ଆପଣ ଅନେକ ବାହାଘର ଦେଖିଥିବେ। କିଛି ସ୍ଥାନରେ ଆଶ୍ଚର୍ଯ୍ୟକର ଘଟଣା ମଧ୍ୟ ଶୁଣିଥିବେ। ଗ୍ରହ ଦୋଷ କାଟିବା ପାଇଁ କେତେକ କ୍ଷେତ୍ରରେ ଓସ୍ତ ଗଛ ସହ ବାହାଘର କିମ୍ୱା କଦଳୀ ଗଛ ସହ ବାହାଘର କଥା ଆପଣ ନିଶ୍ଚୟ ଜାଣିଥିବେ।ହେଲେ କେବେ ମଣିଷ ଖିଆ କୁମ୍ଭୀର ସହ ବାହାଘର ହେବା କଥା ଶୁଣିଛନ୍ତି। ଯେଉଁ କୁମ୍ଭୀର କଥା ଶୁଣିଲେ ମରଣ ଆଖି ଆଗରେ ନାଚିଉଠେ ଏଠି ଜଣେ ବ୍ୟକ୍ତି ସେହି କୁମ୍ଭୀରକୁ ବିବାହ କରିଛନ୍ତି। କଥାଟି ଆଶ୍ଚର୍ଯ୍ୟ ଲାଗୁଥିଲେ ବି ସତ।ଆଉ ସେହି ବ୍ୟକ୍ତି ଜଣକ ପ୍ରଫେସନରେ ଜଣେ ମେୟର। ହଁ ଆଜ୍ଞା ମେକ୍ସିକୋର ଓଆକ୍ସାକା ରାଜ୍ୟର ସାନ ପେଡ୍ରୋ ହୁଆମେଲୁଲା ନାମକ ଛୋଟ ସହରରେ, ପ୍ରତିବର୍ଷ ଏହି ପ୍ରକାରର ଏକ ଅନନ୍ୟ ବିବାହ ବହୁତ ଧୁମ୍ ଧାମ୍ ରେ ପାଳିତ ହୁଏ ଏବଂ ଏହି ଘଟଣାର ଏକ ଭିଡିଓ ବର୍ତ୍ତମାନ ସୋସିଆଲ ମିଡିଆରେ ଭାଇରାଲ ହେଉଛି।ଏହି ଅଦ୍ଭୁତ ବିବାହ କୌଣସି ପ୍ରଚାର ଷ୍ଟଣ୍ଟ ନୁହେଁ କିମ୍ବା ଅନ୍ଧବିଶ୍ୱାସର କାର୍ଯ୍ୟ ନୁହେଁ; ବରଂ ଏହା ୨୩୦ ବର୍ଷରୁ ଅଧିକ ପୁରୁଣା ଏକ ଗଭୀର ପବିତ୍ର ଆଦିବାସୀ ପରମ୍ପରା।ଏହି ବର୍ଷ, ସହରର ମେୟର ଡାନିଏଲ୍ ଗୁଟିରେଜ୍ ପୂର୍ଣ୍ଣ ଆନୁଷ୍ଠାନିକ ରୀତିନୀତି ସହିତ ଆନା ସିଣ୍ଟିଆ ରାମିରେଜ୍ ଆହୁମାଡା ନାମକ ଏକ କୁମ୍ଭୀରକୁ ବିବାହ କରିଥିଲେ।ସ୍ଥାନୀୟ ବିଶ୍ୱାସ ଅନୁଯାୟୀ, ଏହି ବିବାହର ଉଦ୍ଦେଶ୍ୟ ହେଉଛି ମାତା ପୃଥିବୀ ଏବଂ ପ୍ରକୃତି ପ୍ରତି ସମ୍ମାନ ପ୍ରଦର୍ଶନ କରିବା। ସ୍ଥାନୀୟ ଲୋକମାନେ ବିଶ୍ୱାସ କରନ୍ତି ଯେ ଏହି ପ୍ରତୀକାତ୍ମକ ବିବାହ କରିବା ଦ୍ୱାରା ପ୍ରକୃତି ଖୁସି ହୁଏ, ଭଲ ବର୍ଷା ହୁଏ, ଫସଲ ଉତ୍ପନ୍ନ ହୁଏ ଏବଂ ମତ୍ସ୍ୟଜୀବୀମାନଙ୍କ ପାଇଁ ପ୍ରଚୁର ମାଛ ଧରାଯାଏ।ସରଳ ଭାବରେ କହିବାକୁ ଗଲେ, ଏହି ପରମ୍ପରା ମଣିଷ ଏବଂ ପ୍ରକୃତି ମଧ୍ୟରେ ସମନ୍ୱୟ ବୃଦ୍ଧି କରି ସମୃଦ୍ଧି ଏବଂ ମଙ୍ଗଳ ହାସଲ କରିବାର ଏକ ଅନନ୍ୟ ଉପାୟ। #🐊ବାହାଘର ପାଇଁ କୁମ୍ଭୀର ଧରିଲା କନିଆଁ ବେଶ😱