എന്നില്‍ പൂത്തുലഞ്ഞ നിന്‍റെ പ്രണയത്തിന്‍റെ വാകമരം ഇലകൊഴിഞ്ഞ് ഏകയായി അതിജീവനത്തിന്‍റെ കാറ്റും മഴയും കാത്തു നില്‍ക്കുന്നു. ഒരു വാക്കുപോലും പറയാതെ ഒന്നു തിരിഞ്ഞു നോക്കാതെ എന്നെ പിന്നില്‍ തനിച്ചാക്കി നീ ഏതു വസന്തം തിരഞ്ഞാണ് പോയത്? ഏത് ഋതുവിന്‍റെ വാതില്‍ക്കലാണ് നീ നിന്‍റെ ഹൃദയം കാണിക്ക വെച്ചത്? ഒരു പെരുമഴയില്‍ ഒരിക്കല്‍കൂടി നീ എന്‍റെ കുടയിലേക്ക് ഓടിവരുമെന്ന് വെറുതെയെങ്കിലും ആശിക്കുവാനല്ലാതെ മറ്റൊന്നിനുമാകില്ലല്ലോ എന്നോര്‍ക്കുമ്പോള്‍ തിരിച്ചറിവിന്‍റെ വേദനയില്‍ എന്‍റെ കണ്ണുകള്‍ നിറയുന്നു... കണ്ണുനീരിനു പക്ഷേ, നിന്‍റെ ഗന്ധമാണ്....#ഞാൻ എഴുതിയ വരികൾ