റൂമിൽ മൊത്തം ഇരുട്ടായിരുന്നു. അത് കണ്ടപ്പോൾ തന്നെ മാളു നിന്ന് വിറക്കാൻ തുടങ്ങിയിരുന്നു. അവൾ വിറയ്ക്കുന്ന കാലടികളോടെ പതുക്കെ അകത്തേക്ക് കയറി വാതിലടച്ചു . റൂമിൽ ഇരുട്ടായിരുന്നെങ്കിലും നിലാവിന്റെ നേരിയ വെളിച്ചം തുറന്നിട്ട ജനാലയിലൂടെ അകത്തേക്ക് വരുന്നുണ്ടായിരുന്നു. മാളു ചുറ്റിനും അവന് വേണ്ടി കണ്ണുകൾ പായിച്ചു.. കണ്ടു... ജനൽ കമ്പിമേൽ പിടിച്ചുകൊണ്ട് ആകാശത്തേക്ക് നോക്കിക്കൊണ്ട് നിൽക്കുകയാണ് വിനോദ്.. മാളു കുറച്ച് നേരം അങ്ങനെ തന്നെ നിന്നു.. പതിയെ അവൾ ലൈറ്റിനായി ചുറ്റും തിരഞ്ഞു. അവളുടെ കയ്യാൽ റൂമിൽ വെളിച്ചം പരന്നു മാളുവിന്‌ പേടിതോന്നിയെങ്കിലും അവൾ പതിയെ കയ്യിലുള്ള പാൽഗ്ലാസ് അവിടെയുള്ള ടേബിളിന് മുന്നിൽ വെച്ചു ഹ്... അസ്വസ്ഥതത നിറഞ്ഞ അവന്റെ ശബ്ദം അവൾ പെട്ടന്ന് അവനെ തിരിഞ്ഞു നോക്കി. അപ്പോഴാണ് അവളുടെ കണ്ണുകൾ റൂമിന്റെ ചുവരിലുള്ള ചിത്രങ്ങളിലേക്ക് പോയത്.. മാളു ഞെട്ടിത്തരിച്ച് അതിലേക്ക് തന്നെ നോക്കി നിന്നു. അവളുടെ കണ്ണുകളെ പോലും വിശ്വസിക്കാൻ അവൾക്ക് കഴിഞ്ഞില്ല. അവളുടെ കണ്ണുകൾ നിറഞ്ഞു. അവൾ നിറഞ്ഞ കണ്ണോടെ തന്നെ റൂമിലെ ചിത്രങ്ങൾ നോക്കിക്കണ്ടു ചുവരിൽ ഒരുപാട് ചിത്രങ്ങൾ... അവയ്ക്കെല്ലാം ഒരു പെൺകുട്ടിയുടെ മുഖം... അതേ തന്റെ മുഖമാണ് ആ പെൺകുട്ടിക്ക് ഗായത്രി ചേച്ചി... അവളുടെ ചുണ്ടുകൾ പതിയെ മന്ത്രിച്ചു അവൾ പതിയെ ഒരു ചിത്രത്തിനരികിലേക്ക് നടന്നു. അത്ഭുതത്തോടെ അവളുടെ വിരലുകൾ ആ ചിത്രത്തിൽ സ്പർശിച്ചു. ശെരിക്കും തന്നെപോലെ തന്നെയുണ്ട് ഗായത്രി ചേച്ചിയെ കാണാൻ... അവൾ മനസ്സിൽ പറഞ്ഞു ഉണ്ണിയേട്ടൻ ഇത്രയും നന്നായി ചിത്രം വരയ്ക്കുമായിരുന്നോ... എന്ത് രസാ കാണാൻ.. അവൾ വിടർന്ന മുഖത്തോടെ മനസ്സിൽ ചിന്തിച്ചു ഹും.... ദേഷ്യത്തോടെയുള്ള വിനോദിന്റെ ശബ്‌ദം