![★彡[ꜱᴀᴍʀᴀᴛ ᴀꜱʜᴏᴋ]彡★ - Author on ShareChat: Funny, Romantic, Videos, Shayari, Quotes](https://cdn-im.sharechat.com/33d5318_1c8/cmp_profile_pic/ProfilePic/8673a1c_1778389375844_sc_thumbnail_v2.jpeg?referrer%3Dpost-rendering-service-ues%26tenant%3Dsc=&tenant=sc&referrer=pwa-sharechat-v2&f=il_v2.jpeg)
31 likes
28 shares
More like this
sangram kumar ottaଜୟ ଜଗନ୍ନାଥ ଶୁଭ ସକାଳ #ଜୟ ଜଗନ୍ନାଥ
2324- sangram kumar ottaଜୟ ଜଗନ୍ନାଥ ଶୁଭ ସକାଳ #ଜୟ ଜଗନ୍ନାଥ
1312 
Teήຮiøή♥️﴿»🦋࿐#ଜୟ ଜଗନ୍ନାଥ 🙏 #😊ବାସ୍ତବିକ ଖୁସି😇 #🚩ସନାତନ ଧର୍ମ💪 #💐ଶୁଭେଚ୍ଛା #🪕ଶ୍ରୀ ଜଗନ୍ନାଥ ଭଜନ🎶
1317
Himanshu Barik#ଜୟ ଜଗନ୍ନାଥ #🙏🌅ଶୁଭ ସକାଳ 🌅ଜୟ ଜଗନ୍ନାଥ ⭕*‼️*⭕🙏 #ବାହୁଡ଼ା ଯାତ୍ରା #ଶ୍ରୀ ଜଗନ୍ନାଥଙ୍କ ବାହୁଡ଼ା ଯାତ୍ରା ଆସିଗଲା risida
1416
🚩🚩★PRAMOD★«SAHOO»🚩🚩#😍ପ୍ରେମଭରା ଶୁଭେଚ୍ଛା💚 #🌄Good Afternoon 🌄 #🙇ସୁବିଚାର #ଜୟ ଜଗନ୍ନାଥ #ଜୟ ଜଗନ୍ନାଥ ସ୍ବାମୀ ତତ୍ତ୍ଵ ଓ ରଥଯାତ୍ରା🌹🙏* ଵିଶ୍ଵ ପ୍ରସିଦ୍ଧ ପୁରୀରେ ଶ୍ରୀ ଜଗନ୍ନାଥ ମନ୍ଦିର ଵା ଶ୍ରୀ ମନ୍ଦିର ପୁରାତନ ଯୁଗରେ ଗଙ୍ଗ ବଂଶର ସୁଯୋଗ୍ୟ ଦାୟାଦ ଅନନ୍ତ ଚୋଡ଼ଗଙ୍ଗ ଦେବ ଵାରଶହ ଖ୍ରୀଷ୍ଟାବ୍ଦରେ ନିର୍ମାଣ କରିଥିଲେ। ଏହା ଚତୁଃର୍ଦ୍ଧାମ ମଧ୍ୟରେ ଅନ୍ୟତମ। ପୁରୀ, ଦ୍ବାରିକା, ବଦ୍ରିନାଥ ଓ ରାମେଶ୍ବର ଯାହାକି ପୂର୍ବ, ପଶ୍ଚିମ, ଉତ୍ତର ଓ ଦକ୍ଷିଣ ଦିଗରେ ଶୋଭା ପାଉଥିବା ତୀର୍ଥ ଧାମ ।