#అన్యోన్యత భార్యాభర్తల మధ్య ఉండకూడని ప్రధాన లక్షణం — తమ అభిప్రాయాలను ఎదుటివారి మీద రుద్దడం, “నేనే కరెక్ట్… నువ్వు రాంగ్” అని ప్రూవ్ చేయాలనే పట్టుదల. ప్రతి ఒక్కరికీ తమకంటూ ఒక స్వభావం, ఒక ఆలోచనా విధానం, ఒక స్కిల్ ఉంటుంది. దాన్ని అంగీకరించి ఉండనిస్తే అది ఇద్దరి ఎదుగుదలకు దోహదపడుతుంది. కానీ “నా ఐడియాలజీ మాత్రమే కరెక్ట్” అని భావిస్తూ, తమ అభిప్రాయాలను బలవంతంగా రుద్దితే— చివరికి నష్టపోయేది ఇద్దరే. అతిగా రూల్స్ పెట్టడం, ప్రతి విషయాన్నీ జడ్జ్ చేయడం, ఎదుటివారిని కంట్రోల్ చేయాలని ప్రయత్నించడం— ఇవి రిలేషన్‌ని దగ్గర చేయవు… దూరం చేస్తాయి. అలా ఉంటే ఎదుటివారు: ఫ్రీగా మాట్లాడలేరు తమ అభిప్రాయాలు చెప్పలేరు “వద్దు” అనడానికైనా భయపడతారు “కావాలి” అనడానికైనా సంకోచిస్తారు ఇది అన్యోన్యత కాదు… ఇది మౌనం. మరొక ముఖ్యమైన విషయం: అన్యోన్యత అంటే ఎప్పుడూ పోట్లాడుకోకుండా, అరుచుకోకుండా, తిట్టుకోకుండా ఉండటం కాదు. ఆ పరిస్థితులు రావచ్చు… అవి సహజం. సిచువేషన్ బట్టి కాసేపు కోపాలు, మాటలు పెరగొచ్చు — కానీ అవి తాత్కాలికం… వచ్చి పోతాయి. కానీ జడ్జ్ చేయడం, కంట్రోల్ చేయాలని ప్రయత్నించడం, ఎదుటివారిని తప్పు అని ప్రూవ్ చేయాలనే ప్రయత్నం— ఇవి మాత్రం మనిషిని మనిషికి నెమ్మదిగా దూరం చేస్తాయి. అయితే ఏం చేయాలి? వినడానికి ముందు తీర్పు ఇవ్వకుండా… పూర్తిగా విని స్పందించాలి గెలవడం కోసం కాదు… అర్థం చేసుకోవడం కోసం మాట్లాడాలి ఎదుటివారి భావాన్ని తప్పు అనడం కాకుండా… అంగీకరించడం నేర్చుకోవాలి “నేను సరిగానే ఉన్నా… నువ్వూ నీ కోణంలో సరిగానే ఉండవచ్చు” అనుకునే మనసు పెంచుకోవాలి అసలు అన్యోన్యత అంటే: ఎదుటివారికి వాళ్లలా ఉండే స్వేచ్ఛ ఇవ్వడం, మాట్లాడే హక్కు ఇవ్వడం, వారి భావాలకు విలువ ఇవ్వడం. విమర్శలు, ఎత్తిపొడుపులు, పుల్లవిరుపు మాటలు, జడ్జ్ చేయడం, కంట్రోల్ చేయాలనే ఆలోచనలు తగ్గినప్పుడే— రిలేషన్ బలపడుతుంది. ఎవరి స్వభావాన్ని వారిలాగే అంగీకరించండి. అవసరమైతే మాట్లాడుకుని మార్చుకోవాల్సినవి మార్చుకోండి. మిగతా వాటిలో స్వేచ్ఛ ఇవ్వండి. అప్పుడు మాత్రమే ఇద్దరి మధ్య ఉన్న బంధం నిజంగా “అన్యోన్యంగా” మారుతుంది.💞💞💞💞💞 #💗నా మనస్సు లోని మాట #😃మంచి మాటలు #💑 కపుల్ గోల్స్ #💑భార్యాభర్తల అనుబంధం #💝మాంగళ్య బంధం