*_జీవితంలో మనం తరచుగా ఒక పెద్ద అపోహలో పడిపోతుంటాం. అది ఏమిటంటే... ఇల్లు ఉంటేనే జీవితం గొప్పది, కారు ఉంటేనే స్థాయి పెరిగింది, డబ్బు ఉంటేనే సంతోషం వస్తుంది అని._*
*_మనిషికి ఇల్లు, కారు, డబ్బు ఉన్నంత మాత్రాన గొప్పగా జీవిస్తున్నట్లు కాదు._*
*_అవును... బయటకు కనిపించే ఆడంబరాలు జీవితం యొక్క అసలు అర్థం కావు._*
*_బయట ప్రపంచం మన స్థాయిని మన వస్తువులతో కొలుస్తుంది._*
*_కానీ జీవితం మన అంతరంగాన్ని, మన ప్రశాంతతను, మన మనసును కొలుస్తుంది._*
*_వాస్తవానికి మన దగ్గర ఏం ఉన్నాయన్నది ముఖ్యం కాదు...ఏం ఉండకూడదో అది ముఖ్యం._*
*_ఇంతకీ మన దగ్గర ఉండకూడనివి ఏమిటి...?_*
*_మొదటిగా...అనారోగ్యం ఉండకూడదు._*
*_ఎంత డబ్బు ఉన్నా ఆరోగ్యం లేకపోతే ఆ డబ్బు విలువ ఏమిటి...?_*
*_పెద్ద ఇల్లు ఉన్నా అందులో ప్రశాంతంగా నిద్రపోలేకపోతే ఆ ఇల్లు ఎందుకు...?_*
*_అందుకే చెబుతారు ఆరోగ్యమే మహాభాగ్యం._*
*_రెండవది... అప్పులు ఉండకూడదు._*
*_అప్పుల భారంతో జీవితం నడిపే ప్రతి మనిషి లోపల ఎంతో బాధను మోస్తుంటాడు._*
*_బయట నవ్వుతాడు... కానీ లోపల నిశ్శబ్దంగా కృంగిపోతుంటాడు._*
*_అందుకే మనం సంపాదించేది మన అవసరాలకు సరిపడా ఉండాలి,మన కోరికలకు బానిస కాకూడదు._*
*_మూడవది...ఇగోలు ఉండకూడదు._*
*_మనిషిని పాడు చేసేది బయట శత్రువు కాదు...లోపల ఉన్న అహంకారమే._*
*_ఇగో ఉన్న చోట ప్రేమ ఉండదు._*
*_ఇగో ఉన్న చోట సంబంధాలు నిలవవు._*
*_ఇగో ఉన్న చోట సంతోషం నిలబడదు._*
*_ఎంత ఎత్తుకు ఎదిగినా...మనసులో వినయం ఉండాలి._*
*_నాలుగవది...అత్యాశ ఉండకూడదు._*
*_అత్యాశ మనిషిని ఎన్నడూ తృప్తిపడనివ్వదు._*
*_ఒకటి వస్తే ఇంకొకటి కావాలి, అది వస్తే మరొకటి కావాలి._*
*_అలా జీవితం అంతా పరుగెత్తుతూనే గడిచిపోతుంది._*
*_మిత్రమా..._*
*_మంచి జీవితం అనేది పొందడమో కాదు..._*
*_గెలవడమో కాదు..._*
*_తీసుకోవడమో కాదు..._*
*_మంచి జీవితం అనేది కొన్నిటిని వదులుకోవడంలో ఉంటుంది.కొన్ని పంచుకోవడంలో ఉంటుంది._*
*_వదులుకోవడం అంటే ఓడిపోవడం కాదు.కొన్ని సార్లు వదిలేయడం వల్లే మనసుకు శాంతి లభిస్తుంది._*
*_మన కోపాన్ని వదులుకోవాలి.మన అహంకారాన్ని వదులుకోవాలి.మన అత్యాశను వదులుకోవాలి._*
*_పంచుకోవడం అంటే కేవలం డబ్బు కాదు..._*
*_ఒక మంచి మాట పంచండి._*
*_ఒక చిరునవ్వు పంచండి._*
*_ఒక సాయం పంచండి._*
*_ఒక ప్రేమ పంచండి._*
*_మీ వల్ల ఇంకొకరి జీవితం వెలిగితే...అదే నిజమైన విజయం._*
*_జీవితం అంటే ఎంత సంపాదించామన్నది కాదు...ఎంతమందికి తోడుగా నిలిచామన్నది._*
*_మన పేరు మన ఇల్లు వల్ల కాదు...మన హృదయం వల్ల నిలుస్తుంది._*
*_అందుకే ఈ రోజు నుంచే ఒక నిర్ణయం తీసుకుందాం!_*
*_డబ్బు కోసం పరిగెత్తాలి... కానీ ఆరోగ్యాన్ని కోల్పోకుండా._*
*_స్థాయి కోసం కష్టపడాలి... కానీ మనసును కోల్పోకుండా._*
*_ఎత్తుకు ఎదగాలి...కానీ మనుషులను మర్చిపోకుండా._*
*_మిత్రమా....చివరిగా ఒక మాట..._*
*_సంపదతో గొప్పవారు చాలా మంది ఉంటారు...కానీ మనసుతో గొప్పవారు చాలా అరుదు._*
*_మన దగ్గర ఏముంది అన్నదానికంటే...మనలో ఏముంది అన్నదే జీవితాన్ని గొప్పదిగా మారుస్తుంది.☝️*
🙏🙏🙏🙏🙏🙏🙏
#💗నా మనస్సు లోని మాట #🙆 Feel Good Status #😃మంచి మాటలు #🗣️జీవిత సత్యం #తెలుసుకుందాం
