രാജ്യത്തിന്റെ പല ഭാഗങ്ങളിലും എൽപിജി ക്ഷാമവും പമ്പുകളിൽ പെട്രോൾ – ഡീസൽ ക്ഷാമവും നേരിടുമ്പോഴും ഇന്ധന ക്ഷാമമില്ലെന്ന നിലപാടിലാണ് പെട്രോളിയം മന്ത്രാലയവും പൊതുമേഖലാ എണ്ണവിതരണ കമ്പനികളും. എന്നാൽ രാജസ്ഥാൻ ഉൾപ്പെടെ പല സംസ്ഥാനങ്ങളിലും പെട്രോൾ– ഡീസൽ ക്ഷാമം റിപ്പോർട്ട് ചെയ്തിട്ടുണ്ട്. യുപി മുഖ്യമന്ത്രി ആദിത്യനാഥിന്റെ മണ്ഡലമായ ഗോരഖ്‌പുരിൽ എൽപിജി സിലിണ്ടറുകൾക്കായുള്ള ജനങ്ങളുടെ കാത്തിരിപ്പിന്റെ വാർത്തകൾ പുറത്തുവന്നിട്ടുണ്ട്. രാത്രിയിലടക്കം സിലിണ്ടറുകളുമായി ജനങ്ങൾ റോഡിൽ കാത്തിരിക്കുന്നതിന്റെ വീഡിയോ ദൃശ്യങ്ങൾ വ്യാപകമായി പ്രചരിക്കപ്പെട്ടു. ദിവസങ്ങളോളം വരിനിന്നിട്ടും സിലിണ്ടർ കിട്ടാത്ത സ്ഥിതിയാണെന്ന്‌ ജനങ്ങൾ പറയുന്നു. 45 ഡിഗ്രി വരെയെത്തിയ കൊടുംചൂടിലാണ്‌ റോഡിൽ സിലിണ്ടറിനായുള്ള ജനങ്ങളുടെ മണിക്കൂറുകൾ നീളുന്ന കാത്തിരിപ്പ്‌. എന്നിട്ടും ഇക്കാര്യത്തിൽ കേന്ദ്ര സർക്കാർ ഒളിച്ചുകളി തുടരുകയാണ്. #🆕 ലേറ്റസ്റ്റ് അപ്ഡേറ്റ്