ചിത്രത്തിൽ കാണുന്ന നീണ്ട ക്യൂകൾ പോളിങ്ങ് ബൂത്തിൽ നിന്നല്ല...തങ്ങളുടെ പേര് സംഘ തെരഞ്ഞെടുപ്പ് കമ്മീഷൻ വെട്ടിക്കളഞ്ഞത് വീണ്ടും ചേർക്കാൻ വേണ്ടി ബംഗാളിൽ വിവിധ ഇടങ്ങളിൽ ദശലക്ഷങ്ങൾ വളഞ്ഞു പിരിഞ്ഞ ക്യൂകളുടെ ഭാഗമായിരിക്കയാണ്... അതും എൽപിജി ഇല്ലാതെ ആളുകൾ നെട്ടോട്ടം ഓടുന്ന സമയത്ത് വീട്ടമ്മമാർ സകലതും മാറ്റി വെച്ച് ക്യൂ നിൽക്കുകയാണ്... സ്വയം വഞ്ചിക്കപ്പെടാൻ പോവുകയാണ് എന്ന യാഥാർത്ഥ്യം ഉൾക്കൊള്ളാൻകഴിയാതെ... ഫാസിസം എത്ര കണ്ട് മനുഷ്യത്വ രഹിതമാണെന്ന് നോക്കൂ... ഏപ്രിൽ 23, 29 തീയതികളിൽ നടക്കാനിരിക്കുന്ന നിയമസഭാ തെരഞ്ഞെടുപ്പിന് മൂന്നാഴ്ച മാത്രം ശേഷിക്കെ പശ്ചിമ ബംഗാൾ കടുത്ത തെരഞ്ഞെടുപ്പ് പ്രതിതിസന്ധിയിലാണ്. സ്പെഷ്യൽ ഇന്റൻസീവ് റിവിഷൻ (SIR) പ്രക്രിയയിൽ 20 ലക്ഷത്തിലധികം വോട്ടർമാരുടെ പേര് വോട്ടർ പട്ടികയിൽ നിന്ന് നീക്കം ചെയ്യപ്പെട്ടു. ആകെ 60 ലക്ഷത്തിലധികം ആക്ഷേപങ്ങൾ സമർപ്പിക്കപ്പെട്ടു എന്നത് പ്രതിസന്ധിയുടെ ആഴം വ്യക്തമാക്കുന്നു. പേര് തിരികെ ചേർക്കണമെന്ന് ആവശ്യപ്പെട്ട് ദശലക്ഷക്കണക്കിന് ആളുകൾ ട്രൈബ്യൂണൽ കേന്ദ്രങ്ങൾക്ക് മുന്നിൽ തിക്കിത്തിരക്കുകയാണ്. വടക്കൻ 24 പരഗനാസിലെ ബസിർഹാട്ടിൽ ഒരേ ബൂത്തിൽ നിന്ന് മാത്രം ഏകദേശം 700 പേരുടെ പേര് തെറ്റായി നീക്കം ചെയ്തതിൽ പ്രതിഷേധം ആളിക്കത്തി. രോഷാകുലരായ ജനങ്ങൾ റോഡ് തടഞ്ഞും ടയർ കത്തിച്ചും പ്രതിഷേധം അറിയിച്ചു. പൂർബ ബർദ്ധമാൻ ജില്ലയിലെ കട്വ, ബരാസാത്ത് എന്നിവിടങ്ങളിലും സ്ഥിതി സമാനമാണ്. മാൾഡ ജില്ലയിൽ ഏഴ് ജുഡീഷ്യൽ ഉദ്യോഗസ്ഥരെ പ്രദേശവാസികൾ ബന്ദിയാക്കിയതോടെ സ്ഥിതി കൂടുതൽ ഗുരുതരമായി. ചീഫ് ജസ്റ്റിസ് സൂര്യകാന്ത് അധ്യക്ഷനായ സുപ്രീം കോടതി ഈ സംഭവത്തെ "സുചിന്തിതവും ആസൂത്രിതവും ആഴത്തിൽ പ്രേരിപ്പിക്കപ്പെട്ടതുമായ നടപടി" എന്ന് വിശേഷിപ്പിക്കുകയും കേസ് അന്വേഷണം NIA യ്ക്ക് കൈമാറാൻ ഉത്തരവിടുകയും ചെയ്തു. ഇവിടെ ഒരു നിർണായക ചോദ്യം ഉയരുന്നു. 