Part 50
" അവർ വന്നെന്ന് തോന്നുന്ന് നമ്മൾക്ക് എന്ന അങ്ങോട്ട് പോകാം ഇനി എന്തെങ്കിലും ഉണ്ടെങ്കിൽ അവരെ ക്ഷണിച്ചിരുത്തിയിട്ട് വന്ന് ഒതുക്കാം. ലെച്ചു അവർ ഒക്കെ എത്തി എന്ന് തോന്നുന്ന് ഞങ്ങൾ അങ്ങോട്ട് പോയി അവരെ അകത്തേക്ക് ഇരുത്തട്ടെ. നിന്നെ അമ്മ വന്ന് വിളിക്കും അപ്പൊ ചായയും ആയി വന്ന മതി നീ " : ആദ്യം സരസ്വതിയോടും പിന്നെ ലെച്ചുവിനോടും പറഞ്ഞ് സരസ്വതിയെയും കൂടി അവർ ഹാളിലേക്ക് നടന്നു.
കൃത്യ സമയത്ത് തന്നെ സതീഷനും ഉള്ളിലേക്ക് കയറി വന്നു. ഇതുവരെ ഉണ്ടായിരുന്ന പോലെ അല്ല മുഖത്തൊക്കെ ഒരു തെളിച്ചം വന്നിട്ടുണ്ട്.
അത് മനസ്സിലായ പോലെ ലതയും സരസ്വതിയും പരസ്പരം നോക്കി.
" നിങ്ങൾ ഇവിടെ ഇങ്ങനെ പരസ്പരം നോക്കി നിൽക്കാതെ അവരെ ഒക്കെ അകത്തേക്ക് ക്ഷണിക്ക്. ഞാൻ ഈ മുഷിഞ്ഞത് ഒക്കെ ഒന്ന് മാറ്റട്ടെ " : വെപ്രാളംത്തോടെ ഉള്ളിലേക്ക് കടന്ന് വന്ന് അതും പറഞ്ഞ് ഷർട്ടിന്റെ ബട്ടൻസും അഴിച്ച് കൊണ്ട് സതീഷൻ മുറിയിലേക്ക് പോയി.
അത് കേട്ടതും അവർ രണ്ട് പേരും ആകാംഷയോടെ വാതിക്കലേക്ക് നടന്നു. എന്നാൽ മുറ്റത് കാണുന്ന രണ്ട് കാറും അതിൽ നിന്ന് ഇറങ്ങുന്നവരെയും കണ്ടതും ഒന്ന് അമ്പരന്നു. കാരണം ഇത്രയും ആളുകളെ ഒന്നും അവർ പ്രദീക്ഷിച്ചിരുന്നില്ല.
"നമസ്കാരം " : മദ്യവയസക്കൻ എന്ന് തോന്നിക്കുന്ന ഒരു വെക്തി അവർക്ക് അടുത്തേക്ക് വന്ന് കൊണ്ട് പറഞ്ഞു. അപ്പോഴേക്കും ബാക്കി ഉള്ളവരും അയാൾക്ക് അടുത്തേക്ക് എത്തിയിരുന്നു.
ചിലരുടെ കണ്ണ് മുന്നിൽ നിൽക്കുന്നവരിൽ ആണെങ്കിൽ മറ്റ് ചിലരുടെ കണ്ണ് വീടും പരിസരവും അളക്കുന്നതിൽ ആയിരുന്നു.
" അയ്യോ നമസ്കാരം!! ഞങ്ങൾ പെട്ടെന്ന് നിങ്ങളെ എല്ലാരേയും കണ്ടപ്പോൾ ക്ഷമിക്കണം വരൂ അകത്തിരിക്കാം. " : ആദിത്യ മര്യാദ എന്ന പോലെ ലത അതും പറഞ്ഞ് വന്നവർക്ക് കയറാനായി മാറി നിന്ന് കൊടുത്തു ഒപ്പം സരസ്വതിയും.
അപ്പോഴേക്കും മറ്റൊരു ഷർട്ട് എടുത്ത് ധരിച്ച് കൊണ്ട് സതീഷനും അവിടേക്ക് എത്തി. എല്ലാവർക്കും കൂടി സെറ്റിയിൽ ഇരിക്കാൻ കഴിയില്ല എന്ന് കണ്ടതും സതീഷനും സരസ്വതിയും കൂടി മൂന്ന് നാല് കസേര ഡൈനിംഗ് ഹാളിൽ നിന്ന് എടുത്ത് കൊണ്ട് വന്ന് ഇട്ടു.
ലത ആ നേരം കൊണ്ട് എല്ലാരേയും നിരീക്ഷിക്കുന്ന തിരക്കിലായിരുന്നു. ശ്രീയുടെ കുടുംബം കൂടാതെ വേറെ രണ്ട് കുടുംബം കൂടി ഉണ്ടായിരുന്നു. പിന്നെ ലതയെക്കാളും അല്പം കൂടി പ്രായം ചെന്ന ഒരു സ്ത്രീയും, അത് ശ്രീയുടെ അമ്മാമ്മ ആയിരിക്കും എന്ന് അവർ ഊഹിച്ചു.
വന്നവരുടെ ഒക്കെ വസ്ത്രധാരണയിൽ ഉണ്ടായിരുന്നു അവർ തങ്ങളെക്കാളും എത്ര ഉയരത്തിൽ നിൽക്കുന്നവർ ആണെന്ന്. ആഡംബരം ഒന്നും ഇല്ലെങ്കിലും സ്ത്രീകളുടെ കഴുത്തിൽ നെഞ്ചോപ്പം വരുന്ന മാലയും, അത്യാവിശം കട്ടി ഉള്ള വള ഓരോ കയ്യിലുമുണ്ട്.
ഇതൊക്കെ കണ്ട് ലതയുടെ മുഖവും പൂനിലാവ് ഉദിച്ചത് പോലെയായി. ' എന്തായാലും ലെച്ചുവിന്റെ തിരഞ്ഞെടുപ്പ് മോശമായിട്ടില്ല ' അവർ ഉള്ളാലെ അഹങ്കരിച്ചു.
" ഇന്നാ അമ്മ അമ്മയും ഇരിക്ക് " : ഒരു കസേര ലതയുടെ അടുത്തേക്ക് ഇട്ട് കൊണ്ട് സരസ്വതി പറഞ്ഞു കൊണ്ട് കസേരയുടെ പിന്നിൽ സ്ഥാനം ഉറപ്പിച്ചു. സതീശൻ മറ്റൊരു കസേരയിൽ ഇരിപ്പുറച്ചിട്ടുണ്ട്.
" പെണ്ണുകാണൽ ചന്തങ്ങ് ആയത് കൊണ്ട് ഞങ്ങൾ എല്ലാരേയും പ്രദീക്ഷിച്ചിരുന്നില്ല അതാ വന്നപ്പോൾ അങ്ങനെ നിന്ന് പോയെ. മോളും ഒന്നും പറഞ്ഞതും ഇല്ല " : അവർക്ക് മുഷിച്ചിലുണ്ടായോ എന്ന് കരുതി ലതയാണ് സംസാരിച്ചു തുടങ്ങിയത്.
" ഏയ്യ് അതൊന്നും സാരമില്ല അമ്മേ, പിന്നെ മോളോടും ഞങ്ങൾ എല്ലാരും കൂടി വരുന്ന കാര്യം ഇവൻ പറഞ്ഞിട്ടില്ല എന്ന് തോനുന്നു. ഞാൻ ശ്രീറാമിന്റെ അച്ഛൻ പേര് വേണു, ഇത് അവന്റെ അമ്മ അനില, ഇത് അവന്റെ പെങ്ങൾ അനുശ്രീ, പിന്നെ ഇവനാണ് ശ്രീറാം കണ്ടപ്പോൾ നിങ്ങൾക്ക് മനസ്സിലായി കാണുമല്ലോ എങ്കിലും ഞാൻ ഒന്നും കൂടി ഒന്ന് പരിചയപ്പെടുത്തി എന്നെ ഉള്ളു. ഞങ്ങളെ ഒക്കെ കുറിച്ച് മോൾ പറഞ്ഞ് കാണുമല്ലോ " : അയാൾ ഒരു പുഞ്ചിരിയോടെ പറഞ്ഞു.
