വിലക്കപ്പെട്ട പ്രണയം!!...💔 ഭാഗം_04 രാത്രിയിൽ പോയ വിശ്വൻ തിരിച്ചുവന്നത് രാവിലെ പത്തു മണിക്കാണ്.. വർഷങ്ങളായി ഉത്സവത്തിന്റെ അവസാന ദിവസം അന്നധാനം നടത്തുന്നത് മാണിക്യമംഗലത്തുകാരാണ്..  പത്തരയോടെ എല്ലാവരും അമ്പലത്തിൽ പോകാനൊരുങ്ങി.. വിശ്വനാഥൻ നേരെ വന്ന് പാറു കിടന്നിരുന്ന മുറിയുടെ വാതിൽ തുറന്നു.. ശബ്ദം കേട്ടതും അവൾ മുഖമുയർത്തി നോക്കി.. അയാളൊന്നും മിണ്ടാതെ വന്ന് ഒരു സാരി കട്ടിലിൽ വച്ചിട്ട് പോയി.. അവളൊന്നും മിണ്ടാതെ അതെടുത്ത് ബാത്‌റൂമിലേക്ക് പോയി.. ഭക്ഷണം വെക്കുന്നതിന് മുന്നെ ആദ്യ ദിവസം മുതൽ രണ്ട് ദിവസവും, മൂന്നാം ദിവസ്സം അതിരാവിലെയും തറവാട്ടിലെ എല്ലാവരും അമ്പലത്തിൽ പോയി തൊഴുത് പ്രാർത്ഥിക്കും.. രാവിലെ തന്നെ അമ്പലത്തിന്റെ പുറത്ത് ആൽത്തറയിൽ അനന്തനും കൂട്ടരും സ്ഥാനം പിടിച്ചിരുന്നു.. കാറിൽ നിന്ന് ഇറങ്ങുന്ന പാറുവിനെ നോക്കിയിരിക്കുവാണ് അനന്തൻ.. അവനടുത്തേക്ക് എത്തിയതും വിശ്വൻ അവളെ മറച്ചു നിന്നു.. " ഇങ്ങേർക്ക് ഇത് എന്നാത്തിന്റെ സൂക്കേടാ.." വടക്കൻ അയാളെ കൂർപ്പിച്ച് നോക്കി.. " മക്കളേ,, വേഗം നടക്ക്.. പല നായകളും അവിടെ നിന്നും ഇവിടെ നിന്നുമൊക്കെ കുരക്കും.. തിരിഞ്ഞ് നോക്കാൻ നിക്കണ്ടാ.. " വിശ്വൻ ആ പറഞ്ഞത് വടക്കന് നന്നായി കൊണ്ടു.. തന്നെ പറഞ്ഞാൽ ചിലപ്പോ സഹിക്കും പക്ഷെ അനന്തനെയോ അൻവറിനെയോ എന്തെങ്കിലും പറഞ്ഞാൽ.. " ഡോ,, താനെന്നാത്തിനാ ഞങ്ങളെ കാണുമ്പോ കാണുമ്പോ ചൊറിയാൻ നിൽക്കുന്നത്.. ഏഹ്... " " നിന്നെപ്പോലുള്ള അവന്മാരൊന്നും എന്റെ കുടുംബത്തിൽ കയറി നിരങ്ങാതിരിക്കാൻ.. " വിശ്വൻ പുച്ഛത്തോടെ പറഞ്ഞു.. " ഓഹോ അങ്ങനെയാണെങ്കിൽ ഞങ്ങൾക്കിവിടെ പലതും കാണിക്കേണ്ടി വരും.. " അൻവർ പറഞ്ഞതും വിശ്വൻ മുഖമടക്കി ഒരു അടി കൊടുത്തു.. അവനൊരു ഭാഗത്തേക്ക്‌ വേച്ചുപോയി.. " ഡാ.." അനന്തൻ അയാളുടെ കോളറിൽ പിടിച്ചു.. " അയ്യോ.. വിട്.. വിടടാ.. " പഞ്ചമി അവന്റെ കൈ പിടിച്ച് മാറ്റാൻ ശ്രമിച്ചു.. മക്കൾ നാലുപേരും ഓടിവന്നു.. " അനന്തേട്ടാ,, വിട്.. " പാറു കരച്ചിലോടെ പറഞ്ഞു.. അനന്തൻ അയാളെ വിട്ട് പാറുവിന്റെ കൈ പിടിച്ചു.. " പാറൂ,, വാ.. " എന്നും പറഞ്ഞവൻ അവളുടെ കൈ പിടിച്ച് അമ്പലത്തിന് മുന്നിലേക്ക് കൊണ്ടുപോയി.. പിന്നാലെത്തന്നെ വിശ്വനും മക്കളും ചെന്നു.. " വിടെടാ എന്റെ കുഞ്ഞിനെ.. " അയാൾ അലറി അപ്പോഴേക്കും തോമാച്ചന്റെ കൂലിപ്പണിക്കാർ അങ്ങോട്ടേക്ക് വന്ന് എല്ലാവരെയും