ପୁରୀ କୁ ପୁରୁଷୋତ୍ତମ କ୍ଷେତ୍ର ନାମରେ ପ୍ରସିଦ୍ଧ ଅଟେ। ରତ୍ନସିଂହାସନ ଉପରେ ବିରାଜମାନ କରି ଛନ୍ତି, ବଡ଼ଭାଇ ପ୍ରଭୁ ବଳଦେବ, ଭଉଣୀ ମାତା ଜଗତଜନନୀ ସୁଭଦ୍ରା, କୋଟି ଓଡିଆଙ୍କ ମଉଡମଣି ପ୍ରଭୁ ଜଗନ୍ନାଥ ଓ ସୁଦର୍ଶନ ମହାରାଜ। ଏହି ମନ୍ଦିର ର ଉଚ୍ଚତା ୬୫ ମିଟର। ଏହି ମନ୍ଦିର ଅବନ୍ତି ର ରାଜା ଇନ୍ଦ୍ରଦ୍ୟୁମ୍ନ ଦଶମ ଶତାବ୍ଦୀରେ ନିର୍ମାଣ କରାଯାଇଥିବା ର ଅନୁମାନ କରାଯାଏ। ଏହା ୪୦୦,୦୦୦ ବର୍ଗ ଫୁଟ ବିଶିଷ୍ଟ କ୍ଷେତ୍ରରେ ନିର୍ମିତ ଯାହାକି ଚାରିପଟେ ମେଘନାଦ ପାଚେରୀ ଶୋଭା ବର୍ଦ୍ଧନ କରେ। ବଙ୍ଗୋପସାଗର କୂଳରେ ଓଡ଼ିଶାର ପୁରୀ ଜିଲ୍ଲାରେ ଅବସ୍ଥିତ। ଏଠାରେ ବାରମାସରେ ତେର ଯାତ୍ରା ପାଳନ କରିଵା ର ପରମ୍ପରା ରହିଛି। ହିନ୍ଦୁ ଜାତି ର ଭଗବାନ ଅଟନ୍ତି ,କାଳିଆ ଠାକୁର,ପ୍ରଭୁ ଶ୍ରୀ ଜଗନ୍ନାଥ।ବିଷ୍ଣୁ ଅବତାର ର ଏକ ଅବତାର ରୂପେ କଳି ଯୁଗରେ ଗ୍ରହଣ କରାଯାଏ। ପ୍ରତି ଦିନ ଷାଠିଏ ପଉଟି ଭୋଗ ଲଗାଯାଏ। ମହାପ୍ରସାଦକୁ ଭକ୍ତମାନେ ସମସ୍ତେ ଏକାଠି ଆନନ୍ଦ ବଜାର ରେ ସେବନ କରିଥାନ୍ତି। ଠାକୁର ଙ୍କ ର ବିଭିନ୍ନ ଵେଶ କରାଯାଏ, ଯଥା,ଵଡ ସିଂହାର ବେଶ,ଆଡିକିଆ ଵେଶ, ସୁନାବେଶ,ନଵ ଯୌବନ ବେଶ ଇତ୍ୟାଦି। ରଥଯାତ୍ରା କାଳିଆ ଠାକୁର ଙ୍କ ର ସବୁଠାରୁ ବଡ଼ ପର୍ବ। ଏହା ଘୋଷଯାତ୍ରା ନାମରେ ନାମିତ କରାଯାଇଛି। ଚତୁର୍ଦ୍ଧା ମୂର୍ତ୍ତୀ ନଅଦିନ ବ୍ୟାପି ନଵଦିନାତ୍ମକ ପାଇଁ ନିଜର ଜନ୍ମ ସ୍ଥାନ ଗୁଣ୍ଡିଚା ମନ୍ଦିରକୁ ବିଜେ କରନ୍ତି। ପୁଣି ବାହୁଡା଼ ଯାତ୍ରା ରେ ରଥରେ ଵସି ଶ୍ରୀ ମନ୍ଦିରକୁ ବିଜେ କରନ୍ତି। ଦାରୁବ୍ରହ୍ମ -ଜଗନ୍ନାଥେ ଭଗବାନ ପୁରୁଷୋତ୍ତମେ,କ୍ଷେତ୍ରେ ନୀଳାଚଳେକ୍ଷୀରାର୍ଣ୍ଣଵତୀରେ ଵିରାଜିତେ ।। *ସାରଳା ଦାସଙ୍କ ବିଚାରରେ ନୀଳଗିରି ନାଥ ଜଗନ୍ନାଥ ଏକ ମୂର୍ତ୍ତିରୁ ଚାରିମୂର୍ତ୍ତି ହୋଇ ବିଜେ କରିଛନ୍ତି । ଏହି ଚତୁର୍ଥମୂର୍ତ୍ତି ହେଉଛନ୍ତି ସୁଦର୍ଶନ । ଆଦିପର୍ବରେ କବି ଏଇଥିପାଇଁ ଲେଖିଲେ :* *‘ବନ୍ଦଇ ନାରାୟଣ ନୀଳଗିରି ନାଥ* *ଚତୁର୍ଦ୍ଧା ରୂପ ଧରି ବିଜୟେ ପଦ୍ମନେତ୍ର ।"* *ଏହି ତ୍ରିମୂର୍ତ୍ତି ବିଶ୍ଵ ଏକାତ୍ମତାର ହିଁ ନିଦର୍ଶନ । ବଳଭଦ୍ରଙ୍କ ବର୍ଣ୍ଣ ଧଳା, ଜଗନ୍ନାଥଙ୍କ ବର୍ଷ କଳା ଓ ସୁଭଦ୍ରାଙ୍କର ବର୍ଣ ହରିଦ୍ରା, ସୁତରାଂ ଏହି ବର୍ଷ ସମୂହ ଏକାଧାରରେ ଶ୍ଵେତାଙ୍ଗ, କୃଷ୍ଣାଙ୍ଗ ଓ ମଙ୍ଗୋଲିଆ ଅବାସୀମାନଙ୍କର ପ୍ରତିନିଧିତ୍ବ କରେ । ଜଗନ୍ନାଥ ସତ୍ତ୍ଵ ଗୁଣର ଅଧିକାରୀ, ସୁଭଦ୍ରା ରଜ ଗୁଣର ଅଧିକାରୀ ଓ ବଳଭଦ୍ର ତମ ଗୁଣର ଅଧିକାରୀ । ସୁତରାଂ ଏହି ତ୍ରିମୂର୍ତ୍ତି` *ସତ୍ତ୍ବ-ରଜ-ତମ* । ଏହି ତ୍ରିମୂର୍ତ୍ତି ମଧ୍ୟ ଭୁଃ, ଭୁବଃ, ସ୍ଵଃ । *ଭୁଃ-ବ୍ରହ୍ମା,* *ଭୁବଃ- ପ୍ରକୃତି ( ସୁଭଦ୍ରା ),* *ସ୍ଵଃ- ବଳଭଦ୍ର ( ଜୀବାତ୍ମା ) ।* ଯେତେବେଳେ ବିଷ୍ଣୁ କଳିଯୁଗରେ ଶ୍ରୀଜଗନ୍ନାଥ ଭାବରେ ଅବତୀର୍ଣ୍ଣ ହେବାକୁ ନିଜର ଇଚ୍ଛା ପ୍ରକାଶ କରିଛନ୍ତି, ସେତେବେଳେ ଶିବ ତାଙ୍କ ସହ ନୀଳଗିରିକୁ ଆସିବାକୁ ଚାହିଁଛନ୍ତି । ଏହି ଶିବ ସାରଳା ଦାସଙ୍କ କଳ୍ପନାରେ ବଳଭଦ୍ର। ସେ ପୂଣି ସୁଭଦ୍ରାଙ୍କୁ ବ୍ରହ୍ମା ଭାବରେ ପରିକଳ୍ପନା କରିଛନ୍ତି । ସୁତରାଂ ଏହି ବିଷ୍ଣୁ, ଶିବ ଓ ବ୍ରହ୍ମା ହେଉଛନ୍ତି ପ୍ରକାରାନ୍ତରେ ଜଗନ୍ନାଥ, ବଳଭଦ୍ର ଓ ସୁଭଦ୍ରା ।