അതിന് ചിരിയോടെ അവർ മൂന്ന് പേരും തലയാട്ടി എങ്കിലും അവരുടെ നോട്ടം മുഴുവനും ശ്രീയിൽ ആയിരുന്നു. ഒരു പച്ച ഷർട്ടും നീല ജീൻസും ആണ് അവന്റെ വേഷം. ഷർട്ട് ഇൻഷർട്ട് ചെയ്തിട്ടുണ്ട്, പ്രസന്നമായ മുഖം. അവർക്ക് മൂന്ന് പേർക്കും അവനെ നന്നായി ബോധിച്ചു.
" ഇത് എന്റെ അമ്മ പാർവതി അച്ഛൻ ആറ് വർഷങ്ങൾക്ക് മുൻപ് മരണപ്പെട്ടു. ഇത് എന്റെ അനിയൻ വിശ്വൻ, അത് വിശ്വന്റെ ഭാര്യ ഗംഗ പിന്നെ രണ്ട് ആൺ മക്കൾ ആണ് വിശാലും വിനയ് യും, മൂത്തവൻ വിശാല് പുറത്താണ് ജോലി ചെയ്യുന്നത് ഇളയവൻ പിന്നെ ബാംഗ്ലൂരിൽ ആണ് പഠിക്കുന്നത്. കല്യാണം അടിപ്പിച്ച് ഒക്കെ ലീവ് എടുക്കേണ്ടത് കാരണം രണ്ട് പേരും വന്നില്ല.
പിന്നെ അനിലയുടെ അച്ഛനും അമ്മയും വർഷങ്ങൾക്ക് മുന്നേ മരണപ്പെട്ടു. അത് അനിലേടെ ആങ്ങള ആണ് അനിൽ കുമാർ അത് അവന്റെ ഭാര്യ മീര അവർക്ക് ഒരു മകനാണ് മാധവ്. ഇവരൊക്കെ ആണ് ഞങ്ങളുടെ കുടുംബം. പിന്നെ ശ്രീ ഞങ്ങളുടെ രണ്ട് കുടുംബത്തിലെയും ആദ്യത്തെ കുട്ടിയാണ്. അപ്പൊ അവന്റെ ജീവിതത്തിലെ ഒരു പ്രധാന കാര്യം നടക്കുമ്പോൾ ആരെയും ഒഴുവാക്കേണ്ട എന്ന് കരുതി. എല്ലാരേയും ഓർത്തിരിക്കാൻ പാടാണെന്ന് അറിയാം സാരമില്ല സമയം ഉണ്ടല്ലോ പതിയെ എല്ലാരേയും ഓർക്കാന്നെ " : വേണു ഒരു ചിരിയോടെ തന്നെ എല്ലാവരെയും പരിചയപ്പെടുത്തി കൊണ്ട് പറഞ്ഞു.
" അതിനെന്താ ഇപ്പൊ വന്നത് കൊണ്ട് എല്ലാരേയും ഇപ്പോഴേ പരിചയപ്പെട്ട് ഇരിക്കലോ. ഇവിടുത്തെ കാര്യം പറയുകയാണെങ്കിൽ ഞാൻ സതീഷൻ ലെച്ചുവിന്റെ അച്ഛൻ, ഇത് സരസ്വതി അവളുടെ അമ്മ, പിന്നെ ഇത് സരസ്വതിയുടെ അമ്മ ലത " : സതീഷനും മറുപടിയായി ഒരു ചിരിയോടെ വീട്ടിലുള്ളവരെ പരിചയപ്പെടുത്തി.
" നിങ്ങൾക്ക് ഒരു മകൾ മാത്രേ ഉള്ളോ...? " : സതീശൻ പറഞ്ഞ് നിർത്തിയതും വേണു തിരക്കി.
അത് കേട്ടതും സതീശന്റെയും സരസ്വതിയുടെയും ലതയുടെയും മുഖം വിളറി വെളുത്തു.
" അത് അത്... പിന്നെ " : സതീഷൻ എന്ത് പറയണം എന്ന് അറിയാതെ പരുങ്ങി.
അത് കണ്ടതും ശ്രീ ഒഴികെ വന്നവരെല്ലാം പരസ്പരം മുഖത്തോട് മുഖം നോക്കി.
" എന്ത് പറ്റി എന്തെങ്കിലും പ്രശ്നം ഉണ്ടോ...? " : വിശ്വൻ ആണ് ചോദിച്ചത്.
