തണുത്ത കാറ്റ് വന്നു മുഖവും മുടികളെയും തഴുകി കടന്നു പോകുമ്പോൾ അത് ഒതുക്കി വെച്ച് ഭദ്ര എല്ലാം മറന്ന്‌ അതൊന്നു ആസ്വദിച്ചു നിൽക്കുമ്പോൾ, ഭദ്രേ..... ഞെട്ടിച്ചു കൊണ്ടുള്ള ഒരു ശബ്‌ദം..... പെട്ടന്നായത് കൊണ്ടു ഭദ്രയും കണ്ണ് മിഴിച്ചു നോക്കി........ എന്താ അമ്മു..... അവളുടെ ആ അലർച്ചയിൽ ചുറ്റും ഇരുന്നവർ തങ്ങളെ നോക്കുന്നുണ്ട്... സ്റ്റോപ്പ്‌ എത്താറായി വാ..... ഭദ്ര ഒന്ന് പുറത്തേക്ക് നോക്കി...... അടുത്താ സ്റ്റോപ്പ്‌ ആണ്........ അവൾ ബാഗ് പിടിച്ചു വലിച്ചു ഒരു വിതം സീറ്റിന്റെ ഇടയിൽ നിന്നിറങ്ങി അമ്മുവിനോടൊപ്പം വന്നു നിന്നു.... ഇപ്പോഴാണ് ഈ തിരക്കിനിടയിൽ ഒന്ന് സമാധാനത്തോടെ നിൽക്കാൻ ഒരു സ്ഥലം കിട്ടിയത്.. അപ്പോഴേക്കും എത്തുകയും ചെയ്തു.... നാശം.... മനസ്സിൽ കരുതി നിൽക്കുമ്പോൾ, അതിനിടയിൽ ഒരു ചേച്ചിടെ തുറിച്ചു നോട്ടം ഭദ്ര ശ്രദ്ധിച്ചു...... ഇതെന്താ ഇപ്പോ കഥ എന്ന് ചിന്തിക്കവേ... അവളും ആ ചേച്ചിയുടെ നോട്ടം പിന്തുടർന്നു.... ആ ചേച്ചിടെ ഹാൻഡ് ബാഗിന് മുകളിൽ തന്റെ ബാഗ്.... ചെറു ചിരിയോടെ ബാഗ് പതിയെ പൊക്കി പിടിച്ചു......അപ്പോഴേക്കും ആള് മൈൻഡ് വെക്കാതെ തിരിഞ്ഞ് നിന്നു.... ചെമ്മോട്......ചെമ്മോട്..... ആ സമയം തന്നെ കണ്ടക്ടറിൽ നിന്നു കൂക്കി വിളി എത്തി.. എന്തൊരു ശബ്ദം...... അമ്മു ചെവി പൊത്തി... അവൾക്ക് പൊതുവെ ഒച്ച ഇഷ്ടമല്ല..... എന്നാലോ അവളുടെ ശബ്‌ദം നാലു മൈയിൽ കേൾക്കാം അതിനു കുഴപ്പമില്ല.... ഇനി ഉള്ള രണ്ടു സ്റ്റോപ്പിൽ കൂടി ഈ നിലവിളി എത്തിക്കാണും..... അമ്മു ഭദ്രയോടെ അടക്കി പറഞ്ഞു.... ഭദ്ര അവളെ ഒന്ന് പുച്ഛിച്ചു വിട്ടു.... എനിക്കല്ലേ അവളുടെ ശബ്ദതതിന്റെ ആഴം അറിയൂ.... ബസ്സ് ചെറിയ ഇരമ്പലോടെ നിന്നു...... അമ്മു തിക്കി തിരക്കി ആദ്യം ചാടി ഇറങ്ങി..... ഭദ്രേ.... വേഗം ഇപ്പോൾ മഴപെയ്യും....... ബസ് ൽ നിന്നു ഇറങ്ങി നിന്ന് അമല ഭദ്രയെ സ്റ്റെപ്പിൽ കണ്ടതും ധൃതിയിൽ കൈ മാടി വിളിച്ചു...... അവള് ഇറങ്ങുന്നേരം പുറത്തേക്ക് ഒന്ന് നോക്കി.... മ്മ്മ്മ്... ഇരുണ്ട് മൂടിയിട്ടുണ്ട്..... അത് ശ്രദ്ധിച്ചു നിന്നത് കൊണ്ടു കാലിൽ നല്ലൊരു ചവിട്ടും കിട്ടി..... ബസ്സിൽ നിന്നും ഭദ്ര ഇറങ്ങിയതും തിരിഞ്ഞു ഓടാൻ നിന്ന അമലയുടെ കയ്യിൽ പിടിച്ചു വലിച്ചു നിർത്തി ഭദ്ര ...... എനിക്കിനി ഓടാൻ കൂടി വയ്യ അമ്മു..... അതിനിടയിൽ ഒരു ചവിട്ടും കിട്ടി.... അതും കിട്ടിയോ?