ఆంధ్రప్రదేశ్‌లోని మత్స్యకార కుటుంబాలకు రాష్ట్ర ప్రభుత్వం మరోసారి శుభవార్త చెప్పింది. ‘మత్స్యకారుల సేవలో’ పథకం కింద 1.30 లక్షలకుపైగా కుటుంబాల ఖాతాల్లో రూ.20 వేల చొప్పున ఆర్థిక సాయం జమ చేయనుంది. వేట నిషేధ కాలంలో జీవనోపాధి ఇబ్బందులు ఎదుర్కొంటున్న మత్స్యకారులకు ఈ సాయం అందించనున్నారు. నెల్లూరు జిల్లా తుమ్మలపెంటలో జరిగే కార్యక్రమంలో సీఎం చంద్రబాబు నిధులను విడుదల చేయనున్నారు.