കവിത. ആരാരോ *********** ആരോരുമില്ലാത്തവനിന്നാശിക്കാനേറെ ആരോരും കേൾക്കാതെ പോകുവതുമേറെ ആരോ ചുരുട്ടിയ താളിലായ് തേങ്ങുന്നു ആരോടുമുരിയാതെ, യാർത്തിരമ്പാതെ ആരിലോ നട്ടൊരാ വിതകൾ കരിയവേ ആരാരോ മനസ്സിൽ മൂകമായട്ടഹസിച്ചു ആരോയേകിയ മുത്തുകൾ കൊരുക്കവേ ആരെന്നറിയാത്തവർ നൂലറുത്താർത്തു ആരാരുമവനിയെ പകുത്തതില്ലെന്നിട്ടും ആരാർക്കു ദെണ്ണമീ മേഘ കറുപ്പിനലയിൽ ആരോരുമില്ലാത്തവനിന്നാശിക്കാനേറെ ആരോരും കേൾക്കാതെ പോകുവതുമേറെ ആരെയോ നോക്കി ചിരിക്കുന്ന പിതൃക്കൾ ആരെയെന്നറിഞ്ഞിട്ടും അഴലിനന്ത്യമില്ല ആരിലും പതിക്കാതെയെഴുതാൻ കൊതി ആരാലും കാണാതെ വഴി നടക്കാൻ കൊതി ആരിലുമൊളിക്കാതെ വാഴാനിനിയും കൊതി ആരോരുമല്ലാത്തൊരാളെ കാണാൻ കൊതി ആരോർക്കും വേണ്ടാത്തൊരാരാവാൻ കൊതി ആരോരുമറിയാതെയാരിലായുറങ്ങാൻ കൊതി ആരോരുമില്ലാതെയാഴി പരപ്പിലലിയാൻ കൊതി ആരാരോ പെരുക്കും തുടികളിലറാൻ കൊതി ആരിലുമിറ്റാതെയശ്രുവിൽ മുങ്ങാൻ കൊതി ആരിലെ ഹൃത്തിലായ് ഞാൻ കൂടു വെക്കും ആരാരോയെന്നെയണക്കാൻ കൊതിപ്പതില്ലേ ആരോ പാർത്തുവോ കരങ്ങൾ നീട്ടിയോ ആരോരുമില്ലാത്തവനിന്നാശിക്കാനേറെ ആരാരോ വന്നിടുമ്പോളറിയരുതാരിതെന്ന് ആരാലും കാണാതളിഞ്ഞൊരു ഗന്ധമെന്ന് ആരോരുമില്ലാത്തവനിന്നാശകളൊന്നുമില്ല ആരോരും കേൾക്കാത്ത പരിഭവമൊട്ടുമില്ല ആരോരുമില്ലാത്തവനടിഞ്ഞിടുമൊരു നാളിൽ ആർക്കും വേണ്ടാത്തൊരായവനിയിൽ ആരാലും കാണാത്ത വെറുമൊരു ഹാസമായ്. false. #🖋 എൻ്റെ കവിതകൾ🧾 #🙋‍♀️ എൻ്റെ സ്റ്റാറ്റസുകൾ #💑 സ്നേഹം #😥 വിരഹം കവിതകൾ ##ആരാരോ