असे म्हणतात बहावा ज्या दिवशी बहरला त्या दिवशीपासून 60 दिवसांनी मान्सूनचा पहिला पाऊस पडतो. 'नेचर इंडिकेटर' अशी ओळख असणारी ही वृक्ष अमरावती जिल्ह्यासह सध्या सर्वत्र गर्द पिवळ्या फुलांनी बहरली आहेत. रखरखत्या उन्हात अनेक झाडांची पानगळ झाली आहेत; मात्र बहावाची पिवळी गर्द झाडे म्हैंसाग पुलाजवळ येणाऱ्या प्रत्येकाचे लक्ष वेधून घेत आहे.... बहावा हे निसर्गातील अतिशय सुंदर वृक्ष आहे. संस्कृतमध्ये या वृक्षाला 'आरग्वध' असे म्हणतात. तर हे झाड हिंदीमध्ये 'अमलतास' या नावाने सर्वत्र ओळखल्या जाते. रखरखत्या उन्हात पाहणाऱ्याला अगदी वेड लागेल अशा पिवळ्या धम्म रंगामुळे या वृक्षाला 'गोल्डन शॉवर ट्री' या नावाने देखील ओळखले जाते. हे वृक्ष साधारणतः 25 ते 30 फूट उंच वाढते. हिवाळ्यात या वृक्षाची पानगळ होऊन संपूर्ण झाडावर फक्त नळीदार काळ्या शेंगा दिसतात. उन्हाळ्यात या वृक्षाचे सौंदर्य बघण्यासारखे असते. याला झुबकेदार खाली लोमणारे फुलोरे येतात. कानात घालणारे अलंकारसुद्धा झुपकेदार असल्याने या वृक्षाला 'कर्णीकार' नावाने देखील ओळखले जाते..Bahava Tree Blossomed In Maihsang....🤝👍👌✍️🌈 #👍लाईफ कोट्स #🙂Motivation #💭माझे विचार #🙂सत्य वचन