#🌹🕉️ భక్తి సమాచారం 🕉️🌹 " *ప్రతి నాన్న గారికి పితృ దినోత్సవ శుభాకాంక్షలు* ." 💐💐💐💐💐💐💐💐💐💐💐💐💐💐💐💐 నాన్న ఈ లోకంలో అత్యంత ప్రేమ కలిగినటువంటి వ్యక్తి నాన్న.. అలాంటి నాన్న ప్రేమను మాటల్లో వర్ణించలేం. తాను చేసిన కష్టాన్ని, కనీసం పిల్లలకి తెలియనివ్వకుండా పెంచడంలో ప్రధాన పాత్ర పోషిస్తారు. కుటుంబ భారం అంత మోస్తూ ఒక బలి పశువులా సంసార జీవితాన్ని లాగుతూ ఉంటారు. అలాంటి నాన్నను చాలామంది పిల్లలు అర్థం చేసుకోకపోగా, వారికి నచ్చిన విధంగా మాట్లాడుతూ, చీత్కరిస్తూ ఉంటారు. అలాంటి నాన్న కథ కాస్త తెలుసుకోండి.. చాలామంది ఓ ఏజ్ లోకి వచ్చాక ఇంట్లో నాన్నని చులకన చేస్తూ ఉంటారు.. ముఖ్యంగా మన స్నేహితుడు ఎవరైనా కాల్ చేసి బయటకు రారా మామ అంటే.. మనం ముందుగా అనే మాట.. రేయ్ మా ఇంట్లో మా బాబు ఉన్నాడ్రా.. ఇప్పుడు బయటకు వచ్చానో మా అయ్య సావగొడతాడు.. ఆయనకు నా పరిస్థితి అసలు అర్థం కాదురా.. అతను బయటకు వెళ్ళిపోగానే వస్తాను రా మామ అంటూ ఫోన్ కట్ చేస్తారు.. అంటే ఈ ఫోన్ సంభాషణలో కనీసం తండ్రిని, నాన్న అని ఒక మూడు సార్లు పిలువలేకపోయాం. ఒక్కో మాటకు ఒక్కో పేరు మారుస్తూ ఉన్నాం.. ఓసారి మా బాబు - మరోసారి మా అయ్య - ఇంకోసారి అతను, అని సంబోధించాం. అంటే ఇక్కడ నాన్న అనే పదానికి విలువ లేదు. ఆయన లేని సమయంలో విలువ అర్థమవుతుంది. నాన్న తన జీవిత చరమాంకంలో కుటుంబ బాధ్యతల కోసం ఆయన ఎంత కష్టపడి ఉంటారు. ఆయన ఎంత చెమటోరిస్తే మీరు ఆ స్థాయికి చేరుకొని ఉంటారు అని తప్పనిసరిగా ఆలోచించాలి. నాన్న నాన్న అని పిలవకపోగా, అతను మా బాబు అంటూ వక్ర పదాలతో మాట్లాడడం కూడా సరైనది కాదు. స్కూలుకు వెళ్లినప్పటి నుంచి మొదలు కాలేజీకి వెళ్లే దాకా నీ వెనుక నాన్న ఉన్నాడని ధైర్యంతోనే వెళుతూ ఉంటారు. ఆయన సంపాదించిన డబ్బుతోనే తింటూ ఉంటారు. అలాంటి నాన్నను ఈ సమాజంలో చీత్కరిస్తున్న వారు ఎందరో. మంచి జీవితం ఇచ్చిన ఎంతోమంది తల్లిదండ్రులను రోడ్లపై వదిలేస్తున్న వారు ఎందరో.. ఇప్పటికే చాలా సంఘటనలు చూస్తున్నాం. ఆస్తుల కోసం కొట్లాడుకొని చివరికి నాన్నను ఇంట్లో నుంచి బయటకు వెళ్లగొట్టడం చూస్తున్నాం.. ఈ మధ్యకాలంలో ఒక నాన్న కొడుకులు చేసిన హేళన తట్టుకోలేక తన చితి తానే పేర్చి, దాన్ని అంటించుకుని మరణించాడు. ఇలాంటి దుర్భర పరిస్థితులు నాన్నకు ఎందుకు వచ్చాయి అనేది ఆలోచించాలి.. మరి చనిపోయిన నాన్న నువ్వు 1000 సార్లు పిలిచినా మళ్లీ రాడు. మరొకరిని అంత ప్రేమతో నువ్వు నాన్న అని పిలవలేవు.. అలాంటి నాన్న చనిపోయిన సమయంలో చితి దగ్గరికి తీసుకెళ్లి అక్కడ నాన్న చెవిలో నాన్న,నాన్న,నాన్న అని మూడుసార్లు పిలవమంటారు. కానీ కొడుకు రెండు సార్లు మాత్రమే పిలిచి మూడవసారి పిలవలేక, గొంతులోంచి మాట రాక, కన్నీరు ధారలై పారుతుండగా, చివరి సారి నాన్న ముఖాన్ని చూస్తూ, కొడుకు తండ్రిని నాన్న అని పిలిచేది అదే చివరిసారి. ఇంకెప్పుడు నాన్నను చూడలేడు.. నాన్న అని పిలవలేడు. ఆ చివరి నిమిషంలో నాన్న నీకోసం చేసిన త్యాగం, ఆదివారం వండుకునే కోడి కూర నుంచి నాన్న తన ప్లేట్లో మంచి మంచి ముక్కలు తీసి కొడుకు నోట్లో పెట్టిన ఆ చివరి క్షణం నీ కళ్ళ ముందు కదలాడుతుంది. అలా ప్రతి నాన్న తన కొడుకు నుంచి ఏది ఆశించడు. తను చనిపోయిన సరే తన కొడుకు బాగుండాలని కోరుకుంటాడు తప్ప మరేది అడగడు. ఈ ప్రపంచంలో చాలా మంది తమ ప్రేమ ను మాటలో వ్యక్తం చేస్తారు తండ్రి ప్రేమ మాత్రం.. తండ్రి కష్టపడినా చెమట లో కనిపిస్తుంది. త్యాగం లో దాగి ఉంటుంది. నిశ్శబ్దం లో వినిపిస్తుంది. కొడుకు చిన్నప్పుడు తండ్రి వేలును పట్టుకుంటాడు. తండ్రి వృద్ధాప్యంలో అదే కొడుకు చేతిని పట్టుకుంటాడు అదే తండ్రీకొడుకుల బంధం. ప్రతి కొడుకు కి తాను తండ్రి అయినా తరవాత తండ్రి ప్రేమ అర్థం అవుతుంది. కాబట్టి "తల్లిదండ్రులను ప్రేమిద్దాం"- హ్యాపీగా జీవిద్దాం"