✍️ भाग सात ✍️ अवघ्या हिंदुस्थान च्या पवित्र नद्यांचे , समुद्राचे जलकुंभ भरून येत होते.... शक्तिपीठ , देवळांना निमंत्रण पत्र जात होते... " हे इष्ट देवी देवतांनो... " हे स्वराज्य श्रीं चे "आपण आशिर्वाद देवुन स्वराज्य पवित्र करावे... यावे... यावे....जयोस्तुते .....जयोस्तुते..." तिथी निश्चित करण्यात आली... आणि तिथी निश्चित करून गागाभट्ट पैठण ला आले... अभिषेक आड येणाऱ्या शास्त्रीय अडचणीचा परिहार मिमांसाशास्त्रानुसार करून सर्व गोष्टी शास्त्राच्या चौकटीत बसवणे होते... गागाभट्ट यासाठी आपले गुरुबंधू अनंतभट्ट चितळे यांच्या कडे पैठण ला आले आणि त्यांच्या सहकार्याने... गागाभट्ट यांनी " राज्याभिषेक प्रयोग" आणि " तुला पुरुष दानविधी" या पोथ्या प्रचंड परिश्रमाने लिहून काढल्या... सर्व सिद्धता करून गागाभट्ट रायगडावर परतले... काशीबाईंची तब्येत खूप खलावत होती... राज्याभिषेक च्या सर्व तयारीत सुद्धा महाराजांचे लक्ष काशीबाई आणि जिजाऊ मासाहेबांच्या तब्येतीकडे लागुन होते... संध्याकाळी महाराज काशीबाईंच्या दालनात आले... वैद्यबुवा आणि पुतळाबाई राणीसाहेब आपल्या सेवीकांसोबत दालनात उपस्थित होते... शिवराय येताच सेविका बाहेर निघाल्या.... शिवरायांनी वैद्यबुवांना विचारले... " वैद्यराज... राणीसाहेबांच्या तब्येत मध्ये काही सुधार....??" " औषधोपचार सुरू आहे महाराज !!!पण..." वैद्यांचे शब्द थांबले... सावकाश पणे शिवरायांची पाऊले काशीबाईंच्या पलंगजवळ जाऊ लागली... पुतळाबाई मागे उभ्या होत्या.. राजे अलगदपणे काशीबाईंच्या..बाजूला बसले... काशीबाईंची नजर शिवरायांच्या शिवगंधा कडे गेली आणि सावकाश पणे ओठातून शब्द बाहेर पडले... " महाराज...." महाराजांनी काशीबाईंचा हात हातात धरला आणि म्हणाले... " काशी आता बरं वाटतंय का ??" काशीबाई आपल्या थरथत्या ओठाने म्हणाल्या.. " आमचे धनी , छत्रपती होणार !! या रयतेला त्यांचे छत्र मिळणार !! या रयतेच्या आईला किती आनंद होतोय हे सांगितले जाणार नाही महाराज...." महाराज एक विचारायचे होते ..!!!" " बोला काशी !!!" शिवराय काशीबाई कडे बघून म्हणाले... काशीबाई चेहऱ्यावर स्मित उजळवून म्हणाल्या...!! " महाराज !!! छत्रपतींचे सिंहासन ???" शिवरायांच्या चेहऱ्यावर हसू उमटले आणि महाराज म्हणाले... "होय काशी !! रत्नशाळेचे अधिकारी रामाजी दत्तो चित्रे घडवीत आहे !! बत्तीस मण सोन्याचे.....क्रमशः ✍🏻अक्षय चंदेल ( लेख अधिकृत) ओळख महाराष्ट्राची शिवरायांच्या इतिहासाची छत्रपती एक विचार सातासमुद्रापार #🙏शिवदिनविशेष📜 #📜इतिहास शिवरायांचा #😇आमचे प्रेरणास्थान: छत्रपती🙏 #🚩शिवरायांचे भक्त #🚩मी शिवबा भक्त