" അത് പിന്നെ സരസ്വതി ഇവന്റെ രണ്ടാം കെട്ടാണ്, ആദ്യ കെട്ടിൽ ഇവനൊരു മോളുണ്ട് പേര് ഗൗരി എന്ന. ഞങ്ങൾ ഒക്കെ അവളുടെ ഒരു ആഗ്രഹത്തിയും എതിർക്കാതെ പൊന്ന് പോലെയാ വളർത്തിയെ പക്ഷെ എന്ത് ചെയ്യാൻ... " : എന്നിങ്ങനെ തുടങ്ങി ഗൗരിയെ കുറിച്ച് അവർ മെനഞ്ഞെടുത്ത കള്ള കഥ വന്നവർക്ക് മുന്നിൽ വിളമ്പി. ഇടക്ക് പൊലിപ്പും തൊങ്ങലും ചേർത്ത് പറയാൻ സരസ്വതിയും കൂടി.
സതീശൻ പക്ഷേ തീർത്തും മൗനം ആയിരുന്നു. അതിൽ നിന്ന് തന്നെ വന്നവർക്ക് പറയുന്നതൊക്കെ സത്യമാണെന്നും, സതീശന് മകളെ ഓർത്തുള്ള സങ്കടം ആണെന്ന് തെറ്റിദ്ധരിച്ചു.
എന്നാൽ ഇതെല്ലാം കേട്ട് ശ്രീയുടെ മുത്തശ്ശിയുടെ മുഖത്ത് അനിഷ്ടം നിറഞ്ഞു. അച്ഛനും അമ്മയും രണ്ടാം കെട്ടുകാർ അനിയത്തി ആണെങ്കിലോ വയറ്റിൽ ഉണ്ടാക്കിയിട്ട് ഏതോ ഗുണ്ടയുടെ കൂടെ ഇറങ്ങി പോയേക്കുന്നു. ഇതുപോലെ പോലെ ഒരു കുടുംബത്തിൽ നിന്ന് തന്നെ പെണ്ണിനെ ആലോചിക്കണോ എന്ന അർത്ഥത്തിൽ അവർ വിശ്വനെ നോക്കി.
ആ നോട്ടത്തിന് അർത്ഥം മനസ്സിലായത് പോലെ അയാൾ അവർക്ക് നേരെ കണ്ണ് ചിമ്മി കാണിച്ചു.
" അല്ലെങ്കിലും ഇപ്പോൾ കൊറേ എണ്ണം ഉണ്ട് ഇങ്ങനെ തന്തക്കും തള്ളക്കും പേര് ദോശം കേൾപ്പിക്കാനായി. അവർക്ക് അത്രയും നാളും പോറ്റി വളർത്തിയ മാതാപിതാക്കളെ ക്കാളും അവർക്ക് വലുത് ഇന്നലെ കണ്ട എമ്പോക്കിയേ ആണ്. താൻ ഇങ്ങനെ വിഷമിക്കാതെടോ കാലം എല്ലാത്തിനും കണക്ക് പറഞ്ഞോളും. അന്നേ അവർക്കൊക്കെ തള്ളി പറഞ്ഞ വീട്ടുകാരുടെ വില മനസ്സിലാകു " : അനിഷ്ടത്തോടെ അനിൽ പറഞ്ഞു. പാർവതി ഒഴികെ ബാക്കി എല്ലാവരും അത് ശെരി വെക്കും പോലെ തലയാട്ടി.
അത് കേട്ടതും ലത പതിയെ തല ചെരിച്ച് പിന്നിൽ നിൽക്കുന്ന മകളെ നോക്കി. അത് കണ്ടതും സരസ്വതി അവർക്കൊരു ഇളം ചിരി നൽകി.
പിന്നെയും പരസ്പരം അങ്ങോട്ടും ഇങ്ങോട്ടും പല സംഭാഷണങ്ങൾ നടന്നു.
" എങ്കിൽ പിന്നെ ഇനി സമയം കളയണ്ട പെണ്ണിനെ കാണാം " : അവിടെ നടക്കുന്ന സംഭാഷണം ഒന്നും ഇഷ്ടമാകാത്ത പോലെ പാർവതി ചടങ്ങിലേക്ക് കടന്നു.
" എങ്കിൽ പിന്നെ അങ്ങനെ ആകട്ടെ, സരസ്വതി നീ പോയി മോളെ കൂട്ടി കൊണ്ട് വാ " : സതീശൻ സരസ്വതിയെ നോക്കി പറഞ്ഞു.
