💔💔💔
கொஞ்சம் அயர்ச்சியாய் இருக்கிறது.
அழுத்தம் கூடுகிறது.
அடித்துச்சொல்கிறேன், இது தேசத்துரோக புத்தகம் அல்ல.
பதினைந்து வருடக் கனவு. இரண்டு வருட உழைப்பு. 12 மணி நேர வேலைப்பளுவுக்கு நடுவிலும் தூங்காப்பல இரவுகளின் பலன். நிறைய புத்தகங்களின் வாசிப்பு. அவற்றிலிருந்து சேகரித்த சிறுசிறு விஷயங்கள், பெரும்பாலும் உண்மை மட்டுமே பேசப்பட வேண்டுமென்ற ஆசை. கூடவே, தப்பாய் எதுவுமே சொல்லிவிடக்க்கூடாதென்ற கவனம். ஈழப்போர் எண்டொரு பெரும் உரிமைச்சமர் புரிந்து மாண்டுபோனதொரு பேரினத்தின் ஊடாக தமிழ்ப்பெருமன்னன் எல்லாளச் சோழன், சிங்களச் சக்கரவர்த்தி துட்டகாமினி, அனுராதபுரத்து அரசி அனுலாதேவி இவர்களையெல்லாம் தொட்டுச்செல்லும் கதை. ஆனால், எது சொல்லப்பட வேண்டுமோ, அது நிறையவே சொல்லப்பட்டிருக்கிறது.
அங்கே ஏற்பாடு செய்த, எதிர்பார்த்த இடங்களில் இருந்து இயலாமையால் மறுப்பு. உதவ நினைக்கும் அவர்கள் மீதும் தவறில்லைதான்....., அரசியல்.!
புத்தகம் பரப்புவதில் பெரும் சிக்கல்.
இங்கேயும், Book-Fair ஸ்டால்களில், "அந்தப்பேர் இருக்கு, இந்தப்புகைப்படம் இருக்கு..." என்று ஏற்றுக்கொள்ள யோசிக்கிறார்கள்.
புத்தகம் பரப்புவதில் பெரும் சிக்கல்.
Facebook, Youtube என்று சோஷியல் மீடியாவில் அதிகப்படியான அறிவிப்போ வெளியீட்டு பதிவோ, வீடியோவோ இட்டால், வார்னிங் கொடுக்கிறார்கள். வீடியோக்கள் அழிக்கப்படுகிறது. பதிவுகளும் சென்று சேர்வதில்லை. முடக்கப்படும் என்ற நோட்டிபிகேஷன் மட்டும் ஏராளம்.
புத்தகம் பரப்புவதில் பெரும் சிக்கல்.
அவர்களது Algorithm-மில், நாட்டுக்கு மிகவும் அவசியமான...கள்ளக்காதல் செய்த மனைவியை கொலை செய்ய முயற்சித்த கணவனின் வீடியோ, மனைவியின் அந்தரங்க புகைப்படங்கள், இதெல்லாம் ஜோராய் எங்கும் சென்றடைகிறது. மகிழ்ச்சி.
பெரும்பாலானோர் விரும்பிப்பார்ப்பது எது என்ற அடிப்படை அறிவுகூட எனக்கில்லை என்று நொந்துகொண்டாலும், அயர்ச்சிக்குக் காரணம் அதுவல்ல.
வாசித்தால் மட்டுமே, ஒரு படைப்பு நல்லதா கெட்டதா, என்ன சொல்ல வருகிறதென்று தெரியும். ஆனால், அதைக் கொண்டு சேர்ப்பதற்கே இத்தனை சிரமம் இருந்தால்??
எங்கும் சேரமுடியாமல்,
புத்தகமூட்டை கனக்கிறது.
அதைவிட,
இதயம்💔
ராகதேவனின் பாடல் மட்டுமே தற்போதைக்கு அருமருந்து.
"உரிமை இழந்தோம்
உடமையும் இழந்தோம்
உணர்வை இழக்கலாமா….
உணர்வை கொடுத்து
உயிராய் வளர்த்த
கனவை மறக்கலாமா……?"
மாட்டோம்.💪
--------------------
குறிப்பு:
எண்ணவோட்டங்களின் சிதறல்தானே இது தவிர, யாரிடமும் இரந்து கேட்கும் எண்ணமில்லை. அது வழக்கமுமில்லை. முடிந்தவரையில், கேட்போருக்கு தனித்தனியே நிச்சயம் அனுப்பப்படும். அனுப்பப்பட்டும் கொண்டிருக்கிறது. #தாரகை #பேரு வெக்கல
