#గుర్తింపుకోసం_ఆరాటం_వద్దు కాలం చాలా విచిత్రంగా పనిచేస్తుంది సార్... మనల్ని మనమే ప్రజలకు పరిచయం చేసుకోవాలని ఎంత ఆరాటపడితే అంతగా వాళ్లు దూరంగా చూస్తారు. కానీ... ఒకరోజు నీ మాటల్లో నిజాయితీ కనిపిస్తే... నీ ప్రయాణంలో ప్రయత్నం కనిపిస్తే... నీ ఆలోచనల్లో స్వార్థం కంటే సమాజం ఎక్కువగా కనిపిస్తే... అదే ప్రజలు నీ పేరు మరిచిపోకుండా నిలబెడతారు. చరిత్రలో చూడండి సార్... అల్లూరి సీతారామరాజు తనకోసం పోస్టర్లు వేయించుకోలేదు. కొమరం భీం ఫాలోవర్ల కోసం అడవుల్లో తిరగలేదు. బొబ్బిలి పాపారాయుడు లైకుల కోసం యుద్ధం చేయలేదు. కానీ ప్రజలు ఏమి చేశారు? వాళ్లను కథలుగా మలిచారు. పాటలుగా పాడారు. చివరికి గుడులు కట్టారు. ఇప్పుడు మాత్రం కాలం మారింది. మూడు పోస్టులు వేసిన వెంటనే “Public Figure” అని పెట్టుకుంటున్నారు. నాలుగు కాపీలు కొట్టగానే “Writer | Thinker | Influencer” అని Bio మార్చేస్తున్నారు. గుర్తింపు అనేది మనమే అడిగేది కాదు సార్... ప్రజలు ఇవ్వాలనిపించినప్పుడు అది తానే వస్తుంది. అప్పుడు నీ ఫోటో పెట్టుకుని DPలు పెడతారు... నీ మాటలు కోట్స్ అవుతాయి... నీ పేరు హ్యాష్‌ట్యాగ్ అవుతుంది... నిన్ను గుర్తించాలనిపించిన ప్రజలు గుడి కట్టేదాకా వదిలిపెట్టరు. #💗నా మనస్సు లోని మాట #🗣️జీవిత సత్యం #😃మంచి మాటలు #తెలుసుకుందాం