#🙏श्री गुरुदेव दत्त💐 #🙏भक्ती सुविचार📝 #🙏श्री स्वामी समर्थ📿 #🙏प्रेरणादायक / सुविचार #🙏 प्रेरणादायक बॅनर कुठं असतं का स्वामी देवा ?* चौऱ्याऐंशी लक्ष योनीनंतर जन्म दिलास माणसाचा.. हाच एक जन्म जिथून मार्ग खुला मोक्षाचा.. दिलंस एक मन त्यात अनेक विचारांचा वावर.. आणि म्हणता आता या विचारांना आवर.. दिलेत दोन डोळे सौंदर्य सृष्टीचे बघायला.. मग म्हणता मिटून घे आणि बघ तुझ्यातल्या स्वतःला.. नानाविध चवी घेण्यास दिलीस एक रसना.. आणि वरुन म्हणता अन्नावर ठेवू नकोस वासना.. जन्मापासून नात्यांच्या बंधनात अडकवता.. आणि बंध सगळे खोटे असतात असंही म्हणता.. भाव आणि भावनांचा इतका वाढवता गुंता.. आणि मग सांगताय की व्यर्थ आहे ही चिंता.. संसाराच्या रगड्यात पुरता अडकवून टाकता.. म्हणे शांतपणे ध्यान कर आता मेजवानीने भरलेले ताट समोर बघून उपास करायचा.. हाच अर्थ का हो सांगा बरं मोक्षाचा ?.. वर बसून छान पैकी आमची बघा मजा.. पाप आणि पुण्याची मांडा बेरीज आणि वजा.. माहीत नाही स्वामी मला मिळेल की नाही मोक्ष.. तूम्ही जवळ असल्याची फक्त पटवून देत जा साक्ष... पटवून देत जा साक्ष..... पटवून देत जा साक्ष... *🚩श्री स्वामी समर्थ 🚩*