#🍲 ഭക്ഷണപ്രേമി *🌶️ ഇന്നത്തെ പാചകം 🍳* *ഗോവൻ ഇഡലി* +------+------+-------+------+ ```പൂപോലുള്ള ഇഡ്ഡലി എന്ന് കേട്ടിട്ടില്ലേ? അത് ശരിക്കും അറിയണമെങ്കിൽ ഗോവൻ ഇഡ്ഡലി ട്രൈ ചെയ്യണം. അരിയും ഉഴുന്നു തേങ്ങാപ്പാലും കൊണ്ട് തയ്യാറാക്കുന്ന ഒരു റൈസ് കേക്കാണിത്. സാമ്പാർ അല്ലെങ്കിൽ ചിക്കൻ കറിക്കൊപ്പമാണ് ഇത് കഴിക്കാറുള്ളത്. ഗോവയിലും മാംഗളൂരിലെ ചില ഇടങ്ങളിലുമാണ് സാധാരണ ഈ വിഭവം കണ്ടുവരാറുള്ളത്. വായിൽ വച്ചാൽ അലിഞ്ഞു പോകും എന്നു തോന്നും വിധം സോഫ്റ്റാണ്. സാധാരണ ഇഡ്ഡലി മാവിൽ നിന്നും വ്യത്യാസ്തമായി യീസ്റ്റ് ഉപയോഗിച്ചാണ് മാവ് പുളിപ്പിക്കുന്നത്. തേങ്ങാപ്പാലാണ് ഇഡ്ഡലി സോഫ്റ്റാകാൻ സഹായിക്കുന്നത്. ബ്രേക്ക്ഫാസ്റ്റായോ ഡിന്നറായോ ഇത് കഴിക്കാവുന്നതാണ്. ഇനി ബ്രേക്ക്ഫാസ്റ്റ് ഒന്ന് മാറ്റി പിടിക്കണം എന്നു തോന്നിയാൽ ഈ റെസിപ്പി ട്രൈ ചെയ്യൂ.``` _______________________ *ചേരുവകൾ* _____________________ _പച്ചരി- 2 കപ്പ്_ _പഞ്ചസാര- 3 ടീസ്പൂൺ_ _ഉപ്പ്- ആവശ്യത്തിന്_ _വെള്ളം- ആവശ്യത്തിന്_ _ഉഴുന്നു പരിപ്പ്- 3/4 കപ്പ്_ _യീസ്റ്റ്- 1 ടീസ്പൂൺ_ _തേങ്ങാപ്പാൽ- 3/4 കപ്പ്` ___________________ *തയ്യാറാക്കുന്ന വിധം* ________________ ```അരിയും ഉഴുന്നും നാല് മണിക്കൂർ എങ്കിലും വെള്ളത്തിൽ കുതിർത്തു വക്കാം. ശേഷം അത് അരച്ചെടുക്കാം. അതിലേക്ക് മുക്കാൽ കപ്പ് തേങ്ങാപ്പാൽ ഒഴിക്കാം. ആവശ്യത്തിന് ഉപ്പും, രണ്ട് ടീസ്പൂൺ പഞ്ചസാരയും, ചേർത്തിളക്കി യോജിപ്പിക്കാം. ഒരു ടീസ്പൂൺ യീസ്റ്റ് ചെറുചൂടുള്ള വെള്ളത്തിൽ കലർത്തി മാവിലേക്ക് ഒഴിച്ചു മാറ്റി വക്കാം. മൂന്ന് മണിക്കൂറിനു ശേഷം മാവ് ഇളക്കിയെടുക്കാം. ഇഡ്ഡലി തട്ടിലേക്ക് ഈ മാവ് പകർന്ന് ആവിയിൽ വേവിച്ചെടുക്കാം. ഇനി ചൂടോടെ കഴിച്ചു നോക്കൂ.``` +------+------+-------+------+