#🔴लक्ष द्या! राज्यात नॉन डेअरी पनीर वर बंदी➡️ 🚨 राज्यात 'अनालॉग पनीर'वर बंदी, तुकाराम मुंढे यांचा हा निर्णय ऐतिहासिक का मानला जातोय, अखेरीस कारण समोर आले... ग्राहकांची फसवणूक रोखण्यासाठी आणि सार्वजनिक आरोग्याचे संरक्षण करण्यासाठी महाराष्ट्र सरकारने अनालॉग (Non-Dairy) पनीरच्या उत्पादन, साठा, विक्री व खाद्यपदार्थांमध्ये वापरावर बंदी घातली आहे. ग्राहक संरक्षण आणि अन्न सुरक्षा या दृष्टीने हा निर्णय महत्त्वाचा मानला जात आहे. अनालॉग पनीर म्हणजे काय? पनीर हा अन्न सुरक्षा व मानके (अन्न उत्पादने मानके व अन्न मिश्रके) विनियम, २०११ अंतर्गत मानकीकृत दुग्धजन्य पदार्थ आहे. मात्र काही उत्पादक दूधातील स्निग्धांश किंवा दूधघटकांच्या जागी वनस्पतीजन्य तेल, वनस्पतीजन्य चरबी किंवा इतर नॉन-डेअरी घटक वापरून पनीरसारखा दिसणारा पदार्थ तयार करतात आणि त्याची विक्री 'पनीर' म्हणून करतात. या पदार्थाला 'अनालॉग' किंवा 'नॉन-डेअरी पनीर' म्हटले जाते. या उत्पादनासाठी कोणतेही वैधानिक गुणवत्ता मानक नसल्याने ग्राहकांची दिशाभूल होत असल्याची नोंद प्रशासनाने केली आहे. 📊 बंदीची पार्श्वभूमी १ एप्रिल २०२५ ते ३१ मार्च २०२६ दरम्यान तपासलेल्या ३०८ नमुन्यांपैकी १०९ नमुने नियमबाह्य आढळले. त्यात ७९ नमुने निकृष्ट, तर ३० नमुने असुरक्षित होते. अनेक नमुन्यांमध्ये दूधातील नैसर्गिक स्निग्धांशाऐवजी परकीय वनस्पतीजन्य चरबी वापरल्याचे वैज्ञानिक तपासणीत स्पष्ट झाले. ⚖️ कोणत्या तरतुदींअंतर्गत कारवाई? हा निर्णय अन्न सुरक्षा व मानके अधिनियम, २००६ आणि अन्न सुरक्षा व मानके (अन्न उत्पादने मानके व अन्न मिश्रके) विनियम, २०११ यांच्या तरतुदींनुसार घेण्यात आला आहे. आदेशाचे उल्लंघन करणाऱ्यांविरुद्ध माल जप्त करणे, नष्ट करणे, आर्थिक दंड, परवान्यावर कारवाई तसेच गंभीर प्रकरणांमध्ये न्यायालयीन कारवाई करण्यात येणार आहे. #🗞️ब्रेकिंग न्यूज #📼ट्रेंडिंग व्हिडिओ😲 #📲व्हायरल व्हिडिओ #🔴आजचे ताजे अपडेट्स📰