` ରାମ ଉପାସକମାନେ ଏହି ତ୍ରିମୂର୍ତ୍ତିକୁ ରାମ, ଲକ୍ଷ୍ମଣ, ସୀତା ଭାବେ ମାନ୍ୟତା ଦିଅନ୍ତି । ‘ବାଲ୍ମୀକିୟମ୍ ରାମାୟଣମ୍’ ର ‘ଆରାଧ୍ୟ ଜଗନ୍ନାଥ ମିଖ୍ୱାକୁ କୁଳ ଦୈବତମ୍’ ପାଠମାତ୍ରେ ସନ୍ଥ ଗୋସ୍ଵାମୀ ତୂଳସୀ ଦାସ ଜଗନ୍ନାଥଙ୍କୁ ରାମ ଭାବରେ ଦର୍ଶନ କରି କୃତାର୍ଥ ଲଭିଛନ୍ତି । ବଳରାମ ହେଉଛନ୍ତି କର୍ମର ପ୍ରତୀକ। ଏହାର ପ୍ରମାଣ ହେଲା ତାଙ୍କ ହସ୍ତର ଆୟୂଧ ହଳ ବା ଲଙ୍ଗଳ । ମା ସୁଭଦ୍ରା ହେଲେ ହିରଣ୍ୟ ଗର୍ଭା ଜ୍ଞାନମୂର୍ତ୍ତି । ସେ ଜ୍ଞାନର ପ୍ରତୀକ । ଜଗନ୍ନାଥ ହେଲେ ଭକ୍ତିର ପ୍ରତୀକ । ସେ ଭକ୍ତାଧୀନ । ଅତଏବ ଏହି ତ୍ରିମୂର୍ତ୍ତି କର୍ମ, ଜ୍ଞାନ ଓ ଭକ୍ତିର ପ୍ରତୀକ । *ପୁନଶ୍ଚ ଅଚ୍ୟୁତାନନ୍ଦ ତାଙ୍କ ‘ଗୁରୁଭକ୍ତି ଗୀତ ଗୀତା’ରେ ଲେଖୁଛନ୍ତି—* *‘‘ହରେ ରାମ କୃଷ୍ଣ ଷୋଡଶର ବୀଜତିନି* *ଚାରି ଯେ ସମ୍ପ୍ରଦା ବିଧି ବିଚାରିଲା ଘେନି ।* *ବଳଭଦ୍ର ସୁଦର୍ଶନ ଅଟଇ ଏ ଦୁଇ* *‘ହ’ କାରେ ଯେ ସୁଦର୍ଶନ ସ୍ତମ୍ଭ ଯେ ଅଟଇ ।* *‘ରେ’ ଯେ ଅକ୍ଷର ବଳଭଦ୍ରକୁ ସୁମର* *‘କୃଷ୍ଣ’ ବେନି ଅକ୍ଷର ଯେ ଜଗତ ଠାକୁର ।* *‘ରାମ’ ବେନି ଅକ୍ଷର ଯେ ସୂଭଦ୍ରା ଅଟଇ* *ଚାରି ରୂପ ନନ୍ଦ ଦାସ ଶୁଣ ମନଦେଇ l”* *ଏହି ମନ୍ତ୍ରରେ ‘ହରେ’ ଅର୍ଥ ଶିବ, ରାମ ହିଁ ବ୍ରହ୍ମା, କୃଷ୍ଣ ହିଁ ଜଗନ୍ନାଥ | ହ୍ଲି°, କ୍ଲୀ°, ଶ୍ଳୀ° ଯଥାକ୍ରମେ ହରେ, ରାମ, କୃଷ୍ଣ |* *ହରେ କୃଷ୍ଣ ମନ୍ତ୍ରକୁ ’ ଚତୁର୍ଦ୍ଧା ମୂର୍ତ୍ତି ସୂତ୍ରରେ ଅନୁଭବ କରିହୁଏ ।* ଶ୍ରୀଜଗନ୍ନାଥ ଶବ୍ଦର ତାତ୍ତ୍ୱିକ ବିଶ୍ଳେଷଣରୁ ଯାହା ଜଣାଯାଏ, ଶ୍ରୀ ହେଉଛନ୍ତି ଲକ୍ଷ୍ମୀ, ‘ଜ’ କାରଶ୍ଚ ଜଗନ୍ନାଥ, ‘ଗ' କାର ବଳଦେବକଂ, ଭଦ୍ରା ‘ନ’ କାର, ଭାବେନ ‘ଥ’ କାରଣ୍ଟ ସୁଦର୍ଶନ ।` ବେଦର ପ୍ରତୀକ ଭାବରେ ଚର୍ତୁର୍ଦ୍ଧାମୂର୍ତ୍ତିଙ୍କର ପରିକଳ୍ପନା ବଳରାମ ଦାସଙ୍କ ‘ଗୁପ୍ତଗୀତା’ ରେ କରାଯାଇଛି ।