சிவாஜி மெச்சிய ‘குலமகள் ராதை’ பாடல்கள்! அன்றைய பிரபல ஸ்பைடர் பனியன் கம்பெனி, ஸ்பைடர் பிகம்ஸ் என்ற நிறுவனத்தின் வாயிலாக எடுத்த ஒரே படம், ‘குலமகள் ராதை’. சில ஆண்டுகள் தயாரிப்பில் இருந்த படம். எழுத்தாளர் அகிலனின் ‘வாழ்வு எங்கே’ என்ற நாவலின் அடிப்படையில் ஏ.பி.நாகராஜன் கதை, வசனம் எழுதி இயக்கிய படம். ஏற்கனவே அகிலனின் ‘பாவை விளக்கு’ நாவலை திரைப்படமாக எடுத்து, ஏ.பி.என். தோல்வி அடைந்திருந்தார். அதன் தொடர்ச்சியாக, ‘குலமகள் ராதை’ வந்தது. இதுவும் தோல்வி அடைந்தது. இதற்கு தன்னுடைய நாவல் காரணம் அல்ல, மூலக்கதைக்கு சிறிதும் சம்பந்தம் இல்லாமல் படம் எடுக்கப் பட்டுவிட்டது என்று அகிலன் கருத்துத் தெரிவித்தார்! ‘குலமகள் ராதை’ யைப் பற்றி ஒரு முறை பேசிய சிவாஜி, ‘‘இதுவும் நம்மை பயமுறுத்திய ஒரு தொடர் நாவல்தான் என்றாலும், இசை அருமை அல்லவா’’ என்று கேட்டார்! கே.வி.மகாதேவன் படத் திற்கு அளித்த வெற்றிப் பாடல்கள், சிவாஜியின் இந்தச் சரியான பாராட்டைப் பெற்றன. படத்தில், வள்ளுவர் அச்சகம் என்ற அச்சகத்தில் வேலை பார்க்கும் சந்திரனாக சிவாஜி நடித்தார். எடுத்த எடுப்பிலே அவர் பத்திரிகைத்துறையைக் குறித்து, ‘‘உலகம் இதிலே அடங்குது உண்மையும் பொய்யும் விளங்குது கலகம் வருது தீருது - அச்சுக் கலையால் நிலைமை மாறுது’’ என்று பாடுகிறார். இன்றைய காலகட்டத்தில் அச்சில் வரும் பத்திரிகைகளும் சஞ்சிகைகளும் மிதமிஞ்சிய செல்வாக்கில்லாமல் இருக்கின்றன. நாளெல்லாம் காணக்கூடிய செய்தி சேனல்களும், டுவிட்டர், பேஸ்புக் போன்ற சமூக ஊடகங்களும் அச்சு ஊடகத்தின் அத்துமீறிய செல்வாக்கைக் குறைத்து விட்டன. வாசிக்கும் பழக்கமே குறைந்துவிட்ட காலகட்டத்தில் அச்சில் வரும் பத்திரிகைகள் தொடர்ந்து வருவதே பெரிய சாதனையாக இருக்கிறது! ஆனால் 1960களில் அச்சு ஊடகம் உச்சத்தில் இருந்தது. இந்த நிலையை, ‘உலகம் இதிலே அடங்குது’ பாடல் இப்படிப் பிரதிபலித்தது: ‘‘பொய் சொன்னாலும் மெய் சொன்னாலும் வாயால் சொல்லி பலனில்லே -- அதை மெய்யிலே நனைச்சுப் பேப்பரில் அடிச்சா மறுத்துப்பேச ஆளில்லே!’’ ‘கலகல’ என்ற விறுவிறுப்பான நடை யில், அச்சு ஊடகத்தின் தன்மை களைப் பாடல் அழகாக அடுக்குகிறது. பாடலை எழுதிய கண்ண தாசன், தானே பத்திரிகைகள் நடத்திய காரணத்தால், சொந்த அனுபவத்திலிருந்து அவரால் எழுத முடிந்தது. கையில் அச்சு கோர்த்து, காலால் இயக்கப்படும் டிரெடில் இயந்திரத்தில் அச்சடிக்கும் பிரஸ்சை இன்றைய இளைஞர்கள் பார்த்திருக்கக்கூட மாட்டார்கள். யூ டியூபில் இந்தப் பாடலைக் காதாரக் கேட்கும் போது, காலாவதியாகிவிட்ட அந்தத் தொழில்நுட்பத்தைக் கண்ணாரக் காணலாம்! #😍Old மூவிஸ் #💪கெத்து ஸ்டேட்டஸ் #💝இதயத்தின் துடிப்பு நீ #🎬 சினிமா #📷நினைவுகள்