നമ്മൾ ഒരാളെ എല്ലാം മറന്ന് സ്നേഹിക്കുന്ന നേരത്ത് നമ്മുടെ ധാരണ അവരും തിരികെ അങ്ങനെയാവും എന്നാണ് !! പ്രണയത്തിൽ മാത്രമല്ല, സൗഹൃദത്തിലായാലും കുടുംബ ബന്ധത്തിലായാലും എല്ലാവരുടെയും ചിന്ത എതാണ്ടങ്ങനെയാവും !! ഒരമ്മ, ജീവനേക്കാളുപരി സ്വന്തം മകനെയോ മകളെയോ സ്നേഹിക്കുമ്പോൾ ആ മക്കൾ തിരിച്ചും അങ്ങനെയാണെന്നാവും അമ്മയുടെ ചിന്ത !! അവരുടെ ഹൃദയം തുറക്കുമ്പോൾ അവിടെ വലിയ അക്ഷരത്തിൽ നമ്മുടെ പേരെഴുതിയിട്ടുണ്ടാവും എന്നു നമ്മൾ കരുതും !! ആ ചിന്തയൊക്കെയും ചില കാഴ്ച്ചകൾ പോലെയാണ് .. പച്ചപ്പാർന്ന ഒരു മലനിര ദൂരെനിന്നു കാണുമ്പോൾ മനോഹരമായ കാഴ്ച്ചയാണ് .. പച്ചപ്പട്ട് വിരിച്ചതുപോലെ തോന്നും .. അടുത്തേക്കു ചെല്ലുമ്പോൾ അവിടത്തെ കല്ലും മണ്ണും മുൾപ്പടർപ്പുകളുമൊക്കെയേ കാണാൻ കഴിയൂ !! മനുഷ്യരുടെ ഹൃദയവും അങ്ങനെ തന്നെയാണ് .. കുറച്ച് ദൂരെനിന്ന് അതിനെ ആസ്വദിക്കാം .. ഒരുപാട് അടുത്തുചെന്നാൽ മനസ്സിൽ കരുതിയ ചിത്രം തെറ്റായിരുന്നെന്ന് മനസ്സിലാവും !! നമ്മൾ സ്നേഹിക്കുന്ന മനുഷ്യരുടെ ഹൃദയത്തിലേക്ക് അധികം കടന്നുചെന്ന് തിരയാതിരിക്കുക .. നമ്മൾ അവരെ പ്രതിഷ്ഠിച്ചിരിക്കുന്നതുപോലെ അവരുടെ ഹൃദയത്തിൽ നമ്മൾ ഉണ്ടായെന്നു വരില്ല !! ആ തിരിച്ചറിവ് നമ്മളെ ഒരുപാട് വേദനിപ്പിക്കും ... ഒരു ജന്മംകൊണ്ടും അനുഭവിച്ചു തീർക്കാനാവാത്ത വേദനയാവും അത് !! സ്നേഹം നൽകാം തിരിച്ചുള്ള സ്നേഹം അളക്കാൻ ശ്രമിക്കാതെ , അവർക്കും സ്നേഹമുണ്ടെന്ന് വിശ്വസിച്ചേക്കുക !! വെറുതെയെന്തിനാണ് മനസ്സിനെ വേദനിപ്പിക്കുന്നത് ? #💑 സ്നേഹം #💘 Love Quotes #❤ സ്നേഹം മാത്രം 🤗 #💭 Best Quotes #✍️Life_Quotes ........................................ ♥️✍️ ˡⁱˢᵗᵉⁿᵉʳ ⁱⁿ ˢⁱˡᵉⁿᶜᵉ