` _ଶ୍ରୀକୃଷ୍ଣ ଅର୍ଜୁନଙ୍କୁ କହୁଛନ୍ତି-_ *"ବଳଭଦ୍ର ଯେ ସାମ୍ ହୋଇ, ଋକ୍ ଯେ ସୁଭଦ୍ରା ଅଟଇ l* *ଯଜୁରବେଦ ଶ୍ରୀଜଗନ୍ନାଥ, ଅଥର୍ବ ସୁଦର୍ଶନ ପାର୍ଥ ।"* _ସେ ପୁଣି କହିଛନ୍ତି-_ *''ସର୍ବଦା ନୀଳାଦ୍ରିରେ ସ୍ଥିତି | ଏଥ ସକଳ ଜାତ ହୋନ୍ତି ।”* ଜଗନ୍ନାଥ ହେଉଛନ୍ତି ଓଁକାର ମୂର୍ତ୍ତି। ଅବ୍ୟକ୍ତ ବ୍ରହ୍ମ । ତାଙ୍କ ବୀଜ ହେଲା ‘ଅ', ସୁଭଦ୍ରାଙ୍କ ବୀଜ ‘ଉ', ବଳରାମଙ୍କ ବୀଜ ‘ମ' । ଏହି ତିନୋଟିର ସଂଯୋଗରେ ଓଁକାର। ସର୍ବଧର୍ମ ସମନ୍ବୟର ଦେବତା ପ୍ରଭୁ ଶ୍ରୀଜଗନ୍ନାଥ। ସମଗ୍ର ହିନ୍ଦୁ ସନାତନ ଧର୍ମର ପରମ ଆରାଧ୍ୟ ଦେବତା ପ୍ରଭୁ ଶ୍ରୀଜଗନ୍ନାଥ। ଜଗନ୍ନାଥ ଧର୍ମ ଉଦାରତାର ପରିଚୟ ପ୍ରଦାନ କରିଥାଏ। ଶ୍ରୀଜଗନ୍ନାଥ ସଂସ୍କୃତି କେବଳ ଉତ୍କଳ ମଧ୍ୟରେ ସୀମାବଦ୍ଧ ହୋଇ ରହିନାହିଁ। ଶ୍ରୀଜଗନ୍ନାଥ ଧର୍ମ ବା ସଂସ୍କୃତି ଏତେ ମହାନ୍ ଯେ ସାରା ବିଶ୍ଵର ବିଭିନ୍ନ ଧର୍ମାବଲମ୍ବୀ ମାନେ ଏହାର ମହାନତା କୁ ଆଦରରେ ଗ୍ରହଣ କରି ଶ୍ରୀବିଗ୍ରହମାନଙ୍କ ପୂଜାର୍ଚ୍ଚନା କରୁଛନ୍ତି। ଶ୍ରୀଜଗନ୍ନାଥ ଧର୍ମରେ ଆର୍ଯ୍ୟ ଅନାର୍ଯ୍ୟ, ବ୍ରାହ୍ମଣ୍ୟ, ଜୈନ , ବୌଦ୍ଧ, ଶୈବ ଶାକ୍ତ, ସୌର ଗାଣପତ୍ୟ, ବୈଷ୍ଣବ , ଖ୍ରୀଷ୍ଟିଆନ, ଇସଲାମ ପ୍ରଭୃତି ଧର୍ମ ଦର୍ଶନର ମୌଳିକ ତତ୍ତ୍ୱ କେବଳ ଶ୍ରୀଜଗନ୍ନାଥ ଧର୍ମରେ ପ୍ରଭାବିତ ହେଉଛି। ସବୁ ଧର୍ମ ଓ ମତବାଦର ଏହା ହେଉଛି ମୂଳ ଉତ୍ସ। ବିଭିନ୍ନ ଧର୍ମାବଲମ୍ବୀ ଆପଣାର ପ୍ରାଧାନ୍ୟ ପ୍ରତିଷ୍ଠା ପାଇଁ କଳହ କରିଥିଲେ ମଧ୍ୟ ଶ୍ରୀଜଗନ୍ନାଥଙ୍କୁ ନିର୍ବିବାଦରେ ସ୍ୱୀକାର କରିଛନ୍ତି। ଶ୍ରୀଜଗନ୍ନାଥ ଧର୍ମର ସାକାର ଓ ନିରାକାର ରହସ୍ୟକୁ ଭେଦ କରିବା ପାଇଁ ବହୁ ସାଧୁସନ୍ଥଙ୍କର ଆବିର୍ଭାବ ଘଟିଛି ଜଗନ୍ନାଥ ଧାମରେ। ସେହି ଭକ୍ତମାନେ ତାଙ୍କ ଦିବ୍ୟ ଚକ୍ଷୁରେ ଶ୍ରୀଜଗନ୍ନାଥ ଅପରୂପ ସୌନ୍ଦର୍ଯ୍ୟ ଦର୍ଶନ କରି ତାଙ୍କ ଗୁଣ କୀର୍ତ୍ତନ କରି ତାଙ୍କରି ଠାରେ ନିଜକୁ ସମର୍ପଣ କରିଛନ୍ତି। ସେ ନିର୍ଗୁଣ ରୂପେ ଅଲେଖପନ୍ଥୀ ମାନଙ୍କର ଠୁଳ ଶୂନ୍ୟ।