#🍲 ഭക്ഷണപ്രേമി _*🌶 ഇന്നത്തെ പാചകം 🍳*_ _*കര്‍ണാടക സ്‌പെഷ്യല്‍ ഹല്‍വ*_ +------+------+------+-------+ _ഹല്‍വ ഇഷ്ടപ്പെടാത്തതായി ആരാ ഉള്ളതല്ലേ. വായില്‍ വെയ്ക്കും മുന്‍പ് അലിഞ്ഞ് പോകുന്ന ഹല്‍വ കൈയ്യില്‍ കിട്ടിയാല്‍ ആരും വിടില്ല. ഇന്നത്തെ പാചകത്തിൽ ഇന്ന് ഒരു കര്‍ണാടക സ്‌റ്റൈല്‍ ഹല്‍വ പരിചയപ്പെട്ടാലോ. പ്രധാന ആഘോഷങ്ങളിലാണ് സാധാരണയായി ഈ കര്‍ണാടക സ്‌പെഷ്യല്‍ ഹല്‍വ ഉണ്ടാക്കുന്നത്._ _സാധാരണ അരി കൊണ്ടാണ് നമ്മള്‍ ഹല്‍വ ഉണ്ടാക്കാറുള്ളത് അല്ലേ. എന്നാല്‍ ഈ സ്‌പെഷ്യല്‍ ഹല്‍വയില്‍ അരി, റാഗി തുടങ്ങി പലവിധ ധാന്യപ്പൊടികളും ഉള്‍പ്പെടുത്തും. റാഗിയും ഗോതമ്പും അരിയും ശര്‍ക്കരയും നെയ്യും ഏലയ്ക്കയുമൊക്കെ ഈ കര്‍ണാടക ഹല്‍വയില്‍ ഉണ്ട്._ _പറയുമ്പോള്‍ തന്നെ നാവില്‍ വെള്ളമൂറുന്നില്ലേ. എന്നാല്‍ ഒന്നൂടെ പറയാം. വളരെ എളുപ്പമല്ല കേട്ടോ ഈ ഹല്‍വ ഒന്ന് തയ്യാറാക്കി എടുക്കാന്‍. കൂട്ടുകളൊക്കെ കുറേ നേരം ഇളക്കി കൊടുത്ത് അത്യാവശ്യം സമയമെടുത്ത് മാത്രമേ ഈ ഹല്‍വ തയ്യാറാക്കാന്‍ പറ്റൂ. പക്ഷെ എത്ര സമയം മെനക്കെട്ടാലും അവസാനം തയ്യാറായി വരുന്ന ഹല്‍വ ഒന്ന് രുചിച്ചാല്‍ മെനക്കെട്ട സമയം തന്നെ ഓര്‍മ വരില്ല. അപ്പോ പിന്നെ എങ്ങനെയാണ് ഹല്‍വ ഉണ്ടാക്കുന്നത് എന്ന നോക്കാം അല്ലേ._ ________________________ _*ആവശ്യം വേണ്ട സാധനങ്ങൾ*_ ________________________ _റാഗി ¼ കപ്പ്_ _അരി 1 ടേബിള്‍ സ്പൂണ്‍_ _ഗോതമ്പ് ¼ കപ്പ്_ _വെള്ളം 7 കപ്പ്_ _തേങ്ങ ചുരണ്ടിയത് 1 കപ്പ്_ _ശര്‍ക്കര 1 ബൗള്‍_ _ഏലയ്ക്കാ പൊടി ½ ടേബിള്‍ സ്പൂണ്‍_ _നെയ് 2 ടേബിള്‍ സ്പൂണ്‍_ ________________________ _*തയ്യാറാക്കുന്ന വിധം*_ ________________________ _1.ഒരു ബൗളില്‍ റാഗി എടുക്കുക. അതിലേക്ക് അരകപ്പ് വെള്ളം ഒഴിക്കുക._ _2.റാഗി രാത്രി രാത്രി മുഴുവന്‍ വെള്ളത്തില്‍ കുതിര്‍ക്കുക_ _3. ഒരു കപ്പില്‍ അരി എടുക്കുക. അതിലേക്ക് കാല്‍ കപ്പ് വെള്ളം ഒഴിക്കുക._ _4. ഒരു രാത്രി മുഴുവന്‍ വെള്ളത്തില്‍ കുതിര്‍ക്കുക._ _5. ഒരു ബൗളില്‍ ഗോതമ്പ് എടുക്കുക അതിലേയ്ക്ക് 1¼ കപ്പ് വെള്ളം ഒഴിക്കുക._ _6. ഒരു രാത്രി മുഴുവന്‍ ഇതും കുതിര്‍ക്കുക._ _7.