मातीचे घर आणी पावसाळा ♥️. पावसाळा म्हणजे शहरात प्रियकर प्रेयसी चा आवडता ऋतू असेन . वाफाळता चहा कुरकुरीत भजे खाण्याचा आणि त्यांचे फोटो समाजमाध्यमांवर टाकण्याचा ऋतू असेल.पण तुम्ही खरच पावसाळा मिस केलाय तो म्हणजे मातीच्या घरातला पूर्वीचा पावसाळा . हे असे नव्हते रे पूर्वी वाफाळता चहा वगैरे .पाऊस सुरू होण्याच्या आधी गच्चीवर जाड मुरूम त्याला 'खारी ' म्हणत तो टाकायाचा म्हणजे छत ठिबकत नसे.मागच्या दारी पडलेले सुके लाकूड घरात आणून ठेवत पावसात चूल पेटणार कशी ? जुने कंदील त्याची काच स्वछ करून घ्यायची .टेम्भे असायचे त्याच्या वाती घेऊन त्या रेडी करून ठेवत. कुठे छत किंवा पावसाचे पाणी घरात येत असेल तर प्लास्टिक ची ताडपत्री किंवा खताचे पोते एकमेकांना शिवून त्याने तो भाग झाकावा लागायचा .खोलीत उजेड यावा प्रकाश यावा म्हणून छताला जे सरे असायचे त्या मापाचे पत्राचे झाकण नीट रिपेयर करून ठेवत .मागच्या दारी कपडे भांडे धुण्याच्या जागी पाणी वाहून जाण्याकरता छोट्या गटारी किंवा नाली नीट करावी लागते .पोते म्हणजे बारदान ते नीट चोकोनी कापून पुढच्या मागच्या दारात ठेवायचे .त्याच पायपुसण्या .गाडीच्या टायर पासून बनवलेल्या चपला त्या काळी घरोघरी ओट्यावर पडल्या असायच्या.घराच्या वर पत्रे त्यावर मोठे दगड ,गोठ्यातल्या वाळलेल्या गवऱ्या नीट अडगळीच्या खोलीत ठेवल्या जातात.आणि मग सुरु होतो रानातला पाऊस शेतातला पाऊस नदीकाठावरचा पाऊस शांत गावातला पत्र्यावर पडून ताडताड वाजणारा पाऊस.माझ्या कानात आईचा आवाज ऐकू येतोय जा रे लवकर धाब्यावर सरे बंद कर स्वयंपाक घरात पाणी पडतंय 🤔मी पळत पळत धाब्यावरील सरे झाकून घरात जातो मागचे लाकडी जाड दरवाज्या ऐवजी चे फळकूट ओढतो त्याला लोखंडी अडकण लावतो.दूर अंधारात बेडकांच्या डराव डरव चा आवाज येत असतो.आणि सोबत शेतातील रस्त्यावरील धो धो पावसाचा एकसारखा आवाज भिंतीतल्या कोंनाड्यातल्या कंदिलाच्या रॉकेल चा आणि जवळच्या गोठ्यातील भिजलेल्या लाकडांचा हलका सुगंध आजकाल कातरवेळी पाऊस आला की माझे असेच होते ,मी हरवतो माझ्या मातीतल्या घरातल्या पावसात 😔♥️ #1️⃣महाराष्ट्र अपडेट्स #📲व्हायरल व्हिडिओ #👌प्रेरणादायी स्टेट्स #😍Marathi Status King #🔴आजचे ताजे अपडेट्स📰