#🌹🕉️ భక్తి సమాచారం 🕉️🌹 దక్షిణామూర్తిని గురువు అని ఎందుకు అంటారు... దక్షిణామూర్తి శివుడి రూపమే. "జగద్గురువు" అని, "ఆది గురువు" అని అంటారు. ఎందుకో చూద్దాం. 1. పేరులోనే ఉంది అర్థం దక్షిణా + మూర్తి. దక్షిణం అంటే దక్షిణ దిక్కు. మూర్తి అంటే రూపం. గురువు ఎప్పుడూ ఉత్తరం వైపు తిరిగి, శిష్యులు దక్షిణం వైపు తిరిగి కూర్చుంటారు. దక్షిణం వైపు చూస్తూ కూర్చున్న రూపం కాబట్టి "దక్షిణామూర్తి" ఇంకో అర్థం:- దక్ష అంటే సమర్థుడు, తెలివైనవాడు. అందరికంటే సమర్థుడైన గురువు కాబట్టి దక్షిణామూర్తి. 2. మాట్లాడకుండా పాఠం చెప్పాడు కథ ఏంటంటే: బ్రహ్మ కొడుకులు సనక, సనందన, సనాతన, సనత్కుమారులు. వాళ్ళు పెద్ద ఋషులు. కానీ "నేను ఎవరు? ఈ లోకం ఏంటి?" అనే డౌట్ వాళ్ళకు తీరలేదు. అందరి దగ్గరకు తిరిగారు. ఎవరూ సరిగ్గా చెప్పలేదు. చివరికి శివుడి దగ్గరకు వచ్చారు. శివుడు మర్రిచెట్టు కింద యువకుడిలా కూర్చున్నాడు. ముసలి ఋషులు ఆయన కాళ్ళ దగ్గర కూర్చున్నారు. వాళ్ళు ప్రశ్నలు అడిగారు. దక్షిణామూర్తి ఒక్క మాట కూడా మాట్లాడలేదు. కేవలం చిన్ముద్ర వేశాడు - బొటన వేలు చూపుడు వేలు కలిపి, మిగతా 3 వేళ్ళు నిటారుగా. అంతే! ఋషుల అన్ని డౌట్లు క్లియర్ అయిపోయాయి. మోక్షం వచ్చేసింది. చిన్ముద్ర అర్థం. చూపుడు వేలు = నువ్వు, జీవుడు బొటన వేలు = దేవుడు. మిగతా 3 వేళ్ళు = అహంకారం, మాయ, కర్మ రెండు వేళ్ళు కలిశాయి అంటే "నువ్వు దేవుడు ఒకటే" అని అర్థం. మాటలు లేకుండా, పుస్తకం లేకుండా, మౌనంతో జ్ఞానం ఇచ్చాడు కాబట్టి ఆయన *మౌన వ్యాఖ్యా ప్రకటిత పరబ్రహ్మ తత్త్వం--మౌనమే ఆయన పాఠం. 3. మొదటి గురువు ఆయనే ఈ లోకంలో మొదట పుట్టిన వాళ్ళు సనకాదులు. వాళ్ళకే పాఠం చెప్పాడు కాబట్టి దక్షిణామూర్తిని ఆది గురువు అంటారు. అంటే మొట్టమొదటి గురువు" ఆయన తర్వాతే వశిష్ఠుడు, వేదవ్యాసుడు, శంకరాచార్యులు - అందరూ గురువులు అయ్యారు. 4. అందుకే అందరూ కొలుస్తారు గురువారం రోజు దక్షిణామూర్తిని పూజిస్తారు. విద్యార్థులు, జాబ్ కోసం చూసేవాళ్ళు, జ్ఞానం కావాలనుకునే వాళ్ళు అందరూ ఆయన ఫోటో పెట్టుకుంటారు. శంకరాచార్యులు "దక్షిణామూర్తి స్తోత్రం" రాశారు. అందులో మొదటి లైనే: "గురవే సర్వలోకానాం భిషజే భవరోగిణామ్" అంటే: అన్ని లోకాలకు గురువు, సంసారం అనే రోగానికి డాక్టర్. క్లుప్తంగా ఒక్క మాటలో. మన లాంటి వాళ్ళు అరిచి, గీ పెట్టి పాఠం చెప్తాం. దక్షిణామూర్తి మాత్రం కళ్ళు మూసుకుని కూర్చుంటే చాలు, చూసే వాళ్ళకు జ్ఞానం వచ్చేస్తుంది. అందుకే ఆయన *గురువులకే గురువు, జగద్గురువు. గురువు లేని వాళ్ళు దక్షిణామూర్తిని గురువుగా భావించి పూజిస్తే చాలు.!!