അടുക്കളയിൽ എത്തിയതും മാളു ചുമരിൽ ചാരി നിന്ന് കണ്ണുകൾ ഇറുക്കി അടച്ചു .. വിനോദ് ചുംബിച്ച അവളുടെ രണ്ട് കവിളിലും അവൾ മൃദുവായി തലോടി. അവളുടെ മുഖത്തേക്ക് രക്തം ഇരച്ചു കയറി. എന്റെ ഉണ്ണിയേട്ടൻ.... അവളുടെ മനസ്സ് മന്ത്രിച്ചു എന്താ മോളെ.... അവളെ അടുക്കളയിൽ കണ്ട സുമതി നെറ്റിച്ചുളിച്ചുകൊണ്ട് ചോദിച്ചു. മാളു ഞെട്ടലോടെ കണ്ണ് തുറന്നു. അവളുടെ ചുവന്നുപോയ മുഖം അവർ കാണാതിരിക്കാൻ അവൾ പെട്ടന്ന് തിരിഞ്ഞു നിന്നു. അ.. അത്... അതൊന്നുമില്ല.. ചേ.. ച്ചി... ഞാൻ... കുറച്ച്.. വെ.. ള്ളം കുടിക്കാൻ വന്നതാ.. അവൾ അങ്ങനെ തന്നെ നിന്നുകൊണ്ട് എങ്ങനെയോ വിക്കിവിക്കി പറഞ്ഞൊപ്പിച്ചു ഹോ... അത്രയേ ഉള്ളോ... കുഞ്ഞങ്ങോട്ട് ഓടി കിതച്ചു വരുന്നത് കണ്ടപ്പോ ഞാൻ അങ്ങോട്ട് പേടിച്ചുപോയെന്നെ... ഇനി വിനുകുഞ്ഞ് ഉപദ്രവിക്കുകയോ മറ്റോ ചെയ്തു എന്ന് കരുതിപ്പോയി... അവർ അവരുടെ ഉള്ളിലുള്ളത് അതുപോലെ പറഞ്ഞു മാളുവിന്‌ പെട്ടന്ന് ദേഷ്യം വന്നു.. അവൾ പെട്ടന്ന് അവർക്ക് നേരെ തിരിഞ്ഞു നിന്നുകൊണ്ട് അവരെ തുറിച്ചുനോക്കി.. സുമതിക്ക്‌ അവളുടെ മുഖഭാവം കണ്ട് പെട്ടന്ന് പേടിതോന്നിപ്പോയി എന്താ... എ...ന്താ.. കുഞ്ഞേ.. അവർ വിറയലോടെ ചോദിച്ചു ഉണ്ണിയേട്ടൻ അതിന് എന്ത് ഉപ്രദവിക്കാനാ... അവൾ കുറച്ച് ദേഷ്യത്തോടെ തന്നെ ചോദിച്ചു.. സുമതി പേടിക്കൊണ്ട് ഉമിനീരിറക്കി അത്.. അത് കുഞ്ഞേ... വിനുക്കുഞ്ഞിന് സുഖം ഇല്ലാത്തതല്ലേ... അപ്പൊ മോളെ എന്തെങ്കിലും... മതി സുമതിയേച്ചി... അവർ പറഞ്ഞു പൂർത്തിയാക്കും മുൻപ് അവൾ അവർക്ക് നേരെ കൈ ഉയർത്തി തടഞ്ഞു.. സുമതി പെട്ടന്ന് ബാക്കി പറയാൻ വന്നത് നിർത്തി ചേച്ചി... എന്റെ ഉണ്ണിയേട്ടന് ഒരു അസുഖവും ഇല്ല... എന്നെ എന്റെ ഉണ്ണിയേട്ടൻ ഉപദ്രവിക്കാനും പോണില്ല... അതുകൊണ്ട്.. അതുകൊണ്ട് സുമതിയേച്ചി ഇനിയും എന്റെ ഉണ്ണിയേട്ടന് വയ്യാത്തതാണെന്ന് പറയരുത്.. എനിക്കത് ഇഷ്ടല്ല.. മാളു പറഞ്ഞുകൊണ്ട് നിന്ന് കിതച്ചു സുമതിയുടെ തല താഴ്ന്നു... അവർ കുറച്ചു നേരം ഒന്നും മിണ്ടിയില്ല. ശേഷം അവർ അവളോട് സംസാരിക്കാൻ തന്നെ തീരുമാനിച്ചു കുഞ്ഞ് ക്ഷമിക്കണം... ഞാൻ അങ്ങനെ ഒന്നും ഉദ്ദേശിച്ചു