#🍲 ഭക്ഷണപ്രേമി
*🌶️ഇന്നത്തെ പാചകം 🍳*
*ലഡു*
(പഞ്ചസാര ചേർക്കാതെ )
+-------+------+------+-------+
```2026 മെയ് 4 തിങ്കളാഴ്ച വോട്ടുകൾ എന്നിട്ട് കഴിയുമ്പോൾ ആരാവും ലഡു വിതരണം ചെയ്യുക...?
എന്തായാലും ആഘോഷവേളകളും, സന്തോഷ നിമിഷങ്ങളും പരസ്പരം പങ്കുവെക്കാൻ ലഡ്ഡുവും, ജിലേബിയും തന്നെ വേണം. എപ്പോഴെങ്കിലും വീട്ടിൽ ഇവ തയ്യാറാക്കാൻ ശ്രമിച്ചിട്ടുണ്ടോ?. ധാരാളം പഞ്ചസാരയും, എണ്ണയും പാചകത്തിനു വേണ്ടി വന്നേക്കാം എന്നതാണ് പലരുടേയും ആശങ്ക. എന്നാൽ ഇനി പഞ്ചസാര ചേർക്കാതെ കിടിലൻ രുചിയിൽ സോഫ്റ്റ് ലഡ്ഡു വീട്ടിൽ തയ്യാറാക്കാം.```
_____________________
*ചേരുവകൾ*
_______________________
_ചെറുപയർ പരിപ്പ്- 1 കപ്പ്_
_നെയ്യ്- ആവശ്യത്തിന്_
_ചക്കര- 200 ഗ്രാം_
_ഏലക്ക- 1 ടീസ്പൂൺ_
_എള്ള്- 1 ടേബിൾസ്പൂൺ_
_______________________
*തയ്യാറാക്കുന്ന വിധം*
_______________________
```ഒരു കപ്പ് ചെറുപയർ പരിപ്പ് ഒരു രാത്രി വെള്ളത്തിൽ കുതിർത്തു വെക്കുക.
അത് അരച്ചെടുക്കാം.
ഒരു പാൻ അടുപ്പിൽ വെച്ച് അൽപ്പം നെയ്യ് പുരട്ടി ചെറുപയർ അരച്ചതിൽ നിന്നും അൽപം ഒഴിച്ചു ചുട്ടെടുത്ത് ചൂടാറിയതിനു ശേഷം പൊടിച്ചെടുക്കാം.
അടി കട്ടിയുള്ള ഒരു പാത്രം അടുപ്പിൽ വെച്ച് 200 ഗ്രാം ചക്കരയിൽ അൽപ്പം വെള്ളം ഒഴിച്ച് അലിയിക്കാം.
പൊടിച്ചെടുത്ത ചെറുപയർ പരിപ്പിലേക്ക് ഒരു ടീസ്പൂൺ ഏലക്ക പൊടിച്ചതും ഒരു ടേബിൾ സ്പൂൺ വെളുത്ത എള്ളും ചേർത്തിളക്കാം.
അലിയിച്ചെടുത്ത ചക്കര കുറച്ചു വീതം ചേർത്തിളക്കി യോജിപ്പിക്കുക.
ഇനി കൈ ഉപയോഗിച്ച് ഉരുട്ടിയെടുക്കാം.```
+------+------+------+-------+
