ആദ്യ ഭാഗങ്ങൾ ലിങ്കിൽ ഉണ്ട് https://sharechat.com/post/ml1vAQ0V?d=n&ui=v64j8rk&e1=cമിശ്വ 31 "ആരാ അയാൾ ? വൻ സെറ്റപ്പാണല്ലോ!" ഒറ്റ നോട്ടത്തിൽത്തന്നെ തരുണിന്‌ ആ വ്യക്തി ചില്ലറക്കാരനല്ലെന്ന് ബോധ്യപ്പെട്ടിരുന്നു. "അതാണ് മിസ്റ്റർ ഹർഷൻ മൽഹാർ ചക്രവർത്തി! ആയുധക്കടത്താണ് പണി!" മൃദുല അതീവ ഗൗരവത്തിലാണത് പറഞ്ഞവസാനിപ്പിച്ചത്. "നിനക്കെങ്ങനെ അറിയാം ?" തരുണിന്റെ പുരികം ചുളിഞ്ഞു. "എന്ത് ?" "അല്ല അവന്റെ ബിസിനസ്സ് " "എന്തേ ഞാൻ പറഞ്ഞത് വിശ്വാസമായില്ലേ ?" മൃദുല അവനെ ചെറഞ്ഞ് നോക്കി. "അതുകൊണ്ടല്ല " “നമ്മൾ അവന്റെ കയ്യിൽ നിന്ന് വാങ്ങിയിട്ടുണ്ട്.” മൃദുല ചിരിച്ചു. “നീ നമ്മുടെ കളക്ഷൻ കണ്ടിട്ടില്ല അല്ലേ ? എ കെ 47 ഉണ്ട്. ഒറിജിനൽ! കമ്പനി സീൽ പൊട്ടിക്കാത്തത്.” “സത്യം പറഞ്ഞാൽ, ഈ ലോകത്തുള്ള സകല ഉഡായിപ്പുകളും ഉണ്ടല്ലേ നമുക്ക് ?” മൃദുല ദീർഘനിശ്വാസത്തോടെ നിവർന്ന് ഇരുന്നു. “ഇവൻ ആളിത്തിരി പെശകാണ്‌ മാൻ. ഞാൻ കേട്ടതാണ്‌. എത്രത്തോളം സത്യമാണെന്നറിയില്ല. ആൾക്ക് കേരളവുമായി എന്തോ ഇടപാടുണ്ട്. ഇവന്റെ ഒരുപാടു തോക്കുകൾ ബോർഡർ കടന്ന് പോകുന്നുണ്ട്.” തരുണിന്റെ കണ്ണുകൾ തുറിച്ചു. "എന്തിന് ??" "ലെറ്റസ് ഡോണ്ട് ഡിസ്കസ് ദിസ്‌. അവനെ അധികം പ്രേമിക്കണ്ട! അത്ര മാത്രം മനസ്സിലാക്കിയാൽ മതി." മൃദുല വേഗം വിഷയം മാറ്റി. "തീവ്രവാദം ?" അവൻ ചോദിച്ചതും മൃദുല അരുതെന്ന മട്ടിൽ അവന്റെ ചുണ്ടിന് കുറുകെ ചൂണ്ടു വിരൽ വെച്ചു. തരുൺ ഒന്ന് കൂടി ഹർഷനെ തിരിഞ്ഞു നോക്കി. ഒരു രാജകുമാരനെ പോലെ തോന്നിക്കുന്ന, ഏവരെയും ആകർഷിക്കുന്ന മനോഹരമായ പുഞ്ചിരിക്കുടമയായ, ആ അതിസുന്ദരനായ ഒരു ചെറുപ്പക്കാരൻ. ഇവനെപ്പറ്റിത്തന്നെയാണോ മൃദുല ഈ സംസാരിച്ചുകൊണ്ടിരിക്കുന്നത് ? "അൺബിലീവബിൾ " തരുൺ നേരെ ഇരുന്ന് കൊണ്ട് പിറുപിറുത്തു. പെട്ടെന്നാണ് ആ ബാറിലേക്ക് ഒരാൾ കയറി വന്നത്. മൃദുലയുടെ ശ്രദ്ധ മുഴുവൻ അയാളിലേക്കായി. അവൾ നിറഞ്ഞ ചിരിയോടെ എഴുന്നേറ്റ് കൈ നീട്ടി. വന്നയാൾ അവളുടെ കരം ഗ്രഹിച്ചു. "ഹായ് " "എന്താണ് സർ… കുറച്ച് കാലമായല്ലോ " മൃദുല ചിരി മായാതെ ചോദിച്ചു. "എന്ത് പറയാനാണ് മൃദുലാ... എനിക്കൊരു ഡ്രിങ്ക് വേണം." അവരുടെ സംസാരം നടക്കുന്നതിനടിയിൽ തരുൺ എഴുന്നേറ്റു. പക്ഷേ അടുത്ത നിമിഷം തന്നെ അയാൾ തരുണിനെ അവിടെ പിടിച്ചിരുത്തി. "തരുൺ അവിടെ ഇരിക്കൂ. ഐ നീഡ് ടു ടോക്ക് ടു യൂ ടൂ. എന്നല്ല, സത്യത്തിൽ തരുണിനെ കാണാനാണ്‌ ഞാൻ വന്നത് തന്നെ." തരുൺ കണ്ണ് മിഴിച്ച് കൊണ്ട് അവിടെ തന്നെ ഇരുന്നു. ഇതേതാ ഈ പുതിയ വയ്യാവേലി എന്നൊരു ഭാവമായിരുന്നു അവന്റെ മുഖത്ത്. അത് മനസ്സിലായ മൃദുല അവനു നേരെ തിരിഞ്ഞു. "തരുൺ... ഇത് മിസ്റ്റർ ശ്രുജൻ ഷെ. നമ്മുടെ ഒരു ഫാമിലി ഫ്രണ്ടാണ്. അതിലുപരി എന്റെ ക്ലാസ്സ്‌മേറ്റും. ഭീകരനാണ്." തരുൺ ചെറു ചിരിയോടെ ശ്രുജനെ നോക്കി. "ഹായ്... എന്നെ എങ്ങനെ ?" അതായിരുന്നു അവനറിയേണ്ടത്. "നമുക്ക് റൂമിലേക്ക് പോകാം. അവിടെ ഇരുന്ന് സംസാരിക്കാം." മറുപടിയെന്നോണം ശ്രുജൻ മൃദുലയോട് പറഞ്ഞു. "എന്താണ് മാൻ ? ഈ വക ഒളിച്ചുകളിയുടെ ഒന്നും ആവശ്യമില്ല എന്ന് ഞാൻ ഒരായിരം വട്ടം പറഞ്ഞിട്ടുണ്ട്. അജയ്ക്ക് എന്നോട് എന്തെങ്കിലും പറയാനുണ്ടെങ്കിൽ അയാൾക്ക്‌ ഡയറക്റ്റ് വരാം. എപ്പോ വേണമെങ്കിലും" നേരിയ ഇഷ്ടക്കേട് ഉണ്ടായിരുന്നു അവളുടെ മുഖത്ത്. "ഐ നോ... ലെറ്റസ്‌ ഗോ ടു യുവർ റൂം." മൃദുല ഒരു നിശ്വാസത്തോടെ എഴുന്നേറ്റ് തന്റെ ചൂണ്ടു വിരലൊന്ന് കറക്കി. അടുത്ത നിമിഷം, അവിടെ ചുറ്റുമുണ്ടായിരുന്ന അവളുടെ സംഘാംഗങ്ങളെല്ലാം എഴുന്നേറ്റു. മൃദുല നേരെ ലിഫ്റ്റിനരികിലേക്ക് നടന്നു. തരുണും ശ്രുജനും അവളെ അനുഗമിക്കുന്നുണ്ടായിരുന്നു. ഏറ്റവും പുറകിലായി ഏതിനും പോന്ന ആ എട്ടംഗ സംഘവും. പതിനഞ്ചു മിനിറ്റുകൾക്കുള്ളിൽ ഹോട്ടലിന്റെ ഏഴാം