കുതിര്‍ത്ത റാഗിയും അരിയും ഗോതമ്പും മിക്‌സിയില്‍ ഇട്ട് നന്നായി പൊടിച്ച് എടുക്കുക._ _8. ഇതിലേക്ക് രണ്ട് കപ്പ് വെള്ളം ഒഴിക്കുക._ _9. അത്യാവശ്യം നന്നായി കുഴച്ചെടുക്കുക._ _10. ബൗളിന് മുകളില്‍ അരിപ്പയില്‍ ഈ മിശ്രിതം ഒഴിക്കുക._ _11. സ്‌ട്രേയിനറിലേക്ക് ഒഴിച്ച ഈ മിശ്രിതം നന്നായി അരിച്ചെടുക്കുക._ _12. പൊടിയാത്ത പൊടികള്‍ ഒരിക്കല്‍ കൂടി മിക്‌സിയില്‍ ഇട്ട് പൊടിച്ചെടുക്കുക._ _13. മിക്‌സിയിലേക്ക് ഒരു കപ്പ് വെള്ളം ഒഴിച്ച് വീണ്ടും അടിച്ചെടുക്കുക._ _14. വീണ്ടും ഈ മിശ്രിതം അരിച്ചെടുക്കുക._ _15. ബാക്കി വരുന്നത് വീണ്ടും മിക്‌സിയില്‍ ഇട്ട് അരക്കപ്പ് വെള്ളം ഒഴിച്ച് അടിച്ചെടുക്കുക._ _16. ഇത് നന്നായി അരിച്ചെടുക്കുക._ _17. ചിരകി വെച്ച തേങ്ങ ഒരു മിക്‌സിയില്‍ എടുക്കുക._ _18. ഒരു കപ്പ് വെള്ളം ഒഴിച്ച് നന്നായി അടിച്ചെടുക്കുക._ _19. ഈ മിശ്രിതം നന്നായി അരിച്ചെടുക്കുക._ _20. ബാക്കി വരുന്ന തേങ്ങ വീണ്ടും മിക്‌സിയില്‍ ഇട്ട് വെള്ളമൊഴിച്ച് അടിച്ചെടുക്കുക_ _21. വീണ്ടും തേങ്ങ അരിച്ചെടുക്കുക._ _22. നെയ് പുരട്ടിയ ഒരു പാത്രം എടുക്കുക._ _23. അരിച്ചെടുത്ത മിശ്രിതം ഒര ചൂട് പാനിലേക്ക് മാറ്റുക._ _24. ഇതിലേക്ക് ശര്‍ക്കര ചേര്‍ത്ത് നന്നായി ഇളക്കിയെടുക്കുക._ _25. കട്ടപിടിക്കാതെ നന്നായി ഇളക്കി കൊടുക്കുക._ _26. 30 - 35 മിനിറ്റ് വരെ മിശ്രിതം നന്നായി ഇളക്കുക. അത്യാവശ്യം കട്ടിയാകും വരെ ഇളക്കണം._ _27. കട്ടിയായാല്‍ അതിലേക്ക് രണ്ട് സ്പൂണ്‍ നെയ് ചേര്‍ത്ത് ഇളക്കി കൊടുക്കണം._ _28. പിന്നീട് ഇതിലേക്ക് ഏലയ്ക്കാപൊടി ചേര്‍ക്കുക._ _29. തയ്യാറാക്കിയ മിശ്രിതം നേരത്തേ എടുത്തുവെച്ച നെയ് പുരട്ടിയ പാത്രത്തിലേക്ക് മാറ്റുക._ _30. പരത്തി കൊടുക്കുക._ _31. 30-40 മിനിറ്റ്‌ ഈ മിശ്രിതം തണുക്കാന്‍ വെയ്ക്കുക._ _32. കത്തിയില്‍ നെയ് പുരട്ടുക._ _33. ത്രികോണാകൃതിയില്‍ മുറിച്ചെടുക്കാം._ _34. ഇവ പ്ലേറ്റിലേക്ക് മാറ്റാം._ ________________________ _*ശ്രദ്ധിക്കേണ്ടത്‌*_ _1. റാഗിയും അരിയും ചേര്‍ത്ത് ഇത് തയ്യാറാക്കാം._ _2. ഹല്‍വ തയ്യാറാക്കുമ്പോള്‍ വളരെ കുറഞ്ഞ തീയില്‍ മാത്രമേ തയ്യാറാക്കാവൂ_ _3. തണുക്കാതെ മുറിക്കരുത്. നല്ല തണുപ്പ് വേണമെങ്കില്‍ ഫ്രിഡ്ജില്‍ വെയ്ക്കാം._ +-------+------+------+-------+