഒഴിച്ചതും പോരാ അവൾടെ ഒരു ഷേമ ചോദിക്കല്ലേ മര്യാദക്ക് എന്റെ മുന്നിൽ നിന്നും പോവാൻ നോക്ക് അസത്തെ.”അവൻ അലറിക്കൊണ്ട് എഴുന്നേറ്റ് വാഷ് ബേസനരികിലേക്ക് നടന്നു.ഇത് എല്ലാം കണ്ട് ​രാഹുൽ താരയെ പുച്ഛത്തോടെ നോക്കി. “ആദ്യ ദിവസം തന്നെ കൊള്ളാം.”രാഹുൽ പരിഹാസത്തോടെ പറഞ്ഞതും അവൾ ഒന്നും മിണ്ടിയില്ല അവൾ തലകുനിച്ചു നിന്നു. “ഡയറക്ടർ വിളിച്ചാൽ ഞാൻ ഉറങ്ങുകയാണെന്ന് പറഞ്ഞേക്ക് രാഹുൽ.”കുറച്ചു കഴിഞ്ഞ് തരുൺ തിരികെ വന്നുകൊണ്ട് രാഹുലിനോട് പറഞ്ഞു.​പിന്നെ അവൻ വീണ്ടും താരയെ ഒന്ന് നോക്കി രണ്ടു സെക്കന്റ് മാത്രം.അവന്റെ ആ നോട്ടത്തിൽ ദേഷ്യം ഉണ്ടായിരുന്നു പക്ഷേ അതിലപ്പുറം എന്തോ ഒന്ന്.സിനിമാ ലോകത്ത് തരുണിനെ കണ്ടാൽ പെൺകുട്ടികൾ അവനെ ആരാധനയോടെ നോക്കാറുണ്ട് ഒരുപാട് പേരുടെ കണ്ണുകൾ തന്നെ നോക്കി തിളങ്ങുന്നത് ഒക്കെ കണ്ടിട്ടുണ്ട്.പക്ഷേ ഈ പെൺകുട്ടിയുടെ കണ്ണുകളിൽ തന്നോടുള്ള ഒരു പ്രത്യേകതരം ഭവങ്ങളും അവന് കണ്ടെത്താൻ കഴിഞ്ഞില്ല ഒരു തരം പേടി മാത്രമാണെന്ന് കണ്ടതായും അത് അവനെ അത്ഭുതപ്പെടുത്തി.താര തലകുനിച്ചു അടുക്കളയിലേക്ക് നടന്നു.അവൾ നടന്ന് നീങ്ങിയതും തരുണിന്റെ കണ്ണുകൾ അവളുടെ പുറകുവശം മുഴുവനും മറച്ചുകൊണ്ട് അഴിഞ്ഞു കിടക്കുന്ന അവളുടെ നീളൻ മുടികളിൽ ചെന്ന് നിന്നു ഒരു നിമിഷം അവൻറെ കണ്ണുകൾ തിളങ്ങി. തന്റെ അമ്മക്ക് അല്ലാതെ വേറെ ആർക്കും ഇത്രയും മുടി അവൻ കണ്ടിട്ടില്ല. പക്ഷെ ഇവളുടെ മുടി അമ്മക്ക് ഉള്ളത്തിലും കൂടുതൽ ഉണ്ടെന്ന് അവന് തോന്നി. താരക്ക് ഇപ്പോഴും അവളുടെ വിരലുകൾ വിറയ്ക്കുന്നുണ്ടെന്ന് തോന്നി.ആദ്യ ദിവസം തന്നെ ഇത്ര വലിയൊരു അബദ്ധം സംഭവിച്ചത് അവളിൽ വലിയൊരു ഭയം സൃഷ്ടിച്ചു.തുളസിയുടെ മരുന്നിനുള്ള പണം കണ്ടെത്താൻ ഈ ജോലി എത്രത്തോളം അത്യാവശ്യമാണെന്ന് അവൾക്ക് നന്നായി അറിയാം.അതുകൊണ്ട് തന്നെ എന്തു സഹിച്ചും ഇവിടെ ജോലി ചെയ്യുക എന്ന തീരുമാനത്തിൽ അവൾ ഉറച്ചുനിന്നു.​അടുക്കളയിലെ പാത്രങ്ങൾ കഴുകി വൃത്തിയാക്കുമ്പോൾ പുറത്ത് തരുൺ രാഹുലിനോട് സംസാരിക്കുന്നത് അവൾ കേട്ടു. ​“രാഹുൽ എവിടെന്നാടോ ഈ പെൺകുട്ടിയെ പിടിച്ചുകൊണ്ട് വന്നത്? ആകെ ഒരു ഇത്തിരിയെ ഒള്ളുവല്ലോ ഈ പെണ്ണ് കണ്ടിട്ട് പ്രായപൂർത്തി ആയതാണെന്ന് പോലും തോന്നുന്നില്ല. അവസാനം ആരെങ്കിലും അറിഞ്ഞു ഞാൻ അവളെ ബാലവേല ചെയ്യിച്ചു എന്നും പറഞ്ഞു എന്നെ ജയിലിൽ ആകുമോ.”തരുണിന്റെ ശബ്ദത്തിൽ ഇപ്പോഴും ദേഷ്യമുണ്ടായിരുന്നു. ​“സാറേ ലീലമ്മ പറഞ്ഞിട്ടാണ് ആ പെണ്ണ് വന്നത്.പ്രായപൂർത്തി ഒക്കെ ആയതാ 20 വയസ്സ് ഉണ്ട്.പാവമാണെന്ന് അതേപോലെ നല്ല പണിയെടുക്കും എന്നാണ് പറഞ്ഞത്.ആദ്യത്തെ ഒരു അബദ്ധമല്ലേ, നമുക്ക് വിട്ടുകളയാം.”രാഹുൽ പറഞ്ഞതും ​തരുൺ മറുപടിയൊന്നും പറഞ്ഞില്ല.പക്ഷേ അവന്റെ നോട്ടം ഇടയ്ക്കിടെ അടുക്കളയിലേക്കുള്ള വാതിലിലേക്ക് നീളുന്നുണ്ടായിരുന്നു. താരയ്ക്കും അവൻ ഇങ്ങോട്ട് ഇടക്ക് നോക്കുന്നുണ്ടെന്ന് തോന്നി.എന്തോ ഒരു അസ്വസ്ഥത ആ വീടാകെ നിറഞ്ഞുനിൽക്കുന്നതുപോലെ അവൾക്ക് തോന്നി. ​വൈകുന്നേരമായപ്പോൾ ജോലി തീർത്ത് വീട്ടിലെക്ക് പോകാൻ ഒരുങ്ങുകയായിരുന്നു താര.അപ്പോഴാണ് റൂമിൽ നിന്ന് തരുണിന്റെ വിളി കേട്ടത്. ​“അല്ലേ നീയെങ്ങോട്ടാ ഈ പോകുന്നത്?” ​താര ഞെട്ടിത്തിരിഞ്ഞുകൊണ്ട് അവനെ നോക്കി.തരുൺ കസേരയിൽ ചാരിയിരുന്ന് അവളെത്തന്നെ നോക്കുകയാണ്. ​“എന്റെ ഇന്നത്തെ ജോലി എല്ലാം കഴിഞ്ഞു സാർ ഞാൻ വീട്ടിലേക്ക് പോവുകയാണ്.”അവൾ അവനെ നിക്കാതെ താഴേക്ക് നോക്കിക്കൊണ്ട് പറഞ്ഞു.​തരുൺ സാവധാനം എഴുന്നേറ്റ് അവൾക്ക് അടുത്തേക്ക് വന്നു.അവന്റെ ഗൗരവം കണ്ട് താര വീണ്ടും പിന്നോട്ട് മാറി.അവൻ മേശപ്പുറത്തിരുന്ന ഒരു ഫയൽ എടുത്ത് അവൾക്ക് നേരെ നീട്ടി. ​“നാളത്തെ ഷെഡ്യൂൾ ഇതിലുണ്ട്.നാളെ രാവിലെ ഏഴ് മണിക്ക് മുൻപ് ഇവിടെ എത്തണം.