गावकीची कामे सोडा आयु. चोखोबा खंडागळे. वय ८० वर्षे. मु. सिरसगाव, ता. नेवासा, जि. अहमदनगर. यांनी बाबासाहेबांच्या आठवणी सांगितल्या त्यावेळी त्यांचे हृदय भरून आले. डोळे आसवांनी भिजून गेले. चितळी येथील सभेसमोर बाबासाहेब म्हणाले, 'अन्याय, अत्याचाराचा प्रतिकार करा. भिऊ नका. गावकीची कामे सोडा. स्वाभिमानी बना.' त्यानंतर औरंगाबादला सभा झाली, तेथे बाबासाहेब म्हणाले, 'मुस्लिम होऊ नका. रक्ताला डाग लावू नका. औरंगाबाद सुवर्णभूमी करीन.' हे सारं सांगताना चोखोबा खंडागळे बाबासाहेबांच्या आठवणींनी रडत होते. युगप्रवर्तकास पाहिल्याचा आनंद त्यांच्या चेहऱ्यावर दिसत होता. बाबासाहेचांच्या महापरिनिर्वाणाची बातमी खेड्यापाड्यात पसरली. सारे लोक रडत होते. बाया-माणसं-मुले रडत होती. चोखोबा खंडागळे ते दुःख अजून विसरले नाहीत. ते म्हणाले, 'आम्ही सेंदूरवादा येथे रहात होतो. विहिरीचे काम करीत होतो. बाबासाहेब मरण पावल्याची बातमी मालकांनी सांगितली, तेव्हा हातातील टिकाव, खोरं, पहार, घमेलं फेकून दिले नि मालकाकडून पैसे मागितले. मुंबईची वाट धरली. आम्ही सातजणांपैकी पाचजण मुंबईला गेलो, बाबांचे दर्शन घेतले.' ते सारं रडतच सांगत होते... संदेश तुपसुंदरे कार्यसंपादक मुक्तीदाता विशेषांक संदर्भ डॉ बाबासाहेब आंबेडकरांच्या आठवणी #🙏 प्रेरणादायक बॅनर #bhimsenik #💙 भीमसैनिक 💙 #💪बुद्धांची तत्वे📜 #🙂Positive Thought