#⛈️આ જિલ્લામાં મેઘરાજાની તોફાની બેટિંગ, ગુજરાતમાં વરસાદની કાગડોળે રાહ જોતા લોકો માટે સારા સમાચાર છે. હવામાન વિભાગની આગાહી મુજબ, હાલમાં રાજ્ય પરથી એક સિસ્ટમ (ટ્રફ) પસાર થઈ રહી હોવાથી આગામી 7 દિવસ સુધી ગુજરાતમાં સારો એવો વરસાદી માહોલ જોવા મળશે. ખાસ કરીને દક્ષિણ ગુજરાતમાં ગાજવીજ અને ભારે પવન સાથે ધોધમાર વરસાદ પડવાની શક્યતા છે. જ્યારે સૌરાષ્ટ્ર અને મધ્ય ગુજરાતના કેટલાક જિલ્લાઓમાં પણ સારો એવો વરસાદ જોવા મળશે. આ ઉપરાંત, સાનુકૂળ સ્થિતિ વચ્ચે ચોમાસું ધીમે ધીમે આગળ વધી રહ્યું છે અને આગામી 48 કલાકમાં તે મહારાષ્ટ્રના મોટાભાગના વિસ્તારોમાં પહોંચી જશે તેવી સંભાવના છે.હવામાન વિભાગે દક્ષિણ ગુજરાત માટે ખાસ ચેતવણી આપી છે. અહીંના તમામ જિલ્લાઓમાં 40 થી 50 કિલોમીટર પ્રતિ કલાકની ઝડપે ભારે પવન ફૂંકાવાની શક્યતા છે. ભરૂચ, નર્મદા, સુરત, તાપી, નવસારી, ડાંગ અને વલસાડમાં વીજળીના કડાકા-ભડાકા અને ગાજવીજ સાથે ધોધમાર વરસાદ વરસી શકે છે. આ સાથે સંઘ પ્રદેશ દીવ, દમણ અને દાદરા નગર હવેલીમાં પણ વરસાદની આગાહી કરવામાં આવી છે.આ સિવાય મધ્ય ગુજરાતના ખેડા, આણંદ, પંચમહાલ, દાહોદ, વડોદરા અને છોટા ઉદેપુર જિલ્લામાં પણ ગાજવીજ સાથે વરસાદી માહોલ છવાઈ શકે છે. ચોમાસાની ગતિની વાત કરીએ તો, તે સાનુકૂળ સ્થિતિ સાથે ધીમે ધીમે આગળ વધી રહ્યું છે અને આગામી 48 કલાકમાં મહારાષ્ટ્રના વિસ્તારોને આવરી લેશે. જોકે, ગુજરાતમાં સત્તાવાર રીતે ચોમાસું ક્યારે બેસશે તેને લઈને હવામાન વિભાગે હજુ સુધી કોઈ ચોક્કસ તારીખ આપી નથી. પરંતુ, ત્યાં સુધી રાજ્યમાં વરસાદી એક્ટિવિટીના ભાગરૂપે સારો એવો વરસાદ જરૂર જોવા મળશે. #🔥 બિગ અપડેટ્સ #🗞️ ગુજરાત અપડેટ્સ #🌦️ હવામાન અપડેટ્સ