പിന്നെ... നാളെ എനിക്ക് കുറച്ച് ഗസ്റ്റുകൾ വരുന്നുണ്ട് എല്ലാം പെർഫെക്റ്റ് ആയിരിക്കണം.വീണ്ടും കോഫി തന്നപ്പോൾ ഉണ്ടായപ്പോലുള്ള അബദ്ധം ഇനി ആവർത്തിച്ചാൽ... നീ പുറത്തായിരിക്കും.”​അവൻ പറഞ്ഞ വാക്കുകളിൽ ഭീഷണിയേക്കാൾ ഉപരിയായി എന്തോ ഒരു കൗതുകം ഉണ്ടായിരുന്നു.താര അത് ശ്രദ്ധിച്ചില്ല. അവൾ വേഗം തലകുലുക്കി ആ ഫയലും വാങ്ങി പുറത്തേക്ക് ഓടി. താര തിരികെ വീട്ടിലെത്തിയപ്പോൾ തുളസി കട്ടിലിൽ കിടന്നു ചുമയ്ക്കുകയായിരുന്നു.താരയെ കണ്ടതും തുളസി എഴുന്നേൽക്കാൻ ശ്രമിച്ചു. ​“എങ്ങനെയുണ്ടായിരുന്നു മോളെ? അവിടെ കുഴപ്പമൊന്നുമില്ലല്ലോ?”​താര തന്റെ ദാവണിയുടെ തുമ്പ് പിടിച്ചുകൊണ്ട് കതകിന് പിന്നിൽ മറഞ്ഞുനിന്നു.ഇന്ന് തരുണിന്റെ കണ്ണുകളിൽ കണ്ട ആ നോട്ടം, അവൾക്ക് വല്ലാത്തൊരു ഭയം നൽകി. എങ്കിലും അവൾ ചിരിച്ചു. ​“കുഴപ്പം ഒന്നുമില്ല എന്റെ തുളസിയെച്ചി അവിടെ പണിയെടുക്കാൻ വലിയ ബുദ്ധിമുട്ടൊന്നുമില്ല.”അവൾ പുഞ്ചിരിയോടെ പറഞ്ഞു. അന്ന് രാത്രിയിൽ കിടക്കുമ്പോഴും താരയുടെ മനസ്സിൽ ആ വീടും തരുണും അവൻ പറഞ്ഞ വാക്കുകളുമാണ് നിറഞ്ഞത്.താനൊരു സാധാരണക്കാരിയായ പെൺകുട്ടിയാണ് അവൻ മലയാള സിനിമയുടെ രാജാവവാണ്.തങ്ങൾ തമ്മിൽ വലിയൊരു അകലമുണ്ടെന്ന് അവൾക്കറിയാം.പക്ഷേ എന്തോ ഒന്നു അവളെ അലട്ടുന്നുണ്ടായിരുന്നു. ​പിറ്റേന്ന് രാവിലെ ഏഴ് മണിക്ക് തന്നെ താര തരുണിന്റെ വീടിന്റെ ഗേറ്റിലെത്തി.പക്ഷേ അവൾ പ്രതീക്ഷിക്കാത്ത കാര്യങ്ങളാണ് അവിടെ അവളെ കാത്തിരുന്നത്.ഗേറ്റ് തുറന്ന് അകത്തേക്ക് കയറിയ താര കണ്ടത് വീടിന്റെ മുൻവശത്ത് തടിച്ചു കൂടിയിരിക്കുന്ന ഒരു കൂട്ടം ആൾക്കാരെയാണ്.ഒപ്പം ക്യാമറകളുമായി നിൽക്കുന്ന മാധ്യമപ്രവർത്തകരും. തുടരും.... #Malayalam Novel #pratilipi Malayalam #kadhakal #pratilipi #love പുതിയ ഒരു സ്റ്റോറി ആണ് എല്ലാവരുടെയും സപ്പോർട്ട് ഉണ്ടാകുമെന്ന് പ്രതീക്ഷിക്കുന്നു. സഖി 𓂃🪶 #📔 കഥ