🚩शिवराज्याभिषेक दिनाच्या शुभेच्छा👑, 🚩शिवराज्याभिषेक: एकच धून 6 जून📢 Image & Post

🆔Official_Sagar 💞💤👑 - Author on ShareChat: Funny, Romantic, Videos, Shayari, Quotes

शिवराज्याभिषेकाने केवळ शिवछत्रपतींच्या हिंदवी स्वराज्याची राज्यघटनाच निर्माण केली असे नव्हे तर त्याने आधुनिक महाराष्ट्राला पहिला ‘मऱ्हाटी चेहरा’ दिला मराठी संस्कृतीला घाट दिला महाराष्ट्राचे ‘महाराष्ट्र धर्माचे’ तत्वज्ञान खऱ्या अर्थाने राज्याभिषेकाने प्रकट झाले.. चौदाव्या शतकात इ.स १३१७ साली दिल्लीच्या सुलतानाने अल्लाउद्दिनपुत्र मुबारक खिलजी याने देवगिरीच्या यादवांचे मराठी साम्राज्य कायमचे नष्ट केल्या नंतर महाराष्ट्राच्या भूमीवर साडेतीनशे वर्षे स्वातंत्र्यसूर्य उगवलाच नव्हता. सर्वत्र पारतंत्र्याचा, गुलामीचा, अवहेलनेचा, दुःखाचा आणि संकटांचा असा गडद अंधार परसला होता या अंधाराला छेद देणारी पहिली मशाल सह्याद्रीच्या कुशीत शहाजीराजे भोसाले यांच्या सुपुत्राने शिवाजीराजे यांनी पेटविली ही मशाल साधी सुधी नव्हती तिने सह्याद्रीची दऱ्याखोरीच नव्हे तर समस्त महाराष्ट्र भूमी प्रकाशाने उजळून टाकली या मशालीचा देदीप्यमान आविष्कार म्हणजे शिवरायांनी इ.स ६ जून १६७४ रोजी रायगडावर घडवून आणलेला आपला अदभूत असा राज्याभिषेक.. त्याकाळी म्हणजेच सतराव्या शतकात शेकडो लहान-मोठे राजेरजवाडे होते दक्षिणेत निजामशाही आदिलशाही व कुतुबशाही या सुलतानशाह्या आणि अनेक नायाकराजे नांदत होते..खुद्द महाराष्ट्रात निजामशाहीच्या व आदिलशाहीच्या पदरी अनेक मराठी सरदार होते आणि ते आपल्यास ‘राजे’ नावाने संबोधित होते त्यांची काही चूक होती असे नाही त्यांना राजा हा किताब त्यांच्या पराक्रमाचा गौरव म्हणून दक्षिणेतील शहांनी दिलेला असे आणि एकदा का हा किताब एखाद्या घराण्यात मिळाला कि त्या घराण्यातील पुढच्या पिढीतील पुरुष हा ‘राजा’ किताब आपल्या नावामागे प्रौढीने मिरवीत लावत अर्थात, हे राजेपद केवळ नावाचे होते ते गौरवाने मिरवीत मराठे सरदार या ना त्या सुलतानाची सेवा चाकरी बजावत असत खुद्द शिवछ्त्रपतींच्याही भोसले घराण्यात ‘राजे’ हा किताब चालत आला होता तो किताब त्यांच्या आजोबांना म्हणजे मालोजीराजे भोसले यांना स.१६०३ सालीच निजामशहाने लढयातील पराक्रमाचा गौरव म्हणून दिला होता तोच किताब भोसले घराण्यात चालत होता.. पण रायगडावर शिवछत्रपतींनी निर्माण केलेले राजेपद असे किताब म्हणून कोणी दिला नव्हते ते स्वयंभू होते, स्वतंत्र होते त्यांनी ते स्वतःच निर्माण केले होते त्यास कोणाच्या मेहेरबानीची अथवा मान्यतेची गरज नव्हती.. #🚩शिवराज्याभिषेक दिनाच्या शुभेच्छा👑 #🚩शिवराज्याभिषेक: एकच धून 6 जून📢 #😇आमचे प्रेरणास्थान: छत्रपती🙏 #📜इतिहास शिवरायांचा #🚩शिवरायांचे भक्त

🚩शिवराज्याभिषेक दिनाच्या शुभेच्छा👑 - ShareChat