#🏛️राजकारण भाजप,RSS यांनी नियंत्रित केलेला मिडिया खऱ्या बातम्या प्रसारित होऊ देत नाही. जनतेसाठी महत्वाचे मुद्दे सोडून फालतू गोष्टींना प्रसारित करत असतो. जेणे करून भाजप विरोधी रोष जनतेमध्ये वाढू नये.राहुल गांधी यांची भारत यात्रा प्रत्यक्षात भरपूर पाठिंबा मिळत असताना मोदी मिडिया त्याला दाखवत नाही. खऱ्या हिरो ला झिरो करणे व भाजपेयीं झिरो ला हिरो करणे हे मोदी मिडियाचे काम आहे. हे वर्षानुवर्षे सुरू असते. प्रिंट मिडिया, इलेक्ट्रॉनिक मिडिया भाजप विरोधी बातम्या प्रसारित होऊ देत नाही. CJP, कॉक्रोच जनता पार्टी किंवा अन्य कोणाचेही पाठबळ कमी होईल अशा बातम्या प्रसारित करत राहायचे. भाजप जेव्हा विरोधी पक्ष असतो तेव्हा मिडिया कसा प्रभावीपणे कार्यरत असतो, ते आठवून पहा.प्रत्येक मुद्द्यावर सरकारला कोंडीत पकडण्याचे प्रयत्न सुरू असतात.कोरोना काळात जिल्हा बंदी असताना चोरून प्रवास करणाऱ्या दोन साधूंना , लहान मुले पळवणारी टोळी समजून जमावाने मारहाण केली ,त्यात त्यांचा मृत्यू झाला. तेव्हा राज्यात उद्धव ठाकरे यांचे सरकार होते. तेव्हाचा मिडिया आठवा.भाजप पुरस्कृत हिंदुत्वाला उकळी फुटते, जणू सत्ताधारी शिवसेना, राष्ट्रवादी,काँग्रेस यांनी केलेले हत्याकांड असे सतत दाखविले गेले. अशा या गोदी मिडिया ला टक्कर देण्यासाठी सोशल मीडिया हाच जनतेचा मिडिया ठरतो. म्हणूनच राज्याचे मुख्यमंत्री सोशल मिडिया वर टीका करणाऱ्यांना भाडे के टट्टू म्हणतात, छोडूंगा नहीं अशी धमकी देतात.