പറഞ്ഞതല്ല... വിനു കുഞ്ഞിന് ഇടക്ക് എല്ലാവരെയും ഉപദ്രവിക്കുന്നൊരു സ്വഭാവം ഉണ്ടായിരുന്നു... എന്നെയും ഉപദ്രവിച്ചിട്ടുണ്ട്.. ഞാൻ അതുകൊണ്ട് പറഞ്ഞതാ.. സുമതി സൗമ്യമായി പറഞ്ഞു മനസ്സിലായി... മനസ്സിലായി സുമതിയേച്ചി എനിക്ക്... പക്ഷെ.. പക്ഷെ നിക്ക് സഹിക്കണില്ല ചേച്ചി...എന്റെ ഉണ്ണിയേട്ടന് വയ്യ എന്ന് എല്ലാരും പറയണത് കേൾക്കുമ്പോ.. എനിക്ക്....മാളു കണ്ണ് നിറച്ചുകൊണ്ട് പറഞ്ഞു സുമതി അവളെ അത്ഭുതത്തോടെ നോക്കി... എങ്ങനെയാണ് ഈ പെൺകുട്ടിക്ക് ഒരു ദിവസം കൊണ്ട് വിനുകുഞ്ഞിനോട് ഇത്രയും സ്നേഹം വന്നത്... ഇത്രയും സ്നേഹിക്കാനും മാത്രം അത്രക്കും അവനും ഇവളെ സ്നേഹിക്കുന്നുണ്ടോ...എന്ത് മായാജലമാണ് ഇവർക്കിടയിൽ നടക്കുന്നത് . ആ കണ്ണുകൾ നിറയുന്നത് പോലും അവന് വേണ്ടിമാത്രമല്ലേ... മാളുവിനെ നോക്കിനിൽക്കേ അവർ മനസ്സിൽ ചിന്തിച്ചു... അവരുടെ മുഖത്തൊരു പുഞ്ചിരി വിരിഞ്ഞു മോളെ... അവർ പതിയെ വിളിച്ചപ്പോൾ മാളു നിറഞ്ഞ കണ്ണോടെത്തന്നെ അവരെ നോക്കി.. അവർ അവളെ നോക്കി പുഞ്ചിരിച്ചു വിനുമോൻ ഒരു പാവമാണ്... അത്രയും സ്നേഹിക്കാൻ അറിയുന്നൊരു പാവം.. പക്ഷെ പെട്ടന്ന് ദേഷ്യം വരുന്ന ആളും ആണ് ട്ടോ.. ഒത്തിരി വിഷമിച്ചിട്ടുണ്ട് കുഞ്ഞിന്റെ ആ ഒരു അവസ്ഥയിൽ.. കല്യാണി ചേച്ചി വന്ന് ദേവിക ചേച്ചിയോട് വിനുക്കുഞ്ഞിന്റെ കാര്യം ഓരോന്ന് പറഞ്ഞു കുത്തിനോവിക്കുമ്പോഴും മനസ്സ് വേദനിച്ചിട്ടുണ്ട്. പക്ഷെ ഇപ്പൊ എന്റെ ഈശ്വരന്മാരാണേ സത്യം അത്രയ്ക്കും സന്തോഷം തോന്നുന്നുണ്ട് ചേച്ചിക്ക്‌.. അവർ ചിരിയോടെ പറഞ്ഞു മാളു കണ്ണുകൾ തുടച്ച് എന്താ എന്നപോലെ അവരെ നോക്കി വിനുക്കുഞ്ഞിന് ചേർന്ന ആളെ തന്നെയാ ഈശ്വരൻ ചേർത്തു വെച്ചിരിക്കുന്നത്.. ആർക്കും വിട്ടുകൊടുക്കാതെ മോള് കുഞ്ഞിന് വേണ്ടി സംസാരിക്കുന്നുണ്ടല്ലോ.. ചേച്ചിക്ക് സന്തോഷമായി... അവർ സന്തോഷത്തോടെ അവരുടെ നിറഞ്ഞ കണ്ണുകൾ ഒപ്പി മാളുവിന്റെ ചുണ്ടിലും ഒരു കുഞ്ഞ് പുഞ്ചിരി മിന്നി എന്നോട് ദേഷ്യമായോ... അവളുടെ ശബ്ദം ഇത്തവണ കുറ്റബോധത്താൽ പതിഞ്ഞു പോയിരുന്നു ഇല്ല... ഒരിക്കലുമില്ല... സ്നേഹം കൂടിയിട്ടെ ഉള്ളു മോളോട്.. അവർ അതേ പുഞ്ചിരിയോടെ പറഞ്ഞു സോറി...