അവളുടെ പുച്ഛ ഭാവം.... അതെന്നും കാണുന്നത് കൊണ്ടു കാര്യമാക്കിയില്ല.... തിരിച്ച് ഒരെണ്ണം കൊടുക്കാരുന്നില്ലേ..... അവളോടൊപ്പം സഞ്ചരിച്ചു അമ്മുവിന്റെ കണ്ണ് അവളുടെ കാലിൽ എത്തി നിന്നു.... ആരാണെന്നു അറിഞ്ഞിട്ട്.... ആർക്കെങ്കിലും കൊടുക്കണം.... നമ്മുക്ക് കിട്ടിയത് തിരിച്ച് കൊടുക്കുമ്പോൾ ഒരു മനസുഖം വേണ്ടേ..... പോടി ..... അവളതും ചെയ്യും..... ഭദ്ര ചെരുപ്പിനിടയിൽ തന്റെ കാലൊന്ന് നോക്കി...... ഇത്തിരി തൊലി പോയിരിക്കുന്നു..... ചെരുപ്പ് കൊള്ളുമ്പോൾ വേദനയും..... എന്തായാലും പതിയെ പോ..... എനിക്ക് ഓടാൻ വയ്യ....ബസ്സിലെ തിരക്കിൽ നിന്ന് എന്റെ കാല് വേദനിക്കുന്നുണ്ട്........ ഭദ്ര പറയുമ്പോൾ, ഞാനും അങ്ങനെ തന്നേ അല്ലായിരുന്നോ പെണ്ണെ ...... നീ പറയുന്നത് കേട്ടാൽ തോന്നുമല്ലോ ഞാൻ സുഖായിട്ട് ഇരിക്കുക ആയിരുന്നെന്നു.....5 രൂപ st യും കൊടുത്തു അവർ ഇനി ഇരിക്കാൻ സീറ്റും കൂടി തരും...... സ്റ്റാൻഡിൽ നിന്നു കയറുന്നതായാൽ പോലും പേടിയാണ് ഒന്ന് ഇരിക്കാൻ.....കുറച്ചു പ്രായം ആയ കണ്ടക്‌ടർ അയാൽ പിന്നെ പറയുകയും വേണ്ടാ...... ഒരു വല്ലാത്ത ദഹിപ്പിക്കുന്ന നോട്ടമാണ് പിള്ളേരോട്, പിന്നെ ഇടക്ക് ചെവി പൊട്ടണ ഒച്ചയിൽ ചീത്തയും.......... അത് കൊണ്ടു സീറ്റ് കിട്ടിയാലും ഇരിക്കില്ല.. ചുമ്മാ നാണം കേടണ്ടല്ലോ.... അവിടേം മുതൽ തിക്കിലും തിരക്കിലും നിന്ന് മടുത്തു ഉന്തി തള്ളി അതിന്റെ കൂടെ ബാഗിനേയും കൂടി വലിച്ചു പുറത്തേക് ഇറങ്ങുപ്പോഴേക്കും ഒരു പരുവം ആകും...... ഒരു തുള്ളി വെള്ളം വന്നു നെറ്റിയിൽ വീണതും.... വാ..... അമല ഭദ്രയുടെ കയ്യിൽ വലിച്ചു ഓടാൻ തുടങ്ങിയതും ചാറി തുടങ്ങിയ മഴ പെട്ടെന്ന് തന്നേ ശക്തി പ്രാപിച്ചു....... അവിടെ കയറി നിൽക്കാം മഴ കുറയുമ്പോൾ പോകാം......അമല ആദ്യം ഓടി........ പുറകെ തലയിൽ കൈ വെച്ച് ഭദ്രയും, അടുത്ത് ഉള്ള ബേക്കറി യുടെ ഇറയത്ത് കയറാൻ ഒരുങ്ങിയതും അവിടെ നിന്ന ആള് ഉച്ചത്തിൽ ആരോടോ വർത്തമാനം പറഞ്ഞു പൊട്ടി ചിരിച്ചു കൊണ്ടു മുറുക്കി തുപ്പിയതും ഒരുമിച്ചായിരുന്നു...... അത് പോലെ തന്നേ തിരിയുകയുകയും ചെയ്തു....... ഭദ്രയുടെ വെള്ള ചുരിദാറിൽ ചുവപ്പ് നിറം പടർത്തി ആണ് അത്‌ വന്നു വീണത്..... അമല ആദ്യം ഓടി കയറി നിന്നിരുന്നു..... ചുരിദാറിൽ നോക്കിയതും ഭദ്രയുടെ കണ്ണുകൾ മിഴിഞ്ഞു..... എന്റേശ്വര...... എന്റെ ചുരിദാർ..... അവൾ നെഞ്ചിൽ കൈ വെച്ചു..... മഴ കാര്യം ആക്കാതെ ഭദ്ര അവിടെ തന്നേ നിൽപ്പ് ഉറച്ച് ആ ആളെ മുഖം ഉയർത്തി നോക്കി.... മുഖം ദേഷ്യത്തിൽ ചുവന്നു തുടുത്തു..... ടോ....... മഴയുടെ ശക്തി കാരണം കേൾക്കാൻ വേണ്ടി കുറച്ചു ഉറക്കെ തന്നേയാണ്‌ വിളിച്ചത് ...... അവിടെ ഉണ്ടായിരുന്ന സകലമാന ആളുകളും ശബ്‌ദം കേട്ട് തിരിഞ്ഞു...... ച്ചിരിച്ചു സംസാരിച്ചു കൊണ്ടിരുന്ന ആളും ശബ്‌ദം കേട്ടു തിരിഞ്ഞു നോക്കിയതും കണ്ടു മഴനൂലുകൾ ഒലിച്ചു ഇറങ്ങുന്ന മുഖം...... തന്നേ നോക്കി ദേഷ്യത്തിൽ തുറിച്ചു നോക്കി നിൽക്കുന്ന കണ്ണുകളെ ...... കാര്യം എന്താണന്നു മനസ്സിലാകാതെ മുഖത്തു നിന്നും അവന്റെ കണ്ണുകൾ താഴോട്ട് നീണ്ടു.... താൻ തുപ്പിയത് അവളുടെ ചുരിദാറിൽ ആണന്നു കണ്ണ് പതിച്ചതും നെറ്റിയിൽ കൈ വെച്ച് കൂടെ നിന്ന ചെറുപ്പക്കാരനെ ദൈനീയമായി നോക്കി.... അവിടെയും അതേ അവസ്ഥ.... അവനിൽ നിന്നു അവളിലേക്ക് തിരിയുമ്പോൾ പെരുവിരൽ കൊണ്ടു പിരികത്തിൽ കോറി...... ആ ചമ്മലൊടെയാണ് മിഴികൾ ഭദ്രയിലേക്ക് ഉയർത്തിയതും.... സോ..റി...... പറഞ്ഞു തുടങ്ങിയില്ല അപ്പോഴേക്കും അവളുടെ നാവ് ചലിച്ചു......... തന്റെ മുഖത്തു എന്താ കണ്ണില്ലേ............. എന്റെ ചുരിദാർ...... അവളുടെ കണ്ണുകൾ ചെറുതായി നിറഞ്ഞു.... ആകെ കയ്യിലെണ്ണാവുന്ന ഡ്രെസ്സേ ഉള്ളു അതിന്റെ കൂടെ കൊതിച്ചു ആദ്യമായി ഇട്ടതും.... ഞാൻ തന്നേ കണ്ടില്ലെടോ........ അയാൾ സഹതാപത്തോടെ അതിലേറെ വിഷമത്തോടെ അതിന്റെ കൂടെ ക്ഷമ പറയാൻ തുടങ്ങിയതും, കണ്ടാലും കണ്ടില്ലെങ്കിലും പൊതു സ്ഥലത്ത് ഇത്‌ പോലെ ആരെങ്കിലും തുപ്പുമോ......