60 ലക്ഷത്തിലധികം ആക്ഷേപങ്ങളിൽ 59.15 ലക്ഷവും പരിഹരിച്ചു എന്ന് ഔദ്യോഗിക കണക്കുകൾ പറയുന്നു. എന്നാൽ അങ്ങനെയെങ്കിൽ പിന്നെ എന്തുകൊണ്ട് ഇപ്പോഴും ദശലക്ഷക്കണക്കിന് ആളുകൾ ട്രൈബ്യൂണലുകൾക്ക് മുന്നിൽ ക്യൂ നിൽക്കുന്നു? യഥാർത്ഥത്തിൽ ഒരു ആക്ഷേപം "പരിഹരിച്ചു" എന്നതിനർത്ഥം വോട്ടറുടെ പേര് തിരികെ ചേർത്തു എന്നല്ല. ആക്ഷേപം തള്ളിക്കളഞ്ഞോ, സാങ്കേതിക കാരണങ്ങൾ പറഞ്ഞ് നിരസിച്ചോ, അല്ലെങ്കിൽ പേര് തിരികെ നൽകാതെ ഫയൽ അടച്ചാലും ഔദ്യോഗിക ഭാഷയിൽ അത് "പരിഹരിച്ചു" എന്നാണ് രേഖപ്പെടുത്തുക. ഈ സാങ്കേതിക കണക്കുകൾ അവതരിപ്പിച്ച് പ്രതിസന്ധി അവസാനഘട്ടത്തിലാണെന്ന് തോന്നിപ്പിക്കാൻ ശ്രമിക്കുകയാണ്. എന്നാൽ നേരിട്ടുള്ള യാഥാർത്ഥ്യം അതല്ല. മുൻ ജഡ്ജിമാർ നേതൃത്വം നൽകുന്ന 19 അപ്പലേറ്റ് ട്രൈബ്യൂണലുകൾ അപ്പീൽ പരിഗണിക്കുന്നത് തുടരും. വിജയകരമായ അപ്പീലുകൾ ഏപ്രിൽ 18ന് പ്രസിദ്ധീകരിക്കുന്ന അനുബന്ധ വോട്ടർ പട്ടികയിൽ ഉൾപ്പെടും. എന്നാൽ ദശലക്ഷക്കണക്കിന് വോട്ടർമാർ ഇതിനകം വോട്ടവകാശം നഷ്ടപ്പെട്ട അവസ്ഥയിലാണ് എന്നതാണ് ഏറ്റവും ഗൗരവമേറിയ യാഥാർത്ഥ്യം. സംഘഫാസിസ്റ്റ് ഭരണകൂടവും ഗോദി മാധ്യമങ്ങളും കാക്കിക്കളസങ്ങൾ അണിയുന്ന കോടതികളും ഒത്തു ചേർന്ന് ഐതിഹാസിക ചരിത്രമുള്ള വംഗനാട്ടിൽ അധിനിവേശം നടത്തുകയാണ്... ഫാസിസം അങ്ങേയറ്റം മനുഷ്യത്വ രഹിതമാണ്... ഇന്ന് അവർ ബംഗാൾ പിടിച്ചാൽ നാളെ അവർ കേരളമടക്കം സകലതും അവരുടെ ഭീകര ഭരണത്തിൻ കീഴിൽ അമരുന്നത് നാം കാണേണ്ടി വരും.... ഫാസിസത്തിനെതിരെ ഐക്യപ്പെടുക.... ഒരു നീണ്ട കാല പോരാട്ടം തന്നെ വേണ്ടി വന്നേക്കാം...... എങ്കിലും അന്തിമ വിജയം ജനാധിപത്യ വിശ്വാസികളുടേതാവണം... #🗳️ രാഷ്ട്രീയം #🔶 BJP #🔵 യുഡിഎഫ് #🔴 എൽഡിഎഫ് #🙏 രാഹുൽ ഗാന്ധി