1984 ਘੱਲੂਘਾਰੇ ਦੌਰਾਨ 6 ਜੂਨ, ਸ੍ਰੀ ਦਰਬਾਰ ਸਾਹਿਬ ਪਰਿਸਰ ਵਿਖੇ ਫੌਜੀ ਕਾਰਵਾਈ ਦਾ ਸਭ ਤੋਂ ਆਖ਼ਰੀ ਦਿਨ ਸੀ| ਭਾਰਤੀ ਫ਼ੌਜ ਨੇ ਟੈਂਕਾਂ ਨਾਲ ਸਿੱਖ ਪੰਥ ਦੇ ਸਰਵਉੱਚ ਅਸਥਾਨ ਸ੍ਰੀ ਅਕਾਲ ਤਖ਼ਤ ਸਾਹਿਬ ਦਾ ਵੱਡਾ ਹਿੱਸਾ ਤਬਾਹ ਕਰ ਦਿੱਤਾ ਸੀ। ਸੰਤ ਜਰਨੈਲ ਸਿੰਘ ਭਿੰਡਰਾਂਵਾਲੇ, ਬਾਬਾ ਠਾਹਰਾ ਸਿੰਘ, ਭਾਈ ਅਮਰੀਕ ਸਿੰਘ, ਜਰਨਲ ਸ਼ਬੇਗ ਸਿੰਘ ਸਮੇਤ ਕਈ ਆਗੂ ਸ਼ਹੀਦ ਹੋ ਗਏ ਸਨ। ਗੋਲੀਬਾਰੀ ਅਤੇ ਬੰਬਾਰੀ ਦੌਰਾਨ ਅਣਗਿਣਤ ਸਿੱਖ ਸ਼ਹੀਦ ਹੋ ਗਏ ਸਨ | ਸ੍ਰੀ ਦਰਬਾਰ ਸਾਹਿਬ ਦੀ ਪਰਿਕਰਮਾ 'ਚ ਲਾਸ਼ਾਂ ਦੇ ਢੇਰ ਲੱਗੇ ਹੋਏ ਸਨ ਅਤੇ ਪਵਿੱਤਰ ਸਰੋਵਰ ਦਾ ਜਲ ਲਾਲ ਹੋ ਚੁੱਕਾ ਸੀ। ਬਾਕੀ ਬਚੀ ਸੰਗਤ ਨੂੰ ਫ਼ੌਜ ਨੇ ਬੰਦੀ ਬਣਾ ਕੇ ਅਣਕਿਹਾ ਅਤੇ ਅਸਹਿ ਤਸੀਹੇ ਦਿੱਤੇ ਅਤੇ ਸਿੱਖ ਨੌਜੁਆਨਾਂ ਨੂੰ ਕਤਾਰਾਂ 'ਚ ਖੜ੍ਹਾ ਕਰਕੇ ਮੱਥੇ 'ਚ ਗੋਲੀਆਂ ਮਾਰੀਆਂ ਗਈਆਂ। ਸ਼ਹੀਦਾਂ ਦੀਆਂ ਲਾਸ਼ਾਂ ਨੂੰ ਕੂੜਾ ਢੋਹਣ ਵਾਲੇ ਟਰੱਕਾਂ 'ਚ ਭਰ ਕੇ ਤੇ ਬਿਨਾਂ ਕਿਸੇ ਮਰਿਆਦਾ ਦੇ ਇਕੱਠਿਆਂ ਤੇਲ ਪਾ ਕੇ ਸ਼ਮਸ਼ਾਨ ਘਾਟ ਵਿੱਚ ਸਾੜ ਦਿੱਤਾ ਗਿਆ ਸੀ। #🙏ਸ਼੍ਰੀ ਗੁਰੂ ਨਾਨਕ ਦੇਵ ਜੀ #👳‍♂️ਰਾਜ ਕਰੇਗਾ ਖਾਲਸਾ 💪 #😇ਸਿੱਖ ਧਰਮ 🙏 #📚 ਸਿੱਖ ਇਤਿਹਾਸ ਨੌਲਜ #1984 #1984