മാളു പേടിയോടെ ചിത്രത്തിൽ നിന്നും കണ്ണുമാറ്റി അവനെ നോക്കി. അവൻ ജനൽ കമ്പിയിൽ തന്നെ പിടിച്ച് തിരിഞ്ഞു നിൽക്കുകയാണ്. പക്ഷെ അവന്റെ കൈ ജനൽ കമ്പിയെ ഞെരിക്കുന്നുണ്ട്.. മാളുവിന്‌ പേടി തോന്നി... അവൻ എന്തോ പതിയെ പറയുന്നുണ്ടായിരുന്നു.. അവൾ അത് കേൾക്കാൻ എന്നപോലെ ചെവിവട്ടം പിടിച്ചു. ഹും.. എന്നോട് മിണ്ടണ്ട... എന്റെ അടുത്തേക്ക് വന്നില്ലല്ലോ.. എന്നും രാത്രി വരാറില്ലേ എന്റടുത്തേക്ക്.. രാവിലെ അല്ലെ വിനുവേട്ടനോട് പിണങ്ങിപ്പോവാറുള്ളു.. പിന്നെ ഇന്നെന്താ ഗായു നീ എന്റെ അടുത്തേക്ക് വരാത്തത്.. ആദ്യം ദേഷ്യത്തോടെയും പിന്നീട് സങ്കടത്തോടെയും ഉള്ള അവന്റെ ശബ്‌ദം മാളുവിന്റെ കണ്ണുകൾ നിറഞ്ഞു. തന്നെ കല്യാണം കഴിച്ചതൊന്നും അപ്പൊ ഉണ്ണിയേട്ടന് ഓർമയില്ലേ... എന്നെ... എന്നെക്കുറിച്ച് ചിന്തിക്കുന്നില്ലേ.. അവൾക്ക് വേദന തോന്നി.. അവൾ പേടിയോടെയെങ്കിലും പതിയെ അവന്റെ അടുത്തേക്ക് നടന്ന് അവന്റെ പുറകിൽപോയി നിന്നവൾ പതിയെ അവനെ വിളിച്ചു. ഉ... ഉണ്ണിയേട്ടാ... വിറച്ചുകൊണ്ടവൾ വിളിച്ചു വിനോദ് പെട്ടന്ന് തിരിഞ്ഞു നോക്കി.. അവളെ കണ്ട അവന്റെ മുഖം ചുളിഞ്ഞു.. അവന്റെ മുഖത്ത് ദേഷ്യം നിറഞ്ഞു "എന്താ... ആരാ.. ഈ മുറിയിൽ നിന്ന് പോ... " അവൻ അവളെ നോക്കി ദേഷ്യത്തോടെ പറഞ്ഞ് തിരിഞ്ഞു നിന്നു മാളു തറഞ്ഞു നിന്നുപോയി. ആ ഓർമയിലപ്പോ ഒരു തരിപോലും ഞാനില്ലേ... ഗായത്രി ചേച്ചിയുടെ ഒപ്പം കുറച്ചെങ്കിലും സ്ഥാനം.. ചേച്ചിയുടെ അത്രയും വേണ്ടാ... എന്നാലും എന്നെ ഒന്ന് ഓർത്തൂടെ അവൾ തേങ്ങിപ്പോയിരുന്നു.. നിന്നോടല്ലേ പറഞ്ഞത് പുറത്ത് പോവാൻ... പോ.. എന്റെ ഗായു വരും ഇപ്പോൾ... നീ ഏതാ നിന്നെയൊക്കെ കണ്ടാൽ ചിലപ്പോൾ എന്റെ ഗായുവിന് സങ്കടം വരും പൊക്കോ.. അവൻ അവളെ നോക്കാതെ തിരിഞ്ഞു നിന്നു തന്നെ പറഞ്ഞു ഉണ്ണിയേട്ടാ.... ഇത്തവണ അവൾ പൊട്ടിക്കരഞ്ഞു പോയിരുന്നു വിനോദ് ഞെട്ടലോടെ അവളെ തിരിഞ്ഞു നോക്കി.. അവളപ്പോൾ മുഖം പൊത്തി കരയുകയായിരുന്നു... അവൻ വല്ലാതായി അതേയ് കരയണ്ട ട്ടോ... പോയിക്കോ ഇവിടന്ന്... എനിക്ക് എന്റെ ഗായുവിനെ അല്ലാതെ ആരെയും കാണണ്ട.. അവൻ പതിയെ പറഞ്ഞ് തിരിഞ്ഞു നിന്നു അപ്പൊ പിന്നെ ഞാൻ... ഞാനാരാ.. ഞാനല്ലേ ഉണ്ണിയേട്ടന്റെ ഗായു... ഉണ്ണിയേട്ടനല്ലേ ഇന്ന് എന്നെ കല്യാണം കഴിച്ചത്... അപ്പോ ഉണ്ണിയേട്ടൻ എന്റെ ഭർത്താവല്ലേ.. അവൾ തേങ്ങലോടെ വിളിച്ചു അവൻ അവളെ തിരിഞ്ഞു നോക്കി. അവൾ കണ്ണുനീർ തുടച്ചുകൊണ്ട് അവനെ മുഖം ഉയർത്തി നോക്കി. വിനോദിന്റെ മുഖം വിടർന്നു ഗായു... അവൻ സ്നേഹത്തോടെ വിളിച്ച് അവൾക്കടുത്തേക്ക് പോയി.. അവൾ അത്ഭുതത്തോടെ അവനെ നോക്കി ഗായു... ഇത്.. ഇത് നീയായിരുന്നോ സോറി വിനുവേട്ടൻ ശ്രദ്ധിച്ചില്ല.. അവൻ കുറ്റബോധത്തോടെ പറഞ്ഞ് അവളുടെ തോളിൽ തൊട്ടു.. അവൾ അവനെ തന്നെ നോക്കി നിന്നു അവളെ വഴക്ക് പറഞ്ഞതോർത്ത് സങ്കടപ്പെട്ട് നിൽക്കുകയായിരുന്നു അവൻ . അവന്റെ ചുണ്ടുകൾ വിതുമ്പുന്നുണ്ടായിരുന്നു അവൾ പതിയെ അവന്റെ കയ്യെടുത്തുമാറ്റി വേണ്ട... എന്നെ ഉണ്ണിയേട്ടൻ തൊടണ്ട... എന്നെ വഴക്ക് പറഞ്ഞില്ലേ... എന്നെ മനസിലാകാത്തത് പോലെ പെരുമാറിയില്ലേ.. അവൾ പറഞ്ഞു.. വിനോദിന് സങ്കടം വന്നു സോറി ഗായു വിനുവേട്ടൻ അറിയാണ്ടല്ലേ... അവനിൽ സങ്കടം അതെന്താ അറിയാതിരിക്കാൻ ഞാൻ ഉണ്ണിയേട്ടന്റെ ഗായുവല്ലേ.. എന്നിട്ടും എന്നെ മനസ്സിലായില്ലല്ലോ... മാത്രല്ല എന്നേ ഉച്ചക്ക് കണ്ടിട്ട് എന്നോട് മിണ്ടിയതും ഇല്ലല്ലോ.. അവൾ സങ്കടത്തോടെ ചോദിച്ചു അവൻ വെപ്രാളത്തോടെ അവളെ നോക്കി... ഞാ... ഞാനോ... ഞാൻ ഗായൂനോട് മിണ്ടിയില്ലേ.. അവൻ സങ്കടത്തിൽ ചോദിച്ചു എന്താ ഉണ്ണിയേട്ടന് ഓർമയില്ലേ.. ഉണ്ണിയേട്ടൻ എന്നോട് മിണ്ടിയില്ല.. എന്നിട്ട് ഞാൻ ഉണ്ണിയേട്ടനെ ഇപ്പൊ കാണാൻ വന്നപ്പോ ഉണ്ണിയേട്ടൻ എന്നെ വഴക്കും പറഞ്ഞു.. ഞാൻ പോവാ.. ഇനി വരില്ല ഇങ്ങോട്ട്... എന്നോട് റൂമിന്ന് പോവാനല്ലേ പറഞ്ഞത്... ഞാൻ പോവാ.. അവൾ പറഞ്ഞുകൊണ്ട് പെട്ടന്ന് റൂമിന്റെ വാതിൽക്കലേക്ക് നടന്നു വിനോദിന്റെ കണ്ണുകൾ നിറഞ്ഞു.. അവൻ ഓടിപ്പോയി മാളുവിനെ പുറകിൽ നിന്നും കെട്ടിപ്പിടിച്ചു.. മാളു വിറച്ചു പോയി.. അവൻ തേങ്ങിക്കൊണ്ട് അവളെ വീണ്ടും ഇറുക്കി പിടിച്ചു.. മാളുവിന് തന്റെ ശരീരം തളരുന്നത് പോലെ തോന്നി ഉൺ.. ഉണ്ണിയേട്ടാ... എന്താ ഈ കാട്ടണേ.. വി.. വിടെന്നെ.. അവൾ വെപ്രാളത്തോടെ പറഞ്ഞ് അവന്റെ കൈകളെ വിടുവിക്കാൻ ശ്രമിച്ചു. പെട്ടന്ന് അവന്റെ കണ്ണുനീർ അവളുടെ തോളിൽ പതിച്ചു.. മാളു ഞെട്ടിപ്പോയി അവൾ അവനെ വിടുവിക്കാൻ ശ്രമിച്ചു. എന്നാൽ അവൻ അവളുടെ ദേഹത്തുള്ള പിടി വീണ്ടും മുറുക്കിക്കൊണ്ടിരുന്നു ഉൺ.. ഉണ്ണിയേട്ടാ.. ഉണ്ണിയേട്ടാ വിട് ഗായൂന് ശ്വാസം മുട്ടുന്നു.. അവൾ ശ്വാസം കിട്ടാത്തത്പോലെ പിടഞ്ഞു. അവൻ പെട്ടന്ന് പേടിയോടെ അവളിൽ നിന്നകന്നു നിന്നു. അവൾ അവന് നേരെ തിരിഞ്ഞു നിന്നു. അവൻ ആകുലതയോടെ അവളെ നോക്കി സോ.. സോറി ഗായു.. ഇനിയും വിനുവേട്ടൻ ഇങ്ങനെ പിടിക്കില്ല ട്ടോ .. വിനുവേട്ടനോട് പിണങ്ങല്ലേ.. അവൻ കൊച്ചുകുട്ടികളെ പോലെ പറഞ്ഞു.. മാളുവിന്റെ ചുണ്ടിൽ പുഞ്ചിരി തെളിഞ്ഞു ഇല്ല പിണങ്ങില്ല.. പക്ഷെ ഞാൻ പറയുന്ന കാര്യം ഉണ്ണിയേട്ടൻ കേൾക്കണം.. അവൾ ഗൗരവത്തോടെ പറഞ്ഞപ്പോൾ അവൻ വിടർന്ന കണ്ണോടെ അവളെ നോക്കി ഞാൻ.. ഞാൻ കേൾക്കാലോ... ഗായു എന്ത് പറഞ്ഞാലും വിനുവേട്ടൻ കേൾക്കാം.. എന്നോട് പിണങ്ങാതിരുന്നാൽ മതി.. അവൻ പറഞ്ഞു.. അവൾ തലകുലുക്കി ഇത് തന്നെയാ ഉണ്ണിയേട്ടൻ അനുസരിക്കേണ്ടത്.. അവൾ പറഞ്ഞു എന്ത്? അവന്റെ നെറ്റി ചുളിഞ്ഞു