ഞാൻ അപ്പോഴത്തെ ദേഷ്യത്തിന് പറഞ്ഞതാ.. മാളുവിൽ കുറ്റബോധം നിറഞ്ഞു... ഒരു നിമിഷം സുമതി കല്യാണിയെപ്പോലെയാണെന്ന് തോന്നിപ്പോയിരുന്നു മാളുവിന്‌... പക്ഷെ അല്ല പാവമാണ് സുമതിച്ചേച്ചി... ഇപ്പോൾ അതിൽ അവൾക്ക് ഒരു സംശയവും ഇല്ലായിരുന്നു. എന്തിനാ മോളെന്നോട് ക്ഷമ ചോദിക്കുന്നത്... ഭർത്താവിനോട് സ്നേഹമുള്ള ഏതൊരു ഭാര്യയും പെരുമാറുന്നത് പോലെയേ മോളും പെരുമാറിയിട്ടുള്ളു... അതുകൊണ്ട് എനിക്ക് സന്തോഷം മാത്രമേ ഉള്ളു കുഞ്ഞേ... അവർ പറഞ്ഞുകൊണ്ട് അവളുടെ കവിളിൽ ഒന്നും തലോടി. മാളുവും അവരെ നോക്കി നേർമയായി പുഞ്ചിരിച്ചു. സുമതി കഴിക്കാനുള്ളത് ഇങ്ങെടുത്തോളൂ.. ഹാളിൽ നിന്നും ദേവികയുടെ ശബ്‌ദം.... സുമതി പെട്ടന്ന് തയ്യാറാക്കി വെച്ച ദോശയും സാമ്പാറുമായി ഡെയിനിങ് ഹാളിലേക്ക് നടന്നു... ചട്ണിയും ചായയുമായി കൂടെ മാളുവും സുമതി അത് അവിടെ വെച്ച് തിരിഞ്ഞപ്പോഴാണ് അവരുടെ അടുത്തേക്ക് വരുന്ന മാളുവിനെ കണ്ടത്. അയ്യോ മോളെന്തിനാ ഇതൊക്കെ എടുത്തു കൊടുന്നത്... ചേച്ചി കൊണ്ടുവരുമായിരുന്നില്ലേ.. അവർ വെപ്രാളത്തോടെ പറഞ്ഞപ്പോൾ മാളു അവരെ നോക്കി കണ്ണ് ചിമ്മി ചിരിച്ചു. സുമതിയും ഒരു ചിരിയോടെ അവളുടെ കയ്യിൽ നിന്നും അതെല്ലാം വാങ്ങി ടേബിളിലേക്ക് വച്ചു. ദേവിക വിനോദിനെ കൂട്ടി കസേരയിൽ വന്നിരുന്ന് തൊട്ടപ്പുറത്തുള്ള കസേരയിൽ അവനെയും ഇരുത്തി..അവൻ മാളുവിനെ നോക്കി.. എന്നാൽ അത് കണ്ട ഉടനെ അവൾ മുഖം തിരിച്ചു... അവന്റെ മുഖം വീർത്തു മാളുവിന്‌ ദേവികയെ നോക്കാൻ ചമ്മൽ തോന്നി.. അവൾ വേഗം അടുക്കളയിലേക്ക് വലിയാനൊരു ശ്രമം നടത്തി ഏടത്തി എങ്ങോട്ടാ ഈ ഓടുന്നെ... ചിന്നുവിന്റെ കുറുമ്പോടെയുള്ള ശബ്ദം.. മാളു പെട്ടന്ന് തിരിഞ്ഞുനോക്കി.. അവൾ കൈകഴുകി ടേബിളിന് മുന്നിൽ വന്നിരുന്നു. മാളു അവളെ നോക്കി ഇളിച്ചുകൊടുത്തു. ചിന്നു പോയില്ലായിരുന്നോ... അവൾ അതേ ഇളിയോടെ ചോദിച്ചു. ചിന്നുവിന് ചിരി പൊട്ടി അവൾ അത് കടിച്ചുപിടിച്ചുകൊണ്ട് അവളെ നോക്കി അയ്യാ.. എന്താ കിണി... മതി ചമ്മിയത്... ഇനിയും ഒളിച്ചു നടക്കണ്ട.. വാ.. വന്ന് ഭക്ഷണം കഴിക്ക്.. ഞാനിന്ന് നിങ്ങളുടെ ഒപ്പമാ കഴിക്കുന്നേ.. അതാ ഞാൻ പോവാതിരുന്നേ.. ചിന്നു കുറുമ്പോടെ പറഞ്ഞു.. മാളു ദേവികയെ നോക്കി അവർ ദോശ പത്രത്തിലിട്ട് അതിലേക്ക് സാമ്പാർ ഒഴിക്കുകയായിരുന്നു അപ്പോൾ.. പക്ഷെ അവരുടെ ചുണ്ടിൽ മായാത്തൊരു പുഞ്ചിരി തെളിഞ്ഞു കാണാം.. മാളു പെട്ടന്ന് നോട്ടം മാറ്റി ചിന്നുവിന്റെ അടുത്തുള്ള കസേര വലിച്ചിട്ട് ആരെയും നോക്കാതെ ഇരുന്നു.. വിനോദിന്റെ കവിൾ ഒന്നുകൂടി വീർത്തു ഇന്നാ ഉണ്ണി കഴിക്ക്... ദേവിക ദോശ സാമ്പാറിൽ മുക്കി അവന്റെ വായ്ക്കടുത്തേക്ക് കാണിച്ചു. എനിക്ക് വേണ്ടാ... ദേഷ്യത്തോടെ പറഞ്ഞുകൊണ്ട് അവൻ അവിടെനിന്നും ചാടി എഴുന്നേറ്റു.. മാളു പകപ്പോടെ അവനെ നോക്കി.. അവന്റെ നോട്ടവും അവളിൽ തന്നെ ആയിരുന്നു. ദേവിക പെട്ടന്ന് എഴുന്നേറ്റു... എന്താ ഉണ്ണി... അമ്മേടെ കുട്ടിക്ക് എന്താ ഭക്ഷണം വേണ്ടാത്തെ.. വന്ന് കഴിക്ക് മോനെ അമ്മ വാരിത്തരാം.. അവർ സ്നേഹത്തോടെ പറഞ്ഞു എനിക്ക്.. എനി.. ക്ക്‌ വേണ്ട.. അവൻ കണ്ണ് നിറച്ച് ചുണ്ട് വിതുമ്പിക്കൊണ്ട് മാളുവിനെ നോക്കിയാണ് അതുപറഞ്ഞത് അവന്റെ നിറഞ്ഞ കണ്ണുകൾ കാണേ മാളുവിന്റെ കണ്ണുകളും നിറഞ്ഞു. എന്താ അമ്മേടെ കുട്ടിക്ക് പറ്റിയെ.. കുറച്ചെങ്കിലും കഴിക്ക്.. ദേവിക വീണ്ടും പറഞ്ഞു എനിക്ക് വേണ്ടെന്ന് പറഞ്ഞില്ലേ... ഉണ്ണിക്ക് വേണ്ട.. ഉണ്ണി കഴിക്കില്ല... അവൻ അത്രയും പറഞ്ഞുകൊണ്ട് റൂമിലേക്ക് നടക്കാനൊരുങ്ങി.. ചിന്നുവും ദേവികയും സുമതിയും അവന് എന്തുപറ്റി എന്നറിയാതെ പകച്ചു നിൽക്കുകയാണ്. മാളു പെട്ടന്ന് അവന്റെ അടുത്തേക്ക് ഓടി.. അവൾ അവന്റെ കയ്യിൽ പിടിച്ചു. അവൻ തിരിഞ്ഞുനോക്കാതെ തന്നെ അങ്ങനെ നിന്നു. ഉണ്ണിയേട്ടാ... അവൾ സ്നേഹത്തോടെ അവനെ വിളിച്ചു.. അവന്റെ കണ്ണ് നിറഞ്ഞിരുന്നു.. അവൻ ഒന്നും മിണ്ടിയില്ല ഉണ്ണിയേട്ടൻ ഗായൂനോട് പിണക്കത്തിലാണോ.. ഇനി മിണ്ടില്ലേ? എന്നോടുള്ള ദേഷ്യത്തിനാണോ ഉണ്ണിയേട്ടൻ ആഹാരം കഴിക്കാത്തത്... അവൾ ചോദിച്ചു.. വിനോദിന്റെ ചുണ്ട് വിതുമ്പി ഉണ്ണിയേട്ടൻ... ഉണ്ണി... യേട്ടൻ... ഗായൂനോട്... ഇനി.. മിണ്ടി... മിണ്ടില്ലേ.. അവളുടെ ശബ്ദത്തിന് പെട്ടന്ന് ഇടർച്ച വന്നു.. അവൻ പെട്ടന്ന് തിരിഞ്ഞ് നിന്നുകൊണ്ട് ഞൊടിയിടയിൽ അവളെ അവന്റെ നെഞ്ചിലേക്കിട്ട് കെട്ടിപ്പിടിച്ച് വരിഞ്ഞുമുറുക്കി.. മാളു ഞെട്ടിപ്പോയി ചിന്നുവിന്റെയും ദേവികയുടെയും സുമതിയുടെയും കണ്ണുകൾ ഇപ്പോൾ പുറത്തുവരും എന്ന അവസ്ഥയിലാണ്.. അവർ മൂന്നാളും അവരെ തന്നെ മിഴിച്ചു നോക്കി ഉണ്ണി... ഉണ്ണിയേട്ടാ... അവൾ അവന്റെ തോളിൽ തലോടിക്കൊണ്ട് മെല്ലെ വിളിച്ചു മ്മ്.. അവൻ മൂളി എന്തേ... അവളുടെ ശബ്ദം പതിഞ്ഞുപോയി ഗായൂനോട് എനിക്ക് ഒരു പിണക്കോം ഇല്ല.. ഗായു എന്നോടല്ലേ പിണങ്ങിയെ... അതോണ്ടല്ലേ എന്റെ അടുത്ത് ഇരിക്കാതിരുന്നേ .. അവൻ അവളെ കെട്ടിപ്പിടിച്ചുകൊണ്ട് തന്നെ കണ്ണുകൾ അവളുടെ തോളിൽ തുടച്ച് പരിഭവത്തോടെ അവളോട് ചോദിച്ചു. മാളുവിന്റെ ചൊടിയിൽ പുഞ്ചിരി വിരിഞ്ഞു എനിക്ക് പിണക്കൊ.. എന്റെ ഉണ്ണിയേട്ടനോടോ... ഇല്ലല്ലോ... ആരാ പറഞ്ഞെ ഞാൻ എന്റെ ഉണ്ണിയേട്ടനോട് പിണങ്ങിയെന്ന്.. അവൾ ചിരിയോടെ ചോദിച്ചു അവൻ പെട്ടന്ന് അവളിൽ നിന്നകന്നു നിന്നു അപ്പൊ ഗായൂന് എന്നോട് പിണക്കം ഇല്ലെങ്കിൽ പിന്നെന്തിനാ നേരത്തെ എന്റെ അടുത്തുനിന്ന് ഓടിപ്പോയെ.. അവൻ നെറ്റിച്ചുളിച്ച് ചോദിച്ചു അത്.. അത് ഉണ്ണിയേട്ടൻ അവരുടെ മുന്നിന്ന് അങ്ങനെ ചെയ്തിട്ടല്ലേ.. മാളു ചുവന്ന മുഖത്തോടെ തല താഴ്ത്തി. വിനോദ് ചിരിച്ചു അവൻ അവളുടെ മുഖം പിടിച്ചുയർത്തി.. അവൾ എന്താ എന്നപോലെ അവനെ നോക്കി ഗായു എന്റെയല്ലേ... എന്റെ സ്വന്തം.. അപ്പൊ എനിക്ക് എന്ത് വേണമെങ്കിലും ചെയ്യാലോ... എന്റെയല്ലേ... ഗായു തന്നെ അല്ലെ അങ്ങനെ പറഞ്ഞത്... ഗായു എന്റെയാണെന്ന്.. അപ്പൊ ഉണ്ണിയേട്ടന് ഗായൂനോട് ഇഷ്ടം ഉള്ളതുകൊണ്ടല്ലേ ഉമ്മതന്നത്.. അവൻ ചോദിച്ചു ഇഷ്ടം കൊണ്ടാ... അവൾ കുറുമ്പോടെ ചോദിച്ചു അതേ ഇഷ്ടം കൊണ്ടാ.. എനിക്ക് ഗായൂനെ ഒത്തിരി ഇഷ്ടാ.. അവൻ ചിരിയോടെ പറഞ്ഞു.. അവളുടെ മുഖം ചുവന്നുതുടുത്തു എനിക്കും ഉണ്ണിയേട്ടനെ ഒത്തിരി ഇഷ്ടാ... അവൾ നാണത്തോടെ പറഞ്ഞു ആണോ.. അവന്റെ മുഖം വിടർന്നു മ്മ്.. അവൾ മൂളി എന്ന ഇഷ്ടം ഉണ്ടെങ്കിൽ ഗായു ഉണ്ണിയേട്ടനും തായോ ഉമ്മ.. അവൻ വിടർന്ന കണ്ണോടെ പറഞ്ഞു മാളുവിന്റെ കണ്ണ് മിഴിഞ്ഞു.. അവൾ അവനെ മിഴിച്ചു നോക്കി അവനിൽ കുസൃതിചിരി... മാളു വിയർത്തുപോയി തുടരും 💘 #📔 കഥ #💞 പ്രണയകഥകൾ #📙 നോവൽ