അതിനൊന്നു തലയാട്ടി എല്ലാരേയും നോക്കി ചിരിച്ച് കൊണ്ട് അവർ അകത്തേക്ക് നടന്നു.
എല്ലാരും അക്ഷമയോടെ ലെച്ചുവിനെ കത്തിരുന്നു.
" എനിക്ക് ടെൻഷൻ ആവുന്നു അമ്മേ ഇതെങ്ങാനും ചെരിഞ്ഞ് വീഴുമോ. അല്ലെങ്കിലും ഒന്ന് പെണ്ണ് കാണുന്നതിനാണോ ഒരു പട ആളുകളുമായി വരുന്നേ " : ലെച്ചു ടെൻഷനോടെയും അനിഷ്ടത്തോടെയും പറഞ്ഞു.
" നീ ഒന്ന് മിണ്ടാതെ ഇരിക്ക് ലെച്ചു അവരൊക്കെ അപ്പുറം ഇരിപ്പുള്ള കാര്യം മറക്കരുത്. അവർ ഇതൊക്കെ കേട്ട് ഇപ്പോഴേ അവരുടെ അനിഷ്ടം വാങ്ങി വെക്കാൻ നിൽക്കരുത്. " : സരസ്വതി മകളെ ശാസിച്ച് കൊണ്ട് പറഞ്ഞു.
അതിന് ലെച്ചു ചുണ്ട് കൊട്ടി കാണിച്ചു.
" അമ്മ ഇതിന് വല്ല വഴിയും പറഞ്ഞ് താ ഇത്രെയും ഗ്ലാസ്സ് ഞാൻ തന്നെ കൊണ്ട് പോണോ. അല്ലെങ്കിൽ തന്നെ ഇതൊക്കെ എങ്ങനെയോ വലിച്ച് ചുറ്റിയാണ് നടക്കുന്നത്. അപ്പോഴാ എല്ലാർക്കും കൂടി ഉള്ള ചായയും കൊണ്ട് പോകാൻ പറയുന്നേ " : ലെച്ചു ടെൻഷനോട് പറഞ്ഞു.
" നീ ഒരു കാര്യം ചെയ്യെന്ന ഒരു ആറ് ഗ്ലാസ്സ് എടുത്ത് നിന്റെ ട്രേയിൽ വെക്ക് ബാക്കി ഞാൻ കൊണ്ട് വരാം " : ഒരു വഴി കണ്ട് പിടിച്ചത് പോലെ സരസ്വതി പറഞ്ഞു.
അതിന് തലയാട്ടി കൊണ്ട് ഗ്ലാസ്സെല്ലാം ട്രെയിലേക്ക് എടുത്ത് വെച്ച് കൊണ്ട് അവൾ ഹാളിലേക്ക് നടന്നു. പിന്നാലെ തന്നെ മറ്റൊരു ട്രെയും പിടിച്ച് അവൾക്ക് പിന്നാലെ നടന്നു.
" ഹാ കാത്തിരുന്ന ആൾ വന്നല്ലോ " : ലെച്ചു വരുന്നത് കണ്ട് ലതയാണ് അത് പറഞ്ഞത്.
അത് കേട്ടപ്പോൾ ലെച്ചുവിൽ വിറയൽ പടർന്ന് കേറി. ശ്രീയും കുടുംബവും മാത്രമേ വരൂ എന്നാണ് അവളോട് പറഞ്ഞത്. ഇപ്പോൾ പിന്നെ പ്രതീക്ഷിക്കാതെ എല്ലാരേയും ഒരുമിച്ച് കാണേണ്ടി വരുന്ന ടെൻഷൻ ആണ് അവൾക്ക്.
ലതയുടെ പറച്ചിൽ കേട്ട് എല്ലാവരും വാതിക്കലേക്ക് നോക്കി ഇരിക്കുവാണ്. ചായ വെച്ച ട്രേയുമായി താൻ വേടിച്ച് കൊടുത്ത ഹാഫ് സാരിയും ഉടുത്ത് സൂക്ഷിച്ച് വരുന്നവളെ കണ്ടതും ശ്രീയുടെ ഉള്ളം തുടിച്ച് പോയി.
തുടരും......
#നോവൽ #തുടർകഥ #കഥ #തുടർകഥ #mallu stories #പ്രണയം #പ്രണയ കഥ #പ്രണയം #viral #trending
