➖➖➖➖✍️⚜️✍️➖➖➖➖ *🚦मंगळवारीय 'बाल काव्यस्पर्धा*🚦 ➿➿➿➿📚🖋️📚➿➿➿➿ *✍️परीक्षणीय मनोगत* ➿➿➿➿📚🖋️📚➿➿➿➿ *📗ममतेच्या पदराखाली झाकलेलं... "आईचं शेपूट"; शर्मिला देशमुख* *🔹मंगळवारीय 'आम्ही बालकवी' स्पर्धेचे काव्यपरीक्षण* *"येशील तू घराला, परतेन केधवा गे* *रुसणार मी न आता, जरी बोलशील रागे,* *आई कुणा म्हणू मी, आई घरी न दारी* *स्वामी तिन्ही जगांचा, आईविना भिकारी.."* *🎋कवी यशवंत यांच्या या कवितेच्या ओळी प्रत्येक मनाला अंतर्मुख व्हायला भाग पाडतात. सर्वात निस्वार्थ प्रेम असणारी ती आई! होय, ती आईच !लहानपणी फक्त आई, आई म्हणणारी मुलं, आईच्या पदराला धरून चालणारी मुलं ,आईला पाहता चेहऱ्यावर उमटणारे भाव हे सर्व नाही वर्णन करता येत. प्राणाहून प्रिय ते काय? मी म्हणेल- "आई."आणि या आईला कौतुक असतं फक्त आपल्या बाळाचेच. आपलं बाळ काळे असो की गोरे आईसाठी ते प्राणाहून प्रिय.* *💥नुकतीच मध्यप्रदेशात एक दुर्दैवी घडलेली घटना, बोट उलटून झालेल्या दुर्घटनेतील बुडून मृत्यू पावलेल्या आई व बाळाचे एकमेकांच्या मिठीतील शव पाहिले आणि मातृत्वापुढे मृत्यूही हरल्याची जाणीव झाली. आजही घरात प्रवेश केल्याबरोबर आई समोर दिसायला हवी असेच वाटते. घरात आई नसेल तर त्या घरात एक मिनिट ही थांबण्याची इच्छा कधी होत नाही. का कुणास ठाऊक आईचा वियोग सहन न होणाराच.* *🔰गरज आहे तोपर्यंत आई, आई म्हणून आईच्या पदराला धरून चालणारी मुलं, पंख फुटताच तोच पदर सोडून उडू लागतात. बाळाच्या एका दुःखद हुंकारावर काळीज पिळवटून निघणाऱ्या आईच्या दुःखाचे मोल त्या पिलाला कसं उमगत नसेल? माणसाचे सोडा प्राणी ,पक्षी, कीटक सर्वांचे मातृत्व उलगडून पाहता सर्वांचे मातृत्व श्रेष्ठच दिसते. आज वृद्धाश्रमाची वाढती संख्या, परदेशात असणाऱ्या मुलांची डोळ्यात प्राण आणून वाट पाहणारे मातृत्व पाहता खूप अस्वस्थ व्हायला लागते. "आईचे दातृत्व जोपर्यंत समजत नाही तोपर्यंत तिचे मातृत्व अधुरेच का?"* *🔻आईची माया तर कधी बदलत नाही; मग मुलांचे प्रेम कसे स्वार्थी बनते? हा संवेदनशील मनाला पडलेला प्रश्न. नऊ महिने स्वतःच्या उदरात सांभाळून ,प्राणांतिक प्रसववेदना सहन करून दुसरा जीव स्वतःपासून निर्माण करण्याची क्षमता असलेल्या या मातृत्वापुढे सदैव नतमस्तक !अशा प्रिय आईचे शेपूट किंवा आईच्या ताटाखालचे मांजर, आईच्या पदराला धरून चालणारा ही उपहासात्मक अथवा उपरोधक वाक्ये खरं म्हणजे त्या त्या अपत्याला मिळालेला पुरस्कार का समजू नये?* *🌀आईच्या प्रेमावर खरं म्हणजे लिहिणं कठीणच! शब्द अपुरेच !आज समूहात 'आईचं शेपूट' हा विषय बालकाव्य स्पर्धेसाठी दिला होता.खरंतर खूप सुंदर सुंदर रचना येणे अपेक्षित होते. बालकविता या सहज, सोप्या, ओघवत्या , गेयता असणाऱ्या असाव्यात. बालकवितांमध्ये स्वतःला त्या साच्यात बसवणे आवश्यक आहे, बाल सुलभ भावना उजागर होणे अपेक्षित आहे. असो, हळूहळू शिलेदार नक्कीच बाल कवितांच्या ढाच्यात स्वतःला बसवतील ही अपेक्षा. मला परीक्षण लेखनाची संधी दिल्याबद्दल राहुल दादांचे शतशः ऋण! तुर्तास इतकेच.धन्यवाद..!!* ➖➖➖➖✍️📘✍️➖➖➖➖ *✍️सौ.शर्मीला देशमुख घुमरे* *ता.केज,जि.बीड* *संकलक/सहप्रशासक/परीक्षक* *©️मराठीचे शिलेदार समूह* https://pratilipi.app.link/FQFABk3152b #✍🏽 माझ्या लेखणीतून #🔴आजचे ताजे अपडेट्स📰 #आजची ताजी बातमी #ताजी बातमीं ➖➖➖➖✍️📕✍️➖➖➖➖