ഇതന്നെ ഞാൻ ഉണ്ണിയേട്ടനെ ഉണ്ണിയേട്ടാ എന്നല്ലേ വിളിക്കുന്നെ പിന്നെന്തിനാ ഉണ്ണിയേട്ടൻ എപ്പഴും വിനുവേട്ടൻ എന്ന് പറയുന്നേ... ഉണ്ണിയേട്ടൻ എന്ന് വിളിച്ചോട്ടെ ഞാൻ പ്ലീസ്.. അവൾ അവനോട് പുഞ്ചിരിയോടെ ചോദിച്ചു വിളിച്ചോട്ടോ... അങ്ങനെ തന്നെ വിളിച്ചാൽ മതി എന്റെ ഗായു... വിനുവേട്ടനും... അത്രയും പറഞ്ഞപ്പോഴേക്കും അവൾ അവനെ കൂർപ്പിച്ചു നോക്കി അല്ല വിനുവേട്ടനല്ല ഉണ്ണിയേട്ടൻ.. ഉണ്ണിയേട്ടനും അതുതന്നെയാണ് ഇഷ്ടം... ഞാൻ മുൻപ് ഗായുവിനോടത് പറഞ്ഞിട്ടുള്ളതല്ലേ.. അവൻ ചോദിച്ചപ്പോൾ അവൾ തലകുലുക്കി.. അവൻ പുഞ്ചിരിച്ചു അപ്പോ ഇനി പിണക്കം ഒന്നും ഇല്ലല്ലോ... അവൻ കണ്ണ് വിടർത്തിക്കൊണ്ട് ചോദിച്ചു.. അവൾ ഒരു നിമിഷം ആ കണ്ണിലേക്ക് തന്നെ നോക്കി.. പതിയെ ഇല്ല എന്ന് തല ചലിപ്പിച്ചു അവന് സന്തോഷമായി... അവൻ പെട്ടന്ന് അവളെ കെട്ടിപ്പിടിച്ചു.. മാളു ഒന്ന് ഞെട്ടിയെങ്കിലും ഇത്തവണ അവളുടെ കൈകളും അവനെ തിരിച്ച് പുണർന്നിരുന്നു കുറച്ച് നേരം അവർ അങ്ങനെ തന്നെ നിന്നു. പതിയെ അവൻ അവളിൽ നിന്ന് അകന്നു.. അവൾ എന്താ എന്നപോലെ അവനെ നോക്കി എപ്പഴും പോണത് പോലെ ഗായു നേരം വെളുത്താൽ എന്നെ വിട്ടു പോകുവോ.. അവൻ സംശയത്തോടെ ചോദിച്ചു.. അവന്റെ കണ്ണുകളിൽ വേദന നിറഞ്ഞു അവൾ പതിയെ അവന്റെ കവിളിൽ കൈവെച്ചു... അവൻ അവളെത്തന്നെ നോക്കി ഒരിക്കലും പോവില്ല... ഞാൻ.. ഞാൻ എന്നും ഉണ്ടാവും ട്ടോ എന്റെ ഉണ്ണിയേട്ടന്റെ കൂടെ.. ഉണ്ണിയേട്ടൻ ഈ ഗായുവിനെ വേണ്ടെന്ന് വെക്കാത്തിരുന്നാൽ മതി.. നിറഞ്ഞ കണ്ണോടെ അവൾ പറഞ്ഞപ്പോൾ അവൻ അവളുടെ കണ്ണുകൾ തുടച്ചുകൊടുത്ത് അവളെ നോക്കി പുഞ്ചിരിച്ചു ഒരിക്കലും ഉണ്ണിയേട്ടൻ എന്റെ ഗായൂനെ വേണ്ടാന്ന് പറയില്ല ട്ടോ.. അവൻ അതേ പുഞ്ചിരിയോടെ തന്നെ പറഞ്ഞു.. അവളും അവനെ നോക്കി പതിയെ പുഞ്ചിരിച്ചു ഗായു