ସାକାର ମାନଙ୍କ ଦୃଷ୍ଟିରେ ସେ ହେଉଛନ୍ତି ସାକ୍ଷାତ ବିଗ୍ରହବନ୍ତ ପୁରୁଷ। ଜ୍ଞାନ ମାର୍ଗୀଙ୍କର ସେ ବ୍ରହ୍ମ। ତୁଳସୀ ଦାସଙ୍କର ନୟନାଭିରାମ। ବୈଷ୍ଣବମାନେ ଭାବନ୍ତି ସେ ରାଜରାଜେଶ୍ଵର ଶ୍ରୀ କୃଷ୍ଣଚନ୍ଦ୍ର ।ଶୈବ ମାନଙ୍କର ଶ୍ରୀଜଗନ୍ନାଥ ହେଉଛନ୍ତି ପରମ ଶିବ ଵା ଭୈରବ।ତେଣୁ ତାଙ୍କର ତତ୍ତ୍ୱରୂପ ମାନଵ ଚିନ୍ତାର ଅସୀମ। ଭକ୍ତ ଉପରକୁ ହାତଯୋଡି ଆରାଧନା କରି କହେ ହେ ପ୍ରଭୁ ଜଗନ୍ନାଥ ! ତୁମେ ସଵୁ ଧର୍ମର ଉର୍ଦ୍ଧ୍ବରେ।ପରମ ସତ୍ୟ ଓ ପରମ ଶ୍ରଦ୍ଧାର ଠାକୁର ତୁମେ ! ତୁମ ପାଖରେ ଜାତି ଧର୍ମର ଭେଦଭାବ ନାହିଁ। ସମଗ୍ର ବିଶ୍ୱର ଶ୍ରଦ୍ଧାର ଠାକୁର ହେଉଛନ୍ତି ଶ୍ରୀଜଗନ୍ନାଥ। ରଥଯାତ୍ରାର ପ୍ରାଚୀନତା ଵହୁ ପୁରାତନ। ଏହା କୁ ଘୋଷଯାତ୍ରା ଵା ଗୁଣ୍ଡିଚା ଯାତ୍ରା ମଧ୍ୟ କହିଥାନ୍ତି। ଜଗନ୍ନାଥ ଙ୍କ ରଥ ର ନାମ ନନ୍ଦିଘୋଷ, ବଳଭଦ୍ର ଙ୍କ ରଥ ର ନାମ ତାଳଧ୍ଵଜ ଓ ମାତା ସୁଭଦ୍ରାଙ୍କ ରଥର ନାମ ଦେବଦଳନ କୁହାଯାଏ। ଏହି ତିନୋଟି ରଥର ବୈଶିଷ୍ଟ୍ୟ, ସାଜସଜ୍ଜା ଅଲଗା ଅଲଗା, ଖୁବ୍ ମହତ୍ତ୍ୱପୂର୍ଣ୍ଣ। ନନ୍ଦିଘୋଷ ରଥରେ ଚକ ସଂଖ୍ୟା ୧୬, ଉଚ୍ଚତା ୨୩ ହାତ,ପରିଧି ୫ ହାତ। ଏହି ରଥର ସାରଥୀ ଙ୍କ ନାମ ମାତଳି।ଶୁକ୍ଳଵର୍ଣ୍ଣ ଯୁକ୍ତ୪ ଟି ଅଶ୍ବ ଧାଵମାନ ଅଵସ୍ଥାରେ ଥାଆନ୍ତି। ଏହା ସତ୍ତ୍ବଗୁଣଯୁକ୍ତ ଓ ପୀତଵସ୍ତ୍ର ଆଚ୍ଛାଦିତ। ଏହା ର ଶିଖର ପ୍ରଦେଶରେ ଚକ୍ର ଵା ଗରୁଡ ଅଧିଷ୍ଠିତ। ବଳଭଦ୍ର ଦେଵ ଙ୍କ ର ତାଳଧ୍ଵଜ ରଥରେ ଉଚ୍ଚତା ୨୨ ହାତ, ପରିଧି ସାଢେ ୪ ହାତ ଓ ୧୪ ଟି ଚକ ବିଶିଷ୍ଟ। ସାରଥି ଙ୍କ ନାମ,ସୁଦ୍ୟୁମ୍ନ।୪ ଟି କଳାରଙ୍ଗର ଅଶ୍ଵ, ନୀଳ ଲୋହିତ ଵସ୍ତ୍ରାଵୃତ୍ତ ଓ ରଜୋଗୁଣ ସମ୍ପନ୍ନ। ଶୀର୍ଷକ ରେ ତାଳ ଚିହ୍ନିତ। ଦ୍ବାର ଦେଶରେ ପୂର୍ଣ୍ଣକୁମ୍ଭ ଓ ଶସ୍ୟ ଗୁଚ୍ଛ ଖଚିତ, ଯାହା ବଳଦେବ ଙ୍କ ସୃଜନ ଶୀଳତା ଓ ଐଶ୍ୱର୍ଯ୍ୟର ସୂଚକ। ମାତା କାମ୍ପଲ୍ୟଵାସିନୀ ସୁଭଦ୍ରାଙ୍କ ର ଦର୍ପଦଳନ,, ଏହାକୁ ଦେଵଦଳନ ଵୋଲି କୁହାଯାଏ।ଏହା ତାମସିକ ଭାଵାପନ୍ନ ହେତୁ କୃଷ୍ଣ ଲୋହିତ ଵସ୍ତ୍ରାଵୃତ୍ତ।ସାରଥୀ ସ୍ବୟଂ ତୃତୀୟ ପାଣ୍ଡବ ଅର୍ଜୁନ।୧୨ ଟି ଚକଯୁକ୍ତ,୪ଟି ଅଶ୍ୱ। ଏହି ରଥଯାତ୍ରା ପ୍ରତି ବର୍ଷ ଆଷାଢ଼ ମାସ ଶୁକ୍ଳପକ୍ଷ ଦ୍ଵିତୀୟା ତିଥିରେ ଅନୁଷ୍ଠିତ ହୋଇଥାଏ। କୁହାଯାଇଛି, ଆଷାଢସ୍ୟ ସିତେପକ୍ଷେ ଦ୍ବିତୀୟାୟାଂ ଶୁଭଦିନେ, ଶ୍ରୀଜଗନ୍ନାଥ-ଦେଵସ୍ୟ ଗୁଣ୍ଡିଚା ଭଵତି ଧ୍ରୁଵମ୍। ରଥଯାତ୍ରା ଦିନ ସକାଳରେ ସୁଦର୍ଶନଙ୍କ ସହିତ ତିନି ଭାଇ ଓ ଭଉଣୀ ମିଶି ୯ ଦିନ ପାଇଁ ସ୍ବ ଜନ୍ମ ସ୍ଥାନ ଗୁଣ୍ଡିଚା ମନ୍ଦିରକୁ ଯାଇଥାନ୍ତି। ସେବକ ମାନେ ଚତୁର୍ଦ୍ଧାମୂର୍ତ୍ତିଙ୍କ ତିନିଟି ରଥରେ ଵସାଇ ଗଜପତି ମହାରାଜାଙ୍କ ଦ୍ବାରା ଛେରାପହଁରା କାର୍ଯ୍ୟ ହୋଇଥାଏ। ବଡ଼ଦାଣ୍ଡ ରେ ଶହଶହ ଭକ୍ତଙ୍କ ସମାଗମ ରେ ରଥଟଣା କାର୍ଯ୍ୟ ଅନୁଷ୍ଠିତ ହୋଇଥାଏ। ରଥରେ ବିଜେ କରିଥିବା ଜଗନ୍ନାଥଙ୍କ ର ଦର୍ଶନ କଲେ ମାନଵ ଜନ୍ମ ରୁ ମୁକ୍ତିଲାଭ ହୋଇ ଥାଏ। *ଶାସ୍ତ୍ର ବଚନ କହେ,ରଥେତୁ ଵାମନଂ ଦୃଷ୍ଟ୍ବା ପୁନର୍ଜନ୍ମ ନ ଵିଦ୍ୟତେ।* ଦଳିତ ଲୋକଙ୍କ ଉଦ୍ଧାର ନିମନ୍ତେ ପ୍ରଭୁ ଜଗନ୍ନାଥ ବର୍ଷ କରେ ଥରେ ରଥଯାତ୍ରାରେ ଆସନ୍ତି। ଏହି ଯାତ୍ରା ହେଉଛି,ସାମ୍ୟ ମୈତ୍ରୀ ଓ ପ୍ରୀତି ର ଯାତ୍ରା। ରଥ ସମ୍ମୁଖରେ ଭଜନ କୀର୍ତ୍ତନ ଓ ନୃତ୍ୟ ମାନ ହୋଇ ଥାଏ।