✒️𝐖𝐚𝐲 𝐓𝐨 𝐉𝐚𝐧𝐧𝐚𝐡 ఈ రోజు ఒక్క హదీస్ 💐 *అనంత కరుణామయుడు అపార కృపా శీలుడు అయిన అల్లాహ్ పేరుతో ప్రారంభం* 🪴దైవప్రవక్త (సల్లం) ఇలా ప్రభోదించారని హజ్రత్ అబూహురైరా (రజి) తెలియజేసారు : 🌴 *ఎవడైనా నా స్నేహితుడితో శత్రుత్వం పెట్టుకుంటాడో నేను అతడిపై యుధాన్ని ప్రకటిస్తున్నాను*. 🌱`నేను నా దాసుడిపై విధిగా చేసిన విషయాలను ఆచరించి అతను నాకు దగ్గర అయితే నాకు ప్రీతికరమైన విషయం మరొకటి లేదు (అంటే విధులను ఆచరించి నా సామీప్యాన్ని పొందడం అంటే నాకు అత్యంత యిష్టం)` 🍁*ఇంకా నా దాసుడు నవాఫీల్ (స్వచ్చంద సత్కార్యాల) ద్వారా కూడా నాకు దగ్గరవుతూ ఉంటాడు. క్రమంగా నేనతణ్ణి ప్రేమిస్తాను*. 🌹`నేనతణ్ణి ప్రేమించడం మొదలుపెడితే, (క్రమ క్రమంగా) నేను అతను వినే చెవినై పోతాను, అతను చూసే కంటినైపోతాను, అతను పట్టుకునే చేయినైపోతాను, ఇంకా అతను నడిచే కాలునైపోతాను, అతను నాతో ఏదైనా అడిగితే నేనతనికి తప్పకుండా ఇస్తాను. దేని నుండి అయినా శరణువేడితే నేనతనికి తప్ప కుండా శరణు ఇస్తాను.` (బుఖారీ) 'ఆజన్తుహూ' అంటే నేను నీతో యుద్ధానికి తలపడుతున్నానని అతనికి తెలియ జేస్తున్నాను అని అర్థం. హదీసులో ప్రస్తావించబడిన ‘ఇస్తఆజనీ' అనే పదం ‘ఇస్తఆజబీ'గా కూడా ఉల్లేఖించబడింది. 📚 (సహీహ్ బుఖారీలోని ప్రేమైక వచనాల ప్రకరణం) 🍁వివరణ : 1. వినూత్న పోకడలను అనుసరించేవారు, బహుదైవారాధకులు కొందరు తమ మిధ్యాభావాలకు ఈ హదీసును నిదర్శనంగా చూపెడుతున్నారు. వాస్తవానికి పై హదీసు భావం వారనుకుంటున్నది కాదు. వారు హదీసుకు వక్రభాష్యం చెబుతూ తప్పులపై తప్పులు చేస్తున్నారు. పై హదీసుకు స్పష్టమైన, ఖచ్చితమైన వివరణ ఏమిటంటే, మనిషి దేవుని విధులను నిర్వర్తించడంతోపాటు నఫిల్ (స్వచ్ఛంద) సత్కార్యాలు కూడా చేస్తూ ఉంటే అతను దేవునికి ప్రియతముడైపోతాడు. ఫలితంగా అతనికి దైవసహాయం లభిస్తూ ఉంటుంది, దేవుడు అతణ్ణి తన రక్షణలోకి తీసుకుంటాడు, అతని శరీరావయవాలను పర్యవేక్షిస్తుంటాడు, కాబట్టి అటువంటి వ్యక్తి దైవవిధేయతకు, ఇతర చెడుగులకు దూరంగా ఉంటాడు. ఆ విధంగా ఆ దాసుడు తన చెవులతో ఏది విన్నా, తన కళ్ళతో ఏది చూసినా, తన చేతులతో ఏది పట్టుకున్నా దేవుని అభీష్టం ప్రకారమే చేస్తాడు. అతని కాళ్ళు ఎటు నడిచి వెళ్ళినా అందులో దైవప్రసన్నత దాగి ఉంటుంది. ఈ రకమైన దైవప్రియత్వం, దైవవిధేయతల స్థానానికి దాసుడు చేరుకుంటే దేవుడు అతని ప్రార్థనలను తప్పకుండా స్వీకరిస్తాడు. 2. వలీ' అంటే ప్రత్యేకమైన వేషధారణతో సాధువుగా ఉండేవాడనో, సన్యాసి బైరాగిఅనో, ప్రాపంచిక ధ్యాస లేనివాడనో, సగం పిచ్చివాడనో, ఆరాధన విషయంలో తనదైన ఒక ఒరవడిని సృష్టించుకున్నవాడనో అర్ధం కాదు. పైగా 'వలీ' అంటే ఇస్లామీయ విధులను ఖచ్చితంగా నిర్వర్తించేవాడనీ, స్వచ్ఛంద ఆరాధనలపట్ల సయితం ఎంతో మక్కువ గలవాడనీ, జీవితపు అన్ని రంగాలలో, సమస్త విభాగాలలో దైవవిధేయతకు కట్టుబడి ఉండేవాడనీ, తన ఉనికి ద్వారా సాటి మనుషులకు ఎలాంటి నష్టం వాటిల్లకుండా, హద్దులు అతిక్రమించకుండా ఉండేవాడనీ భావం. 3. అలాంటి దేవుని ప్రియదాసులను ప్రేమించేవారిపట్ల అల్లాహ్ కూడా ప్రసన్నుడౌతాడు. వారితో శత్రుత్వం పెట్టుకునేవారు దైవాగ్రహానికి గురౌతారు. 4. నఫిల్ (స్వచ్ఛంద) సత్కార్యాలను పాటిస్తే దేవుని సామీప్యం పొందుతారన్నమాట నిజమే. అయితే దేవుని విధులు (ఫర్జ్లు) ప్రవక్త సున్నతులను ఆచరించడంతోపాటు నఫిల్ సత్కార్యాలు చేస్తే లాభముంటుందిగాని ఫర్జ్ ను (విధులను), సున్నతులను విడిచిపెట్టి, నఫిల్ కార్యాలు చేస్తే ఒరిగేదేమీ ఉండదు. ఫర్జ్లు, సున్నత్లతో నిమిత్తం లేకుండా కేవలం నఫిల్ కార్యాలతోనే దైవసామీప్యాన్ని పొందవచ్చునన్నది ఓ అభూతకల్పన, పసలేని వాదన. 🛑 *ఇలాంటి మరెన్నో ఇస్లామీయ సందేశాల కొరకు మా what'sapp ఛానల్ ను ఫాలో అవ్వండి* https://whatsapp.com/channel/0029Va5GiDoDTkK7P7cVBx3y #అల్లాహ్ సందేసం #మాషా అల్లాహ్ #🕌అల్లాహ్ నాథ్ 🕋... #దైవభక్తి. అల్లాహ్ ఒక్కడే. ప్రపంచ సృష్టికర్త అల్లాహ్. #ఫెండ్స్ లవర్స్ అల్లాహ్ వీడియోస్