ഉണ്ണിയേട്ടന് ഉറക്കം വരുന്നു.. അവൻ ക്ഷീണത്തോടെ പറഞ്ഞു രാത്രിയിലെ മരുന്ന് കഴിച്ചാൽ അവന് പെട്ടന്ന് ഉറക്കം വരുമെന്ന് അമ്മ കുറച്ചു മുന്നേ പറഞ്ഞിരുന്നു. അവൾ ചിന്തിച്ചു അപ്പൊ ന്റെ ഉണ്ണിയേട്ടന് പാല് വേണ്ടേ.. അവൾ പാൽഗ്ലാസിലേക്ക് ചൂണ്ടികാണിച്ചുകൊണ്ട് ചോദിച്ചു മ്മ്മ്മ്... വേണ്ട.. ഗായു കുടിച്ചോ എനിക്ക് ഉറക്കം വരുന്നു. അവൻ ക്ഷീണം നിറഞ്ഞ കണ്ണോടെ പറഞ്ഞു എന്ന ഉണ്ണിയേട്ടൻ ഉറങ്ങിക്കോ.. അവൾ ബെഡിലേക്ക് ചൂണ്ടി പറഞ്ഞു ഞാൻ ഉറങ്ങിക്കഴിയുമ്പോ ഗായു പോവില്ലല്ലോ... അവൻ വീണ്ടും ചോദിച്ചു എവിടേം പോവില്ല... ഞാൻ.. ഞാൻ ഉണ്ണിയേട്ടന്റെ കൂടെ കിടന്നോട്ടെ.. അവൾ വിക്കി വിക്കി ചോദിച്ചു കിടന്നോ അവൻ സന്തോഷത്തോടെ പറഞ്ഞുകൊണ്ട് വേഗം ബെഡിൽ പോയി കിടന്നു. അവൾ ലൈറ്റ് ഓഫ്‌ ആക്കി ഡിം ലൈറ്റ് ഇട്ട് അവന്റെ അടുത്തുപോയി വെപ്രാളത്തോടെ അകന്നു കിടന്നു അവൾ അടുത്ത് വന്നു കിടന്നതും അവൻ പെട്ടന്ന് അവൾക്കടുത്തേക്ക് നീങ്ങിക്കിടന്ന് അവളെ കെട്ടിപിടിച്ച് അവളുടെ മാറിലേക്ക് ചാഞ്ഞു ... മാളു ഒന്നാകെ വിറച്ചുപോയി അവൾ അവനെ മാറ്റാൻ ശ്രമിച്ചു.... ഉ.. ഉണ്ണിയേട്ടാ... മാറിക്കിടക്ക്.. അവൾ പറഞ്ഞു.. എന്നാൽ അവന്റെ ഭാഗത്ത് നിന്നും മറുപടി ഒന്നും ഇല്ലായിരുന്നു അവൾ പതിയെ അവളുടെ നെഞ്ചിലേക്ക് നോക്കി... അവിടെ ഒരു കൊച്ച് കുഞ്ഞിനെപ്പോൽ പതുങ്ങി കിടന്ന് ഉറങ്ങിയിരുന്നു അവൻ അപ്പോഴേക്കും .. അവളുടെ കണ്ണുകളിൽ വാത്സല്യം നിറഞ്ഞു.. അവൾ അവനെ ഒന്നുകൂടി അവളുടെ മാറിലേക്ക് ചേർത്തു പിടിച്ചു.. ഉറക്കത്തിൽ അവനും അവളെ ഒന്നുകൂടി ചേർത്തുപിടിച്ചു.. വരാനിരിക്കുന്ന നാളുകൾ തങ്ങളുടെ പ്രണയത്തിന് വേണ്ടി മാത്രമുള്ളതാകും എന്നറിയാതെ വിനോദും മാളുവും പരസ്പരം പുണർന്നുകൊണ്ട് നിദ്രയെ പുൽകി. തുടരും 💘 #💞 പ്രണയകഥകൾ #📔 കഥ #📙 നോവൽ