ଜୟ ଜଗନ୍ନାଥ ଧ୍ବନିରେ ସାରା ବଡ଼ଦାଣ୍ଡରେ ଲୋକାରଣ୍ୟ ହୋଇଉଠେ। ଯେଉଁ ବର୍ଷ ମଳମାସ ଭାବରେ ଯୋଡା ଆଷାଢ ପଡେ, ସେହି ବର୍ଷ ନବକଳେବର ଅନୁଷ୍ଠିତ ହୋଇଥାଏ। ଏହା ୧୨/୧୫ ବର୍ଷ ରେ ହୁଏ।ଗତ ୨୦୧୫ ରେ ଏହି ନବକଳେବର ହୋଇଥିଲା। ବିଶ୍ବ ପ୍ରସିଦ୍ଧ ରଥଯାତ୍ରା ସମଗ୍ର ମାନବ ଜାତିର ଜୟଯାତ୍ରା। ଏହା ଉତ୍କଳୀୟ ସଂସ୍କୃତି ର ଗର୍ବ ଓ ଗୌରବ। ଏହା ବିଶ୍ବ ମୈତ୍ରୀ ଓ ପ୍ରୀତି ର ପରିଚୟ। ସ୍ନାନଯାତ୍ରା ଠାରୁ ନୀଳାଦ୍ରି ଵିଜେ ପର୍ଯ୍ୟନ୍ତ ମହାପ୍ରଭୁଙ୍କ ଏହି ପର୍ବରେ ଅନେକ ନୀତିକାନ୍ତି ପୋରାଣିକ ଉପାଖ୍ୟାନ ଅନୁସାରେ ପ୍ରଚଳିତ ହୋଇ ଆସୁଅଛି। ଏହି ବିଶ୍ବ ପ୍ରସିଦ୍ଧ ରଥଯାତ୍ରା ଅନେକ ରାଜ୍ୟ,ଦେଶରେ ମଧ୍ୟ ଆଡମ୍ବର ସହିତ ପାଳନ କରାଯାଏ। ପ୍ରଭୁ ଜଗନ୍ନାଥଙ୍କ ନିକଟରେ ପ୍ରାର୍ଥନା କରୁଛି,ଏ ବିଶ୍ୱର ମଙ୍ଗଳ କରନ୍ତୁ, ସମସ୍ତଙ୍କ ଉପରେ ତାଙ୍କର କୃପା ଵୃଷ୍ଟି ହୋଇ ରହୁ। ପବିତ୍ର ରଥଯାତ୍ରାର ଅନେକ ଶୁଭେଚ୍ଛାର ସହିତ ଅଭିନନ୍ଦନ । @Skm *🙏🌹ଜୟ ଶ୍ରୀଜଗନ୍ନାଥ🌹🙏*
1014- Teήຮiøή♥️﴿»🦋࿐#ଜୟ ଜଗନ୍ନାଥ 🙏 #😊ବାସ୍ତବିକ ଖୁସି😇 #💐ଶୁଭେଚ୍ଛା #🚩ସନାତନ ଧର୍ମ💪 #🪕ଶ୍ରୀ ଜଗନ୍ନାଥ ଭଜନ🎶
1214 - Teήຮiøή♥️﴿»🦋࿐#💐ଶୁଭେଚ୍ଛା #🪕ଶ୍ରୀ ଜଗନ୍ନାଥ ଭଜନ🎶 #😊ବାସ୍ତବିକ ଖୁସି😇 #ଜୟ ଜଗନ୍ନାଥ 🙏
1217 
💓Nandini💓#ଜୟ ଜଗନ୍ନାଥ
7773
Raj&Rani#🙏ପୁରୀ ବଡ଼ଦେଉଳ କଥା #🙏ଭକ୍ତି ଶର୍ଟ ଭିଡିଓ ଚ୍ୟାଲେଞ୍ଜ✨ #jai jagannath #ଜୟ ଜଗନ୍ନାଥ #ଜୟ ଜଗନ୍ନାଥ
827
Mandakini Jena M 💞#ଜୟ ଜଗନ୍ନାଥ #ଭକ୍ତି #har har mahadev #🚩ସନାତନ ଧର୍ମ💪 #🥰Love... Dil se ! 💞
414