അതിജീവനത്തിന് ലോകമാതൃകയായി എൽഡിഎഫ്‌ സർക്കാർ പടുത്തുയർത്തിയ കൽപ്പറ്റയിലെ മുണ്ടക്കൈ ട‍ൗൺഷിപ്പിൽ ഒന്നാംഘട്ടത്തിലെ 178 കുടുംബങ്ങൾക്കുമുള്ള വീടുകൾ താമസത്തിന്‌ കൈമാറി. മുൻ മുഖ്യമന്ത്രി സ. പിണറായി വിജയൻ പട്ടയവും ഉടമസ്ഥാവകാശവും കൈമാറിയ വീടുകളാണ്‌ ഗുണമേന്മാ പരിശോധനകളെല്ലാം പൂർത്തിയാക്കി കൈമാറിയത്‌. നിലം ഒരുക്കുന്നതുമുതൽ ആരംഭിച്ച 58 ഗുണമേന്മാ പരിശോധനയ്ക്കുശേഷം ഗുണഭോക്താക്കളുമായി ചേർന്ന്‌ നടത്തിയ അവസാന മൂന്ന്‌ പരിശോധന പൂർത്തീകരിച്ചാണ്‌ ഒന്നാംഘട്ടത്തിലെ മുഴുവൻ കുടുംബങ്ങൾക്കും വീട്‌ കൈമാറിയത്‌. ചെറുന്യൂനതകൾപോലും പരിഹരിച്ച്‌ സർക്കാർ ഏജൻസിയായ കിഫ്‌ക്കോണിൽനിന്നും ‘ഫിറ്റ്‌ ഫോർ ഹാൻഡ്‌ ഓവർ’ സർട്ടിഫിക്കറ്റ്‌ ഉറപ്പിച്ചാണ്‌ വീടുകളിൽ താമസം ആരംഭിക്കുന്നത്‌. സ്‌കൂൾ തുറക്കുന്നതിനും മഴക്കാലത്തിനും മുമ്പ്‌ ട‍ൗൺഷിപ്പിലേക്ക്‌ മാറാനാണ്‌ കുടുംബങ്ങളുടെ പദ്ധതി. ബലിപ്പെരുന്നാൾ ട‍ൗൺഷിപ്പിൽ ആഘോഷിക്കണമെന്ന ആഗ്രഹത്തിലും ഗൃഹപ്രവേശനത്തിന്‌ ഒരുങ്ങുന്നവരുണ്ട്‌. #🆕 ലേറ്റസ്റ്റ് അപ്ഡേറ്റ്