പിടിച്ചു.. അതോടെ ആകെ ബഹളമായി നാട്ടുകാർ കൂടി... അനന്തന്റെ അനിയത്തി അളകനന്ദയുടെ വിവാഹത്തിന് താലി പൂജിക്കാൻ വന്ന ദേവാനന്ദനും ശിവദയും കാണുന്നത് പാറുവിന്റെ കൈ പിടിച്ച് നിൽക്കുന്ന അനന്തന്നെയാണ്.. " അനന്താ.. " ശിവദ കണ്ണീരോടെ വിളിച്ചു.. " ദേവാനന്ദ,, കണ്ടില്ലേ നിന്റെ മോൻ.. എന്റെ ദേവിയെ നിന്റെ അനിയൻ വാശികരിച്ചപോലെ.. " പറഞ്ഞ് തീരും മുന്നെ വിശ്വന്റെ കവിളത്ത് ആഞ്ഞൊരു അടി വീണു.. പഞ്ചമി ഒരു നിമിഷം ഞെട്ടി ജോണിനെ നോക്കി.. " കുറേ ആയി.. അല്ലപിന്നെ.. " ജോൺ പാറുവിനെ നോക്കി.. കരയുകയല്ലാതെ മറ്റൊന്നും ചെയ്യുന്നില്ലവള്.. അത് കണ്ട് ലച്ചുവിനെയും ജാനിയേയും വിടാൻ അവൻ അവരോട് ആംഗ്യം കാണിച്ചു.. അവരോടി പാറുവിനെ ചുറ്റിപ്പിടിച്ചു.. " ദേ പിള്ളേരെ ഒരു കാര്യം പറഞ്ഞേക്കാം.. ദേ ഇന്ന് ഇവിടെ നിങ്ങൾടെ ചേച്ചിയുടെ കഴുത്തിൽ അനന്തൻ താലി കെട്ടും.. അതിന് നിങ്ങള് അവൾടെ അടുത്ത് വേണം.. എന്തെങ്കിലും കാണിച്ച് തടയാനാണ് ഉദ്ദേശമെങ്കിൽ കർത്താവാണേ നിങ്ങടെ അച്ഛനെ ഞാനങ്ങു തട്ടും.. " ജോൺ പറഞ്ഞതും രണ്ടുപേരും പേടിയോടെ അവനെ നോക്കി.. " ഡാ,, നായെ കയ്യെടുക്കടാ.. നിന്നെപ്പോലെ ഒരു തെമ്മാടിയെ മരുമകൻ ആക്കുന്നതിലും ഭേദം ചാവുന്നതാ.. " വിശ്വൻ അടങ്ങിയില്ല.. അയാളുടെ ഉള്ളിലെ വിദ്വേഷം ആളിക്കത്തിക്കൊണ്ടിരുന്നു.. " അനന്താ കേട്ടടാ താലി.. " ജോൺ പറഞ്ഞ ഉടനെ പോക്കറ്റിൽ നിന്നും താലിയെടുത്ത് അനന്തൻ പാറുവിന്റെ കഴുത്തിലേക്ക് നീട്ടിയതും രണ്ട് കൈകൾ അവനെ തടഞ്ഞു.. " തൊട്ടുപോകരുതവളെ.. " കത്തുന്ന കണ്ണുകളോടെ ശിവദ പറഞ്ഞു.. " അമ്മ,, മാറിനിൽക്ക്.. " ജോൺ സൗമ്യതയോടെ പറഞ്ഞു.. പക്ഷെ അവർ മാറാൻ തയ്യാറായില്ല.. " മാറി നിൽക്കമ്മ.." ജോൺ ശിവദയെ പിടിച്ചു മാറ്റി അനന്തനെ കണ്ണ് കാണിച്ചു.. ഒരു നിമിഷം പോലും പുറകോട്ട് ചിന്തിക്കാതെ അവൻ പാർവതിയുടെ കഴുത്തിൽ താലി ചാർത്തി.. വിശ്വന്റെയും പഞ്ചമിയുടെയും ശിവദയുടെയുമെല്ലാം എതിർപ്പുകളെ പാടെ അവഗണിച്ച് അവൻ പോക്കറ്റിൽ നിന്നും കുഞ്ഞൊരു ചെപ്പിൽ നിന്ന് സിന്ദൂരമെടുത്ത് അവളുടെ നെറ്റിയിൽ ചാർത്തി.. കരഞ്ഞുകൊണ്ടവൾ അത് സ്വീകരിച്ചു.. " ഡാ,,, @&*%₹%#&... " വിശ്വൻ ആർത്തു.. അമ്മു കണ്ണുകൾ ഇറുക്കിയടച്ചു.. ജോണിന്റെ കണ്ണുകളിൽ ചുവപ്പ് രാശി പടർന്നു.. നുരഞ്ഞു പൊന്തി വന്ന ദേഷ്യത്തെ നിയന്ത്രിച്ചവൻ ശിവദയുടെ കയ്യിൽ നിന്നും നിലത്തേക്ക് വീണ താലത്തിലെ താലി എടുത്ത് കാറ്റുപോലെ ചെന്ന് പാറുവിന്റെ അടുത്ത് നിൽക്കുന്ന ജാനിയുടെ കഴുത്തിൽ കെട്ടി.. എല്ലാവരും പകച്ച് അവനെ നോക്കി.. ജാനി ശ്വാസം പോലും എടുക്കാൻ മറന്നു.. " അച്ചായാ.. " അൻവർ ദയനീയമായി വിളിച്ചു.. " ഇനി തനിക്കെന്താ പറയാനുള്ളെ... ഇപ്പൊ ദേ ഈ നിൽക്കുന്ന ശ്രീപാർവതി അനന്തന്റെ ഭാര്യയാണ്.. പിന്നെ ദേ തന്റെ മൂന്നാമത്തെ മകൾ ജാനകി മഹാലക്ഷ്മി ഈ വടക്കന്റെയും.. ഇനി താൻ എന്നാ ചെയ്യും.. " എന്നും പറഞ്ഞവൻ അനന്തന്റെ കയ്യിൽ നിന്ന് സിന്ദൂരചെപ്പ് വാങ്ങിച്ച് അവളുടെ നെറ്റിയിൽ ചാർത്തി.. " ഡാ... " തോമാച്ചന്റെ അലർച്ച കേട്ട് ജോൺ അങ്ങോട്ടേക്ക് നോക്കി.. ആയാൾ വേഗത്തിൽ വന്ന് അവന്റെ കരണം നോക്കി ഒന്ന് പൊട്ടിച്ചു.. " ഒരു കൊച്ചിന്റെ ജീവിതം തകർത്ത് കർത്താവിന് നിരക്കാത്ത പണി ചെയ്യുന്നോടാ.. " തോമാച്ചൻ അവന്റെ കോളറിൽ കയറി പിടിച്ചു.. അവനൊന്നും മിണ്ടാതെ നിന്നു.. " വിടടാ അവരെ.. " അയാളുടെ അലർച്ച കേട്ടതും പയ്യന്മാര് വിറച്ചുകൊണ്ട് എല്ലാവരെയും വിട്ടു.. പഞ്ചമി ഓടി വന്ന് ജാനിയെ കെട്ടിപ്പിടിച്ചു.. വിശ്വൻ അവിടെ തളർന്നിരുന്നു.. " കടന്ന് പോടാ ഇവിടന്ന്.. " ജോൺ അവിടെന്നും കാറ്റുപോലെ താറിനടുത്തേക്ക് പോയി.. " വല്യപ്പച്ചാ.. " അനന്തൻ പറയാൻ വന്നതും ആയാൾ കയ്യുയർത്തി വേണ്ടെന്ന് കാണിച്ചു.. " മോളെ,, എന്റെ കൊച്ചുമോൻ കാണിച്ച കൊള്ളരുതായ്മക്ക് ഞാൻ ക്ഷമ ചോദിക്കുന്നു.. " ആയാൾ ജാനിയുടെ മുന്നിൽ കൈ കൂപ്പി നിൽക്കുന്നത് പകയാളുന്ന കണ്ണുകളോടെ ജോൺ നോക്കിനിന്നു.. _________________________________________💔 വീട്ടിലെത്തിയത് മുതൽ ആരും അങ്ങോട്ടോ ഇങ്ങോട്ടോ സംസാരിച്ചില്ല.. ഒരുതരം ഞെട്ടലിലായിരുന്നു എല്ലാവരും.. ജാനി വന്നപ്പോൾ മുതൽ കയറിയതാണ് മുറിയിൽ.. പുറത്തിറങ്ങിയിട്ടില്ല.. പഞ്ചമിയും വിശ്വനുമെല്ലാം മാറി മാറി വിളിച്ചിട്ടും അവൾ കതക് തുറന്നില്ല.. വന്നതുമുതൽ ആരും പാറുവിനോടും മിണ്ടിയില്ല.. അവളൊന്നിനും പോകാതെ തറവാട് കുളത്തിന്റെ അടുത്തേക്ക് ചെന്നു.. എത്ര നേരമെന്നില്ലാതെ കുളത്തിലേക്ക് നോക്കിയിരുന്നു.. ഒരേ നിമിഷം അനന്തനോടും ജോണിനോടും അവൾക്ക് വല്ലാത്ത ദേഷ്യം തോന്നി.. ᴛᴏ ʙᴇ ᴄᴏɴᴛɪɴᴜᴇᴅ..!! ഇതിൽ ആരൊക്കെ ലിപി ഉപയോഗിക്കുന്നുണ്ട് എന്ന് അറിഞ്ഞാൽ കൊള്ളാം... അപ്പൊ അഭിപ്രായങ്ങൾ പറഞ്ഞാൽ നാളെ അടുത്ത പാർട്ട്‌ ആയിട്ട് വരാം.. പിന്നെ വായിച്ചിട്ട് നിങ്ങൾക്ക് തോന്നുന്ന രണ്ടുവരി കുറിക്കണേ... #💞 പ്രണയകഥകൾ #📙 നോവൽ #📝 ഞാൻ എഴുതിയ വരികൾ