നിലയിലെ സ്യൂട്ട് റൂമുകളിലൊന്നിലേക്ക് അവർ മൂന്നുപേരും പ്രവേശിച്ചു. അത്യാഡംബരത്തിന്റെ പര്യായം. വെളുപ്പിൽ ഇളം നീല നിറം ഇടകലർത്തികൊണ്ടുള്ള ഇന്റീരിയറിൽ അതിമനോഹരമായ ഹാൾ. വിലയേറിയ ബ്രാൻഡഡ് ഫർണീച്ചറുകൾ. കയറിച്ചെല്ലുമ്പോൾ, ഹാളിന്റെ, ഏറ്റവുമൊടുവിലായി ഒരു കൊച്ചു ബാറും, കിച്ചനെറ്റും കാണാം. അധികാരഭാവത്തോടെ ഉള്ളിലേക്ക് നടന്ന ശ്രുജൻ, ഫ്രിഡ്ജ് തുറന്ന്, അതിനുള്ളിൽ നിന്നും ഒരു കുപ്പി എടുത്ത് സീറ്റിങ്ങ് ഏരിയയിലേക്ക് വന്ന് ഇരുന്നു. അയാളുടെ ചലനങ്ങളെല്ലാം സസൂക്ഷ്മം വീക്ഷിച്ചു കൊണ്ട് നിൽക്കുകയാണ് തരുൺ. "ഇരിക്കടോ!" ശ്രുജൻ പറഞ്ഞപ്പോൾ തരുണിന്റെ മുഖത്തൊരു ചിരി പടർന്നു. "എന്താ ?" "അല്ല, നമ്മൾ തമ്മിൽ ഒരുപാട് വർഷത്തെ പരിചയം ഉള്ള പോലെ." "അതാണ്‌. എല്ലാരും പറയാറുണ്ടത്. എക്സ്ട്രീമലി ഫ്രണ്ട്‌ലി - ബട്ട് ഇടഞ്ഞാൽ ഡെഡ്ലി!" ചെറുചിരിയോടെ ശ്രുജൻ ചാരി ഇരുന്നു. "അതാണ് ഞാൻ!" അയാളുടെ കയ്യിൽ നിന്നും ഒരു ഡ്രിങ്ക് വാങ്ങിക്കൊണ്ട് അടുത്തേക്കിരുന്നു തരുൺ. "സോ... ഞാൻ ഓപ്പൺ ആയിട്ടങ്ങു പറയാം. അതാണ്‌ ബെറ്റർ. അല്ലെങ്കിൽ കഥയിൽ ഒരുപാട് ലൂസ് എൻഡ്‌സ് വരും. ബോർ ആകും." ശ്രുജൻ പറഞ്ഞതും, ഡ്രിങ്ക്സ് ചുണ്ടോട് ചേർക്കുകയായിരുന്ന തരുൺ തലകുലുക്കി. അപ്പോഴേക്കും വസ്ത്രം മാറി മൃദുലയും എത്തിയിരുന്നു. "ഡോക്ടർ അജയ് ഹെഗ്‌ഡെ ആരാന്നറിയോ തരുണിന് ?" തരുൺ തല ചെരിച്ച് മൃദുലയെ നോക്കി. 'അതെ 'എന്നോണം അവൾ തലകുലുക്കുകയും ചെയ്തു. "യെസ്! മൃദുലയുടെ ഹസ്ബൻഡ് തന്നെ." ശ്രുജൻ പറഞ്ഞപ്പോൾ തരുണിന്റെ നെറ്റിയിൽ ചുളിവുകൾ വീണു. "ആൾ ഡോക്ടറായിരുന്നോ ?" "ഉം. വെറും ഡോക്ടർ അല്ല... സൈക്ക്യാട്രിസിസ്റ്റ്!" അയാൾ കൂട്ടിച്ചേർത്തു. തരുൺ അവിശ്വസനീയ ഭാവത്തോടെ മൃദുലയെ നോക്കി. അവൾ ഗൗരവത്തിൽ തലകുലുക്കുകയായിരുന്നു. അവൻ സോഫയിലേക്ക് ചാരി ഇരുന്ന് കൊണ്ട് ഒരു സിപ്പ് എടുത്തു. ശ്രുജൻ എന്തോ പറയാനെന്നോണം മുൻപോട്ടാഞ്ഞു. "സംഭവം ആളൊരു മഹാൻ ആണ്. പക്ഷേ... ഇപ്പൊ ഒരു തനി സ്റ്റാക്കറായി മാറിയിരിക്കുന്നു!" "മനസ്സിലായില്ല." തരുൺ വീണ്ടും മൃദുലയെ നോക്കി. "നിങ്ങൾ അപ്പൊ ഡിവോഴ്സ് ആയില്ലേ ?" "ഡിവോഴ്സ് പ്രോസീഡിങ്സ് നടക്കുന്നെ ഉള്ളു. അത് ഫൈനൽ ആകാൻ സമയം വേണ്ടേ" തീരെ താല്പര്യമില്ലാത്ത മട്ടിലാണ് മൃദുല അത് പറഞ്ഞത്. ശ്രുജൻ ദീർഘമായൊന്ന് നിശ്വസിച്ചു. "ഇപ്പോഴത്തെ പ്രശ്‌നം എന്താണെന്ന് ചോദിച്ചാൽ ഈ കഥാപാത്രം ഇപ്പൊ ഇവിടെ ഉണ്ട്. ബാംഗ്ലൂരിൽ!" മൃദുലയുടെ കണ്ണുകൾ തുറിച്ചുവന്നു. "എന്തിന് ?" "അതൊരു നല്ല ചോദ്യമാണ്. ഞാൻ കുറേ ചോദിച്ചു. നടപടിയാകുന്ന ലക്ഷണമില്ല. കഴിഞ്ഞ എട്ട് പത്ത് ദിവസമായി എന്നെയിട്ട് ഓടിക്കുകയാണ്‌ കക്ഷി. പുള്ളിയുടെ മെയിൻ ഇഷ്യൂ ഇയാളാണ്. " ശ്രുജൻ തരുണിന് നേരെ ചൂണ്ടിക്കൊണ്ടാണ് പറഞ്ഞത്. തരുൺ തലകുലുക്കി. "തീർച്ചയായും! എന്റെ സമയം വെച്ച് അങ്ങനെ ആയില്ലെങ്കിലെ അത്ഭുതം ഉള്ളു!" തരുണിന്റെ ചുണ്ടിലൊരു ചിരി മിന്നി. "താൻ ആരാണെന്നന്വേഷിച്ച് ഞാൻ കല്ലഹള്ളി വരേ പോയി! അറിയോ ? " "വാട്ട്~~" മൃദുലക്ക് വിശ്വസിക്കാനായില്ല. തരുണിന്റെ കണ്ണുകളും മിഴിഞ്ഞിരുന്നു. "വാട്ട് ദി ഫക്ക് ഈസ്‌ ഗോയിങ് ഓൺ മാൻ ? അജയ്ക്ക് ഭ്രാന്തായോ ?" ചോദിക്കാതിരിക്കാനായില്ല അവൾക്ക്. "യെസ്! അവന്‌ പ്രാന്തായി എന്നു പറയുമ്പൊ നമ്മൾ വളരെയേറേ ശ്രദ്ധിക്കണം. കാരണം, അവൻ പ്രാന്ത്‌ ചികിൽസിക്കുന്ന ഡോക്ടറാണ്‌." മൃദുല സാവധാനം തല ചലിപ്പിച്ചു. "മാൻ, ഇപ്പൊ ഇതൊന്നും കേൾക്കാൻ പറ്റുന്ന അവസ്ഥയിലല്ല ഞാൻ." "അതൊന്നും പറഞ്ഞാൽ പറ്റില്ല. എങ്ങനെയെങ്കിലും ഇതൊന്നു സോൾവ് ആക്കണം." "എങ്ങനെ ?" "ഇപ്പൊ പുള്ളീടെ ആവശ്യം, തരുണിനെ ഒന്നു മീറ്റ് ചെയ്യുക എന്നുള്ളതാണ്." "ഉം. ഇത് ശെരിക്കും പ്രാന്ത് തന്നെ." മൃദുല ആലോചനയോടെ പറഞ്ഞു. "മൃദുലയും തരുണും തമ്മിൽ എന്തോ ഉണ്ടെന്നാണ്‌-" "ഉണ്ടെങ്കിൽ തന്നെ അയാൾക്കെന്താണ്??" ശ്രുജൻ ചോദിച്ചു പൂർത്തിയാക്കുന്നതിന് മുന്നേ മൃദുലയുടെ സ്വരം ഉയർന്നു. "അങ്ങനെ പറയരുത്. ആറ് മാസം പോലും ആയിട്ടില്ല. മൃദുല കുറച്ചുകൂടി സെൻസിറ്റീവ് ആകണം." മറുപടി നൽകാതെ മൗനം പാലിച്ച് ഇരിക്കുന്ന അവളെ കണ്ടപ്പോൾ തരുൺ അമ്പരന്നു. വേറാരെങ്കിലുമാണ്‌ അവളോടിങ്ങനെ ഇത്ര കർക്കശമായി സംസാരിച്ചതെങ്കിൽ ? "അപ്പൊ, തൽക്കാലത്തേക്ക് ഞാൻ തരുണിനെ ഒന്നു കൊണ്ടുപോകുന്നുണ്ട്. അവർ ജസ്റ്റ്‌ ഒന്നു മീറ്റ് ചെയ്യട്ടെ. എന്നിട്ട് ഇന്ന് തന്നെ കൊണ്ട് വരാം." ശ്രുജൻ നയത്തിൽ പറഞ്ഞു നോക്കി. "നിന്നെക്കൊണ്ടു സാധിക്കുന്ന കാര്യമാണോ മോനേ അത് ?" ഒരു പുരികം വളച്ചു കൊണ്ട് ചോദിക്കുന്ന അവളുടെ ചുണ്ടിന്റെ കോണിൽ വിരിഞ്ഞ ചിരിയിൽ ശ്രുജൻ കൈകൂപ്പി. "പൊന്നു സോദരീ... ഞാൻ ഇതിന്റെ ഇടയിൽ പെട്ടു കിടക്കുകയാണ്‌. പ്ലീസ് ട്രൈ ടു അണ്ടർസ്റ്റാൻഡ്. നിങ്ങൾ രണ്ടു **രുകളുടെ കൂടെ കോളേജിൽ പഠിച്ചു എന്നതല്ലാതെ വേറെ ഒരു തെറ്റും ഞാൻ ചെയ്തിട്ടില്ല!" "അയാളോട് പറഞ്ഞേക്കൂ." തരുണിന്റെ ശബ്ദമുയർന്നു. "ഞങ്ങൾ രണ്ട് പേരും തമ്മിൽ ഒന്നുമില്ലെന്ന്. അതോർത്തു വിഷമിക്കേണ്ട ഒരാവശ്യവുമില്ല അയാൾക്ക്!" "കാരണം, നിനക്ക് വേറെ ഒരു പെണ്ണുണ്ട്. അതും എനിക്കറിയാം. മിശ്വയെപ്പറ്റിയെല്ലാം ഞാനാ പൊട്ടനോട് പറഞ്ഞു കൊടുത്തതാണ്." തരുൺ ഞെട്ടലോടെ ശ്രുജനെയും മൃദുലയേയും മാറി മാറി നോക്കി. "ഓഹ്... ബൈ ദി വേ തരുൺ , ഇയാൾ ഇവിടത്തെ ഒരു നമ്പർ വൺ പ്രൈവറ്റ് ഡീറ്റെക്റ്റീവ് ആണ് കേട്ടോ . CID ശ്രുജൻ!" അവൾ ചിരിച്ചു. “നിന്റെ ദേഹത്ത് ആരും കാണാത്ത ഒരു മറുകുണ്ടെങ്കില്പ്പോലും ചിലപ്പൊ ശ്രുജൻ അത് കണ്ടുപിടിച്ചിട്ടുണ്ടാകും.” "മിശ്വ... " തരുൺ പ്രതീക്ഷയോടെ അയാളെ നോക്കി. "ഓ... അവളെവിടാണെന്ന് എനിക്കറിയില്ല. ബട്ട് , തരുണിനെ അന്വേഷിച്ചു കല്ലഹള്ളിയിൽ പോയപ്പോൾ ആണ്, മിശ്വയെപ്പറ്റിയുള്ള ഇൻഫോ കിട്ടിയത്." തരുൺ ചിന്താകുലനായിക്കൊണ്ട് നിവർന്ന് ഇരുന്നു. ഒടുവിൽ, "താങ്കൾക്ക് അവളെ കണ്ടുപിടിക്കാൻ , ഹെല്പ് ചെയ്യാൻ പറ്റുമോ ? ഞങ്ങൾ, സീരിയസ് ആയി കേസ് ഒരു ഡിറ്റക്ടീവിനെ ഏൽപ്പിക്കുന്നതിനെപ്പറ്റി ചിന്തിക്കുകയായിരുന്നു." "ഇച്ചിരി മെനക്കെട്ടാൽ ഈസിയായിട്ട് അവളെ കണ്ടുപിടിക്കാൻ പറ്റും... പക്ഷേ, ഞാൻ ചെയ്യില്ല."ശ്രുജൻ തല വെട്ടിച്ചു. "കാരണം... കല്ലഹള്ളി പോലെ ഒരു കുഗ്രാമത്തിൽ നിന്നും, യാതൊരു ലോകപരിചയവും ഇല്ലാത്ത, ഒരു പൊട്ടിപ്പെണ്ണിന്, പട്ടണത്തിലെ, ഊരും പേരുമില്ലാത്ത ഒരു കമ്പനിയിൽ ജോലി ഓഫർ കിട്ടി പോകുന്നു. അവിടെ ചെല്ലുന്നു, അവൾ മിസ്സിംഗ്‌ ആകുന്നു. അതിന് ആകെ ഒരേ ഒരു എക്സ്പ്ലനേഷൻ മാത്രമേ ഉളളൂ. ഹ്യൂമൻ ട്രാഫിക്കിങ്ങ്! തൊണ്ണൂറു ശതമാനവും, അവൾ സെക്ഷലി എക്സ്പ്ലോയിറ്റ് ചെയ്യപ്പെട്ടിട്ടുണ്ടാകാം... അല്ലെങ്കിൽ, പത്ത് ശതമാനം കേസസ്‌-" ശ്രുജൻ ഒന്ന് നിർത്തിക്കൊണ്ട് അവർ ഇരുവരെയും നോക്കി. "ഓർഗൻസ്നു വേണ്ടി അവളെ -" "ഷട്ട് അപ്പ് മാൻ!" മൃദുല ചീറി. “എത്രയോ വട്ടം ഞാൻ പറഞ്ഞ വിഷയമാണ്‌! മറ്റുള്ളവരുടെ ഫീലിങ്ങ്സ്നെക്കുറിച്ച് യാതൊരു ചിന്തയുമില്ല നിനക്ക്! വാട്ട് എ ഫക്കിങ്ങ് മോറാൻ! എന്തു വായിൽ വരുന്നോ, അതങ്ങ് വിളിച്ചു പറയുകയാണ്‌!” “അയ്യോ... സോറി തരുൺ.” ശ്രുജന്റെ മുഖത്ത് ഒരു പരിഹാസച്ചിരി വിടർന്നു. “ഞാൻ പറഞ്ഞതൊക്കെ വിട്ടേക്കൂ. സത്യത്തിൽ, ഇങ്ങനെ പോകുന്ന പെൺകുട്ടികൾക്ക് എന്താ ഉണ്ടാകുക എന്നറിയോ ? അവർ ടൗണിലെത്തിയാലുടനെ ഒരു കോടീശ്വരന്റെ ജീവൻ രക്ഷിക്കും. അതു കഴിയുമ്പൊ, അയാൾ അവൾക്കു സ്വത്തെല്ലാം എഴുതി കൊടുക്കും. മിക്കവാറും മിശ്വയ്ക്കു സംഭവിച്ചതും അതൊക്കെത്തന്നെയായിരിക്കും.” കേട്ട കാര്യങ്ങളുടെ നടുക്കത്തിൽ ഷോക്കേറ്റത് പോലെ ഇരിക്കുകയായിരുന്നു തരുൺ. "സോ... ഇത്തരം കേസസ്‌ ഞാൻ അന്വേഷിക്കാറില്ല. ഡിപ്രെസിങ്ങ് ആണ്. ബാംഗ്ലൂർ , ബോംബെ ഒക്കെ ഇതിന്റെ ആസ്ഥാനങ്ങളല്ലേ മാൻ ? എന്തോരം കഥകളാണ് നമ്മൾ കേൾക്കുന്നത്. എന്നിട്ടും ഇവറ്റകൾ പഠിക്കുന്നില്ലല്ലോ. ഈ ഇന്റർനെറ്റും, സോഷ്യൽ മീഡിയായും ഒക്കെ ഇത്രയും വളർന്നിട്ടും, ഒരു സ്ഥാപനത്തെപ്പറ്റി ബേസിക്കായിട്ടുള്ള ഒരു അന്വേഷണം പോലും നടത്താതെ എടുത്തു ചാടിപ്പുറപ്പെടുന്ന ഇത്തരം വള്ളിക്കേസുകൾ ഞാൻ എടുത്ത് തലയിൽ വെക്കാറില്ല തരുൺ." ഗ്ലാസ്സ് ചുണ്ടോടു ചേർത്ത് ഒരു സിപ്പ് എടുത്തുകൊണ്ട് ശ്രുജൻ മൃദുലയെ നോക്കി പല്ലിളിച്ചു ചിരിച്ചു. “എന്തുവാഡേ നിങ്ങളു ഭാര്യേം ഭർത്താവും കൂടി ഈ കാണിക്കുന്നെ ? ഒന്നു പോയി സംസാരിച്ച് ഒരു മ്യൂച്ചൽ അണ്ടർസ്റ്റാൻഡിങ്ങിൽ പിരിയൂ മനുഷ്യരേ! നിന്നെ ഓർത്ത് ഒരുത്തൻ ഇങ്ങനെ ഭ്രാന്തെടുത്ത് നടക്കുന്നത് ഓർത്താൽ, നിനക്കീ ജീവിതത്തിൽ സമാധാനം കിട്ടുമോ മൃദുലാ ?” വളരെ ഇമോഷണൽ ആയി, പതിഞ്ഞ സ്വരത്തിലായിരുന്നു അയാളുടെ ചോദ്യം. പല്ലുകൾ കടിച്ചമർത്തിപ്പിടിച്ചായിരുന്നു മൃദുലയുടെ മറുപടി. “ഒരു പരിധിയിൽ കൂടുതൽ എന്റെ സമാധാനം കളഞ്ഞാൽ, അവന്റെ പള്ളയ്ക്ക് ഒരു കത്തി കേറും.” ശ്രുജന്റെ ചിരി മാഞ്ഞു. “ചേരാവുന്നതേ ചേരാവൂ ശ്രുജാ! ചുമ്മാ ഇമോഷണൽ ബ്ലാക്ക്മെയിലിങ്ങ് നടത്തിയാൽ, വീഴുന്ന പെണ്ണുങ്ങളുണ്ടാകും. പക്ഷേ, ഞാൻ അങ്ങനാണോ ? അതു മനസ്സിലാക്കാനുള്ള മിനിമം ബോധം ഇല്ലേ ഡോക്ടർക്കും കൂട്ടുകാരനും ?” പിന്നെ സംസാരങ്ങളൊന്നുമുണ്ടായില്ല. തള്ളവിരൽ ഉയർത്തിക്കാട്ടി ശ്രുജൻ എഴുന്നേറ്റു. “ഞങ്ങൾ ഒരു മണിക്കൂറിൽ മടങ്ങിയെത്താം.” മൃദുല മറുപടിയൊന്നും പറയാതെ തിരിഞ്ഞു നടന്നു. ശ്രുജൻ തരുണിന്റെ തോളിൽ തട്ടി “നമുക്ക് വേഗം സ്ഥലം വിടാം.” എന്ന അർത്ഥത്തിൽ ആംഗ്യം കാണിച്ചുകൊണ്ടു പുറത്തേക്കു നടന്നു. തുടരും കണ്ണൂർകാരൻ 🌹🌹🌹🌹 #📙 നോവൽ #📔 കഥ #✍ തുടർക്കഥ #🧟 പ്രേതകഥകൾ! #🕵️‍♀️ കുറ്റാന്വേഷണ കഥകൾ