തന്റെ മുഖത്തു രണ്ട് ഉണ്ട കണ്ണുണ്ടല്ലോ..... എവിടെയും നോക്കാതെ തുപ്പിയേക്കുന്നു വൃത്തി കെട്ടവൻ....... അയ്യേ...... അറപ്പോടെ മുഖം വെട്ടിച്ചു..... അപ്പോഴേക്കും അവളുടെ ആ ചീത്ത വിളിയിൽ അയാളുടെ മുഖവും ഇരുണ്ടു..... ദേ പെണ്ണെ തെറ്റ് എന്റെ ഭാഗത്ത് ആണന്നു കരുതി ഇത്തിരി താഴ്ന്നപ്പോഴേക്കും എങ്ങോട്ടാ ഈ കയറി പോകുന്നത്...... വൃത്തികെട്ടവൻ എന്നുള്ള വിളി ഇഷ്ടപ്പെടാതെ അവൻ കുറച്ച് മുന്നോട്ട് വന്നു നിന്നു.... ആദി നീ ഒന്ന് മിണ്ടാതിരിക്ക് ആളുകൾ നോക്കുന്നുന്നുണ്ട്......... കൂടെ നിന്ന ആൾ അനുനയത്തിൽ കയ്യ്മുട്ടിൽ വലിച്ചു കൊണ്ടു പറഞ്ഞു...... നീ കണ്ടില്ലേ അക്കു ആ പെണ്ണിന്റെ അഹങ്കാരം...... ഞാൻ അറിഞ്ഞു വെച്ചു ചെയ്തപോലെ...... അറിയാതെയല്ലേ... ആദി അവനെ തിരിഞ്ഞു നോക്കി ചോദിച്ചു.... അറിഞ്ഞാലും ഇല്ലെങ്കിലും നമ്മുടെ ഭാഗത്ത് ആണ് തെറ്റ്.......നീ ഒന്നു ചുമ്മാതെ ഇരിക്ക്...... ഭദ്രേ കയറി വാടി സാരമില്ല....... ആളുകൾ നോക്കുന്നു പെണ്ണെ.... അമല നനയാതെ ഓരത്തു നിന്ന് കൊണ്ടു ഭദ്രയെ കയ്യിൽ പിടിച്ചു വലിച്ചു കൊണ്ടു വിളിച്ചു............... ഭദ്ര ആദിയെ ഒന്നൂടെ തുറിച്ചു നോക്കി കൊണ്ടു അമല വലിച്ചതിനൊപ്പം അവിടെ കയറി നിന്നു...... എടാ ഞാൻ ആ പെണ്ണിന്റെ അടുത്ത് സോറി പറയാൻ പോയതാടാ...... അപ്പോഴേക്കും ആ പെണ്ണ് എന്നെ വിളിച്ചത് കേട്ടില്ലേ.... വൃത്തികെട്ടവൻ എന്ന്.... ആദി ആകാശിനോട് ന്യായീകരിച്ചു പറഞ്ഞു....... എനിക്ക് മനസ്സിലായി...... പക്ഷെ ആ കൊച്ചിന്റെ ഡ്രെസ്സ് നോക്കിയേ....... നീ പോയി വായ് കഴുകിയെ...... ഞാൻ പറഞ്ഞിട്ടുണ്ട് ഈ വകപരിപാടിയൊന്നും വേണ്ടെന്നു...... എന്ന് അവിടെ പോയാലും മുറുക്കി കൊണ്ടേ വരൂ...... ഇതൊക്കെ കണ്ടാൽ ആരാ അങ്ങനെ വിളിക്കാതെ ഇരിക്കുന്നത്..... ആകാശിനെ ഒന്ന് രൂക്ഷമായി നോക്കി കൊണ്ടു ആദി അകത്തേക്കു പോയി...... അലവലാതി.......പറഞ്ഞിട്ടും പറഞ്ഞിട്ടും ദേഷ്യം തീരാതേ തുപ്പിയവനെ ചീത്തയും പറഞ്ഞു കൊണ്ടിരിക്കുന്നവളെ നോക്കി അമല താടക്ക് കൈ കൊടുത്തു നിന്നു.......... നീ കണ്ടോ എന്റെ പുതിയ ചുരിതാർ ആണ്...... കുറെ പ്രാവിശ്യം ഇട്ടതാണെങ്കിൽ എനിക്ക് ഇത്രയും വിഷമം ആകില്ലായിരുന്നു......... ഞാൻ എത്ര കഷ്ട്ടപെട്ടിട്ടാണെന്നോ നമ്മുടെ സെന്റോഫ് നു ഈ ചുരിതാർ വാങ്ങിയത്........ എത്ര നാളത്തെ കൂട്ടി വെച്ച ക്യാഷ് ആണെന്നോ.......എത്ര നാൾ അവരോട് പറഞ്ഞു വെച്ചതാ എനിക്ക് തന്നേ ഈ ഡ്രെസ്സ് തരണം എന്ന്...... എന്നിട്ട് മേടിച്ചതല്ലേ.....നിനക്കറിയില്ലേ അമ്മു.......... ഭദ്രയുടെ കണ്ണ് നിറഞ്ഞു....... പോട്ടേ ഭദ്രേ....... പതം പറഞ്ഞു കരയുന്ന ഭദ്രയെ സമാധാനിപ്പിച്ചു കൊണ്ടു അമ്മു പറഞ്ഞു.... എത്ര ആഗ്രഹിച്ചു മേടിച്ചതാ ....... ഇനി ഇതു ഉരച്ചു കഴുകിയാൽ ഇത്‌ പോലെ ഇരിക്കുമോ......ഈ കറ പോകില്ല.... എനിക്കു വല്ലാതെ സങ്കടം വരുന്നു .... വെള്ളയിൽ മഞ്ഞപ്പൂക്കൾ കൊണ്ടുള്ള ആ ചുരിതാറിൽ അങ്ങ് ഇങ്ങായി കാണുന്ന ചുവപ്പ് കളറിൽ നോക്കി പദം പറഞ്ഞു കരയുന്ന ഭദ്രയെ അമ്മു വിഷമത്തോടെ നോക്കി നിന്നു....... രജനി ചേച്ചിടെ കടയിൽ പോയി കിട്ടുന്ന സമയത്ത് തയ്ച്ചു കൊടുത്തു അതിൽ നിന്നു കിട്ടുന്ന ക്യാഷ് കോളേജ് ഇൽ സെമെസ്റ്റർ ഫീസ് അടച്ചിട്ട് ബാക്കിയുള്ള ക്യാഷ് കൂട്ടി വെച്ചു മേടിച്ചതാണ് പാവം........ രാവിലെ വന്നപ്പോൾ ചിരിയോടെ ചുരിദാർ വിരിച്ചു പിടിച്ചു തന്നോട് ഷോ കാട്ടിയവളെ ഓർത്തു കൊണ്ടു അമ്മു ചേർത്ത് പിടിച്ചു..... അപ്പോഴാണ് വായും കഴുകി വന്ന ആദിയുടെ കയ്യിലേക്ക്‌ ആകാശ് ചായ വെച്ചു കൊടുത്തത്...... എടാ ആ കൊച്ചു കരയുന്നു....... നീ പോയി നല്ലോണം രണ്ട് വാക്ക് പറഞ്ഞു....... മേടിക്കുമെങ്കിൽ ആ ചുരിദാറിന്റെ ക്യാഷ് ഉം കൊടുക്ക്..... ആദി ആകാശിനെ ദേഷ്യത്തോടെ നോക്കി..... നീ നോക്കി ദഹിപ്പിക്കുകയൊന്നും വേണ്ടാ...... ഇനി അത് പോകുമോ........ തെണ്ടിത്തരം ചെയ്തതും പോരാ എന്നിട്ട് ബാക്കിയുള്ളവർക്കാ കുറ്റം.......... ഞാൻ പൊക്കോട്ടെ അമ്മു....... എന്തായാലും മഴ നനഞ്ഞു ഇനി നിന്നിട്ട് എന്തിനാ....... ഭദ്ര തന്റെ ശരീരത്തിലെ വെള്ളം കയ്യിലിരുന്ന ടവൽ കൊണ്ടു തുടക്കുന്ന അമ്മുവിനെ നോക്കി കൊണ്ടു ചോദിച്ചു....... കയ്യിലിരുന്ന ചായ ഗ്ലാസ്‌ ആകാശിന്റെ കയ്യിൽ ദേഷ്യത്തോടെ വെച്ചു കൊടുത്തുകൊണ്ട് അവരുടെ അടുത്തേക്കായി ആദി ചെന്നു...... രണ്ടുപേരും ഒരുപോലെ കനപ്പിച്ചു നോക്കി..... അവരുടെ നോട്ടത്തിൽ രണ്ടുപേരെയും മാറി മാറി ആദി ഒന്ന് നോക്കി...... ശേഷം...... ജീൻസിന്റെ പോക്കറ്റിൽ നിന്നു wallet എടുത്തു അതിൽ നിന്നു 2000 രൂപ ഭദ്രയുടെ നേരെ നീട്ടി...... അവൾ അത് മേടിക്കാതെ തിരിഞ്ഞു നിന്നു....... അമല ക്യാഷ് തട്ടി പറിക്കുന്നത് പോലെ മേടിച്ചു എണ്ണി നോക്കി...... ഒരു 1000 രൂപടെ കുറവുണ്ട്........കൈ നീട്ടി പിടിച്ചു കൊണ്ടു അമല പറഞ്ഞു...... അമല പറയുന്നത് കേട്ട് ആദി ഭദ്ര യുടെ ചുരിദാറിലേക് ഒന്നൂടെ നോക്കി കൊണ്ടു 1000 കൂടി wallet ൽ നിന്നു എടുത്തു കൊടുത്തിട്ട് തിരികെ പോക്കറ്റിലേക് വെച്ചു തിരിഞ്ഞു നടന്നു...... ചിരിയോടെ നിൽക്കുന്ന ആകാശിനേ നോക്കി കയ്യിൽ ഇരുന്ന ചായ ആദി ദേഷ്യത്തോടെ തട്ടി പറിച്ചു മേടിച്ചു എടുത്ത് മഴയെ നോക്കി ഗ്ലാസ്‌ ചുണ്ടോട് അടിപ്പിച്ചു..... ഇന്നാടി പെണ്ണെ....ഇതുപോലെ 2 ചുരിദാറിനുള്ള ക്യാഷ് ഞാൻ വാങ്ങിച്ചെടുത്തിട്ടുണ്ട്..... കണ്ടോ..... അങ്ങോട്ട് തിരിഞ്ഞു നിൽക്കുന്ന ഭദ്രയെ അമലക്ക് അഭിമുഖമായി തിരിച്ചു നിർത്തി കൊണ്ടു ക്യാഷ് കാണിച്ചു കൊടുത്തിട്ട് പറഞ്ഞു....... എന്ന് വെച്ചാൽ....... 3000 മേടിച്ചെന്നു..... നീ എന്തിനാ ഇത്രെയും മേടിച്ചത്.......ഇത്രെയും ഇല്ലല്ലോ... ഇനി ഇങ്ങനെ തുപ്പരുത് എന്ന് ഓർമ്മിപ്പിക്കാൻ........ അല്ല പിന്നെ.... പൊതു നിരത്തിൽ തുപ്പിയാൽ ഫൈൻ ഉണ്ട് അത് മേടിച്ചതാണന്നു ഓർത്താൽ മതി.....ആ പൊതുനിരം ഇപ്പോൾ നിന്റെ ചുരിദാറയിരുന്നില്ലേ അപ്പോ നിന്റെ ക്യാഷ് ആണ് ഭദ്രയുടെ ബാഗിനുള്ളിലേക് ക്യാഷ് വെച്ചു കൊണ്ടു അമ്മു പറഞ്ഞു........ ഭദ്രയുടെ കണ്ണുകൾ വെറുതെ സൈഡ് ലേക് ഒന്ന് പാളി നോക്കി...... മോശമായി പോയോ അമ്മു....1400 രൂപ അല്ലേടി ഇതിനുള്ളൂ...... പതുക്കെ ശബ്‌ദം താഴ്ത്തി ഭദ്ര പറഞ്ഞു........ അമല എളിക്ക് കൈ കൊടുത്തു ഭദ്രയെ കൂർപ്പിച്ചു നോക്കി........ നന്നായൊള്ളു ക്യാഷ് മേടിച്ചത് ......... അല്ലെങ്കിൽ അമ്മാതിരി തെണ്ടിത്തരം ചെയ്യുമോ.......ഒന്ന് ഇളിച്ചു കൊണ്ടു ഭദ്ര പറഞ്ഞു....... ആ അങ്ങനെ........ അല്ലാതെ മാറ്റി പറഞ്ഞിരുന്നേൽ ഇത്ര നേരം ഇരുന്നു മോങ്ങിയതിനു ഞാൻ കൈ നീട്ടി ഒന്ന് തന്നേനെ....... അമല നേരെ നിന്നു മഴയിലേക്ക് നോക്കി.......... കുറച്ചു കഴിഞ്ഞു തല ചെരിച്ചു അവരുടെ ഭാഗത്തേക്ക്‌ ഒന്ന് നോക്കി കൊണ്ട്,.... പയ്യൻസ് കൊള്ളാമല്ലേ....... നല്ല ബോഡി..... ജിമ്മിലൊക്കെ പോകുന്നുണ്ടെന്നു തോന്നുന്നു....... ആവോ......... എനിക്കറിയില്ല.. അതെന്താ? നിനക്ക് കണ്ണ് കാണില്ലേ? അവരിൽ നിന്ന് കണ്ണെടുത്തു അവൾ ഭദ്രയോട് ചോദിച്ചു..... സ്വഭാവം കൂടി നന്നാവണ്ടേ..... കണ്ടാൽ ഒരു 26 ഉണ്ടാകും.....മുറുക്കലും......കൂടെ കുടിയും വലിയും ഓക്കെ കാണും......മുഖം വെറുപ്പോടെ ചുളിച്ചു കൊണ്ടു ഭദ്ര പറഞ്ഞു...... ഇനി ഇപ്പൊ അതൊക്കെ ഉണ്ടല്ലോ അത് കൊണ്ടു ഞങ്ങൾക്ക് വേണ്ടാ എന്ന് ഓർത്തു സമാധാനിക്കാം........കിട്ടാത്ത മുന്തിരി പുളിക്കും എന്ന് പറഞ്ഞപോലെ...... അമ്മു ആത്മഗദം പറഞ്ഞു കൊണ്ടു അവളെ നോക്കി.... അമ്മുവേ നമ്മുക്ക് ഇറങ്ങാം ഒന്നൂടെ മഴ കനക്കുന്നു...... ഇരുട്ടും മൂടി..... ഇനിയും നിന്നിട്ട് കാര്യമില്ല....... തോരില്ലെന്നു തോന്നുന്നു..... ഇതെന്താ ഇത്ര പെട്ടെന്നല്ലേ..... ഇനിയും രണ്ടു മാസം കൂടി ഇല്ലേ മഴക്ക്...... അമ്മു ചോദിച്ചതും..... അതേ മഴ ഇന്ന് കലണ്ടർ നോക്കിയില്ലെന്നു തോന്നുന്നു..... അവൾ ചുണ്ടിൽ കൈ ചേർത്ത് ചിരി അടക്കി പറയുന്നത് കേട്ട് അമ്മു കയ്യിൽ നല്ല തിരിക് കൊടുത്തു...... ആദി ഇതെല്ലാം ഇടം കണ്ണിലൂടെ കാണുന്നുണ്ടായിരുന്നു....... നനഞ്ഞു കുതിർന്നു...... ദേഹത്തോട് ഒട്ടിയ ഡ്രെസ്സ് ഈർശയോടെ ദേഹത്ത് നിന്നു വലിച്ചു ഇട്ടുകൊണ്ട് ഭദ്ര പറഞ്ഞു....... ആദിയുടെ കണ്ണുകൾ അവളിൽ മാത്രമായി ചുരുങ്ങി....... അധികം നിറമില്ലാത്ത ചായക്കൂട്ടുകൾ ഇല്ലാത്ത വലിയ കണ്ണുകളും വട്ട മുഖവും തുടുത്ത കവിളുകളും ആയുള്ള ഒരു പെൺകുട്ടി.... മുഖത്തിന് അലങ്കാരമായി ഒരു മഞ്ഞ പൊട്ടു മാത്രം കാണാം.... മുന്നിലേക്ക് വീണു കിടക്കുന്ന മുടിയിഴകൾ വെള്ളത്തിൽ കുതിർന്നത് കൊണ്ടാകും മുടി മുഖത്തു പറ്റി പിടിച്ചു കിടക്കുന്നു.... 📖 കഥയുടെ ബാക്കി ഭാഗങ്ങൾ ഇവിടെ വായിക്കാം: 👉 https://share.aksharathalukal.in/s/52592/view വായിച്ചിട്ട് അഭിപ്രായം പറയണേ 🥰 #💞 പ്രണയകഥകൾ #📔 കഥ #📙 നോവൽ