माहे मार्च 2026 चे पगार शिक्षक खात्यात जमा दिवसभराच्या घडामोडीनंतर कास्ट्राईब शिक्षक संघटनेच्या प्रयत्नांना यश गोंदिया जिल्हा प्रतिनिधी बिनधास्त न्यूज नेटवर्क गोंदिया: (दि १०एप्रिल): डॉ. बाबासाहेब आंबेडकर यांच्या जयंतीपूर्वी शिक्षक/कर्मचाऱ्यांचे वेतन होण्यासाठी कास्ट्राईब ने मागील एक हफ्त्यापासून प्रयत्न सुरू केला होता. काल मा. जाखलेकर मॅडम अति. मुख्य कार्यकारी अधिकारी दौऱ्यावर असल्याने त्यांची सही काल झाली नव्हती. मॅडमची आज वेतन बिलावर सही होण्यासाठी त्यांच्या प्रतिनिधींना सांगण्यात आले होते. आज प्रत्यक्ष पाठपुरावा करून जाखलेकर मॅडम यांची सही दुपारी 1:30 च्या दरम्यान वेतन बिलावर झाली. पुनच्च वित्त विभागात बिल आल्यावर मुख्य लेखा व वित्त अधिकारी साहेबांची सही होऊन ते बिल सोबतच क्लर्क ला घेऊन ट्रेझरी ऑफिसमध्ये 2:०० वाजताच्या दरम्यान जमा करण्यात आले. नंतर खरी कसरत सुरू झाली. दुपारचा लंच ब्रेक होता... मा. मोहम्मद तौसिफ हसीन साहेब जिल्हा कोषागार अधिकारी यांची भेट घेतली. साहेबांना डॉ. बाबासाहेब आंबेडकर जयंती सण जवळ आल्याने शिवाय उद्या व परवा शासकीय सुट्टी असल्याने आजच शिक्षक/कर्मचाऱ्यांचे वेतन खात्यावर जमा करण्यासाठी साहेबांना विनंती करण्यात आली. साहेबांनी परिस्थितीचे गांभीर्य समजून घेतले. व माहे मार्च चे वेतन आजच होतील याचे कास्ट्राईबला आश्र्वासित केले. कर्मचारी वर्ग कमी असून सुद्धा त्यांनी संबंधित कर्मचाऱ्यांना आजच वेतन जमा करण्याच्या सूचना दिल्या. दिवसभर आम्ही सर्व घडामोडींवर लक्ष ठेवून होतो. विविध ठिकाणी पाठपुरावा करून वेतन जमा होईपर्यंत तिथेच होतो. प्रयत्नाला यश आले. माहे मार्च 2026 चे वेतन आज दिनांक 10 एप्रिल 2026 ला संध्याकाळी शिक्षक/कर्मचाऱ्यांच्या खात्यावर जमा झाले आहेत. माहे मार्च 2026 चे वेतन शिक्षक/कर्मचाऱ्यांच्या खात्यावर जमा केल्याबद्दल मा. मोहम्मद तौसिफ हसीन साहेब जिल्हा कोषागार अधिकारी यांचे विशेष आभार. त्याचप्रकारे मा. जाखलेकर मॅडम अति. मुख्य कार्यकारी अधिकारी, मा. जनार्दन खोटरे साहेब मुख्य लेखा व वित्त अधिकारी, मा. विशाल डोंगरे साहेब शिक्षणाधिकारी, संबंधित सर्व कर्मचारी वर्ग व संबंधित यंत्रणेचे धन्यवाद व मनःपूर्वक आभार जय कास्ट्राईब संघटना यावेळी दिवसभर पाठपुरावा करत असलेले कास्ट्राईब शिक्षक संघटना महाराष्ट्र राज्य शाखा जिल्हा गोंदियाचे जिल्हाध्यक्ष संजय उके, उपाध्यक्ष किशोर डोंगरवार, संघटन सचिव रितेश विश्राम, संघटक शैलेश बागडे व इतर प्रतिनिधी उपस्थित होते. सर्वांना समोर येणाऱ्या क्रांतीसूर्य महात्मा ज्योतिबा फुले व भारतीय राज्यघटनेचे शिल्पकार भारतरत्न डॉ. बाबासाहेब आंबेडकर जयंती च्या हार्दिक शुभेच्छा