फसलीस काय गं? कशी फसलीस गं? २५ची पोरगी विवाहित पुरुषात फसतीये. ४०ची विवाहिता मेसेंजरवर गूळ पाडणाऱ्या प्लेबॉयमध्ये अडकतीये. कुणी 'लव्ह जि∆हाद'मध्ये संपतीये. कुणी चक्क उचलून कोलकात्यात नि अफगाणिस्तानात विकली जातीये. कुणी अवयव तस्करीत कातरली जातीये. या बातम्या वाचणाऱ्या लोकांना प्रश्न पडतो, 'ही इतकी मूर्ख कशी?' तुला या प्रश्नाचा राग येत असेल; पण मनातून तुलाही हाच प्रश्न पडत असेल. 'मी इतकी मूर्ख कशी?' यामागे विज्ञान आहे . . . #आत्मभान नाही :- हा तुझा बेसिक प्रॉब्लेम आहे. लहानपणी एकतर तुझ्याकडे घरी कोण लक्ष देत नाही; किंवा अति लक्ष देऊन लाडावलं जातं. एकतर तुला 'मुलीची जात' या साच्यात अडकवलं जातं, किंवा 'आमची राजकन्या' म्हणून गोंजारलं जातं. यातलं काहीतरी एक होतं. परिणाम? आपण नक्की काय आहोत याची तुला कल्पनाच नसते. कारण 'व्यक्तिमत्वाची स्वतंत्र घडण' हा विषयच आऊट होतो. आपल्या अस्तित्वाचा अर्थ काय? आपली मूल्यं काय? काय माहीत... तुझी ओळख ही तुला कसं वागवलं जातं त्यावर ठरते. त्यामुळे... तुला कुणी नाकारलं तर तू पाताळात... आणि तुला कुणी अटेंशन दिलं की तू ढगात... #अटेंशन :- ही कोणत्याही स्त्रीची नैसर्गिक इच्छा असते. पण सध्याच्या काळात मीडियाने या इच्छेला एक वाढीव, रोगट, विकृत स्वरूप दिलंय. लहानपणापासून तुझा असा एक ब्रेनवॉश करून दिला गेलाय, की बॉयफ्रेंड ही एक जीवनावश्यक गरज आहे. रिलेशनशिप ही एक महान गोष्ट आहे. डेटिंग हवंच, अन्यथा घरचे कोणतरी 'अंकल टाईप'शी लग्न लावून देतील. प्रत्येकीचा एक कोणतरी बेबी-शोना करणारा असतोच, तसा तुझाही असायलाच हवा. एकीकडे आपण पुरुषप्रधान संस्कृतीला कितीही शिव्या घालू; पण दुसरीकडे आपलं संपूर्ण मानसिक अस्तित्व पुरुषाभोवतीच भिरभिरत असलं पाहिजे. आपल्याला स्वत:च्या अस्तित्वाच्या योग्यतेचं सर्टिफिकेट मिळवायचंय. आपल्याला स्वत:च्या सेक्शुअलिटीवर एका पुरुषाच्या मान्यतेचा शिक्का पाडून घ्यायचाय. व्हॅलिडेशन मिळवणं हाच जीवनाचा एकमेव उद्देश आहे. आणि म्हणूनच... जरा कुणी माठ्या आपल्याला अटेंशन-व्हॅलिडेशन चारायला लागला, की आपण विचार बुद्धी विवेक सगळं गुंडाळून ठेवायचं; धावत जाऊन त्याच्यावर उडी मारायची; आणि आपलं सर्वस्व त्याला बहाल करायचं. #सेन्सेशन :- कोणतरी बघतंय... हसतंय... बोलायला येतंय... मस्त वाटतंय... हॉर्मोन्स सुरसुरतायत. मग कुतूहल. हा आणखी कोणती सेन्सेशन्स देऊ शकतो? त्याला आत... आत... खोल आतपर्यंत येऊ दे... मज्जा येतीये... ओ, सो थ्रीलिंग... भानामती झाल्ये. संमोहन. Free will गळून पडल्ये. नशा चढतोय. आपण हवेत तरंगतोय. हलकं-हलकं वाटतंय. त्याच्या साथीत विचार शून्य होत चाललेत. तो जे म्हणेल त्याला हो म्हणायचं. आपल्यात सेक्स कधी झाला, कळलं सुद्धा नाही.... आयुष्यातलं अल्टिमेट सेन्सेशन मिळालंय... अटेंशन, व्हॅलिडेशन, सेन्सेशन सगळं सगळं मिळालंय... आता आपली अवस्था ड्रग-ऍडिक्ट सारखी झाल्ये... आता सेन्सेशन मिळत राहावं यासाठी काहीपण... अगदी काहीपण... त्याला थेट देवाची जागा मिळाल्ये... देवकृपा अशीच बरसत राहावी यासाठी भक्ताची काहीपण करायची तयारी असते... टॉपलेस फोटो पाठवते? हो पाठवते ना! न्यू∆ड्स पाठवते? होsss! लॉजवर येते? चला! व्हिडिओ शूट करू? ऊं... कर ना! संस्कृती बदलते? कध्धीची तय्यारच आहे! माझ्या मित्रांना भेटते? छान कंपनी मिळेल! हो का? चालेल ना! ते काय आहे? करवत? कशासाठी? तुझा चेहरा गोड आहे गं... तुझ्या किडन्या पण गोड असतील..... आता हे सगळं एकत्र कर. तू म्हणजे एक मोठ्ठा खड्डा. एक पोकळी. काही नसणं... हीच तुझी ओळख. या पोकळीला स्वत:ची जाणीव नाही. इतरांकडून ज्या संवेदना मिळतील, त्यातूनच पोकळी स्वत:ची जाण घेते. मग जिथून-कुठून सेन्सेशन्स मिळतील, ती पोकळीला हवीच असतात. हे कृष्णविवर कधीच भरत नाही. खड्ड्यात कितीही काहीही टाका, खड्डा हा खड्डाच राहतो. टाकणारा मजा घेतो, बोअर होतो, निघून जातो. . . . आणि मग खड्डा एक उकिरडा म्हणून उरतो फक्त. नैराश्याने ग्रासलेला एक काळाकुट्ट अंधार. हे नकोय? आपल्या मुलींची अवस्था अशी व्हायला नकोय? मग पहिलं मुलींना आत्मभान द्या. त्यांच्यासमोर इंस्टाग्राम इन्फ्ल्युएंसर्स नाचण्याआधी त्यांना जिजाबाई, झाशीची राणी, माहितीतल्या फिमेल आर्मी ऑफिसर्स द्या. या भूमिकांवर रोज घरात चर्चा होऊ द्या. या स्त्रियांची कर्तबगारी दाखवा. जिजाऊंच्या धारदार नजरेतलं बुलंद सेन्सेशन शिकवा; जेणेकरून 'काय बनायचंय' याचा संस्कार होईल. आत्मभान आलं की स्वत:ची सेन्सेशन्स स्वत:च्या कर्तृत्वाने मिळवायची समज येईल. आपण जे आदर्श समोर ठेवतोय त्यातलं सेन्सेशन हे उपयुक्ततेतून आलंय, नुसतं नटणं-मुरडण्यातून नाही, हे येऊ दे. मग खड्डे नाही, सोन्याच्या खाणी घडतील. © अपूर्व विकास समुपदेशक व मानसशास्त्र तज्ज्ञ (निगडी, पुणे) Phone: 8928183848 #☀️गुड मॉर्निंग मोशन व्हिडीओ☺ #☀️गुड मॉर्निंग☀️ #🌹☕गुड मॉर्निंग Special☕🌹 #सुप्रभात #☕good morning Friends🌞