சிந்தனை.* ( 10.05.2026).. ……………………………………………........ *'’உங்களை நம்புங்கள் ''* ....................................................... எல்லாவற்றுக்கும் அடிப்படை தன்னை நம்புவது ஆகும்.ஒரு வாகனத்தை, ஒரு இரயில் வண்டியை ஏதோ ஒரு இயந்திர சக்தி உந்தித் தள்ளி விடுகிறதல்லவா. அது போல மனித சக்தி நம்மில் நிறைந்திருந்து இருந்தால் தான் அது முன்னேற்றப் பாதையை நோக்கி நம்மை உந்திச் செல்லும்.. சிறிதளவேனும் தன் மீது நம்பிக்கை இல்லாதவர்கள் யாருமே இருக்க முடியாது. இயற்கையிலே நாம் நம் மீது நம்பிக்கை கொண்டவர்களாகவே இருக்கிறோம். பிச்சைக்காரன் கூட நான் பிச்சை எடுத்தால் இவ்வளவு சம்பாதிப்பேன் என்ற தன் மீதுள்ள நம்பிக்கையில் தான். எனவே எல்லாவற்றுக்கும் அடிப்படை தன்னை நம்புவது ஆகும். அது போல தன்னம்பிக்கை என்னும் மனித சக்தி நம்மில் நிறைந்து இருந்தால் தான் அது முன்னேற்றப் பாதையை நோக்கி நம்மை உந்திச் செல்லும். அது போதுமான அளவு சிலருக்கு இருப்பதில்லை. அதை வளர்த்துக் கொள்வதே நம் வளச்சிக்கான சரியான வழியாகும். சிறிதளவே நம்பிக்கையை வைத்துக் கொண்டு செயலில் இறங்கினால் இறுதியில் சோர்ந்து, துவண்டு போய் விடுவோம். முழுவதுமாக நிரம்பப் பெற்ற நம்பிக்கையே வெற்றியின் உச்சியில் நம்மைக் கொண்டு செல்லும். சிலர் தாம் தவற விட்ட சில இலக்குகளை நினைத்தே வருந்திக் கொண்டு இருப்பார்கள். எப்போதும் செய்ய முடியாமல் போனதை நினைத்ததை வருந்துவதை விடவும், சில நேரங்களில் நாம் சிறப்பாக செய்து முடித்ததையும் அதற்கு நமக்குக் கிடைத்த அங்கீகாரத்தை நினைத்துப் பெருமை கொள்கிற உற்சாக தருணங்களை நாம் உருவாக்கிக் கொள்ள வேண்டும். நம் உச்சம் என்ன, நம் உயரம் என்ன என்பதை நமக்கே அது புலப்படுத்தும் நொடிகளாக அது அமையும். பிறருக்கான மனிதராக நீங்கள் இருப்பது உங்களை நீங்களே வீணடித்துக் கொள்வதற்குச் சமம்.. *ஆம்.,நண்பர்களே..,* தன் உயரம் யாருக்குப் புரியவில்லையோ, அவரே மற்றவரை உயர்வானவராக, தன்னை விட சிறந்தவராக நினைத்துக் கொள்வார். இந்த எண்ணத்திற்க்கு பதிலாக நீங்கள் உயர்வாக நினைக்கிற அனைவருக்கும் எந்த வகையிலும் நீங்களும் சளைத்தவரில்லை என்ற எண்ணத்தை விதைத்துப் பாருங்களேன்!! எப்போது இந்த பொதுவுடைமை மனநிலை வருகிறதோ, அப்போது உங்களின் உச்சம் உங்களுக்குப் புரியும்... உங்கள் வெற்றிகளும் விரியும். (ஆக்கம் உடுமலை சு.தண்டபாணி...)💐💐💐🙏🏻🌹🌹🌹* #😍குட்டி கதை📜 #💪ஊக்குவிக்கும் கதைகள் #⏱ஒரு நிமிட கதை📜 #👪 cute family members 👪 #உற்சாக பானம்