#💐संत महंत🙏 #✍️भक्ती संदेश #🙏भक्ती सुविचार📝 #🌻आध्यात्म 🙏. . . ll ज्ञानेश्वरीतील ज्ञानामृत चिंतन ll . ************** . कर्ता ब्रह्मरूप व्हावा म्हणून व सदोष कर्म निर्दोष व पूर्ण व्हावे म्हणून 'सत्' चा वापर करतात. 'असत्' चा नाश करून 'सत्' चे निर्दोष स्वरुप दाखविले जाते. ************************************************ . तेंव्हा ॐकार तत्कारी। सावायिला हा चांगी परी । सच्छब्दु कर्मा करी । जीर्णोद्धारु ll ***************[ ज्ञानेश्वरी-१७/३९१]**************** . ------- llअर्थ ll ------ . तेव्हा ओंकार व तत्‌कार यांच्यासह उच्चारलेला सत् हा शब्द कर्माला आलेल्या वैगुण्याचा उद्धार करतो. . ll चिंतन ll सत् या विषयी सांगताना भगवंत म्हणतात, हे पार्था, अस्तिक्य आणि साधुत्व दाखविण्यासाठी तसेच प्रशंसनीय कर्माची इच्छा असेल तेव्हा 'सत्' शब्दाचा उपयोग करतात.' कर्ता ब्रह्मरूप व्हावा म्हणून व सदोष कर्म निर्दोष व पूर्ण व्हावे म्हणून 'सत्' चा वापर करतात. 'असत्' चा नाश करून 'सत्' चे निर्दोष स्वरुप दाखविले जाते. जे दिसते ते 'असत्' असून जे निर्गुण व निराकार आहे तेच सत् आहे असे मानणे व सत् हा परमात्मा आहे असे मानणे हाच खरा हेतू आहे. आकाशात उगवलेला सूर्यच जसा सूर्याला प्रकाशतो त्याप्रमाणे 'ॐ तत् सत्' या नामाचा उच्चार ब्रह्माला प्रकाशित करतो. सत् मुळे कर्ता सद्रुप होतो. कर्म निर्दोष व पूर्ण होते, कर्माचा प्रशस्तपणा वा श्रेष्ठत्व वाढते. प्रत्येक कर्म संगत व पवित्र होते. ज्ञानेश्वर महाराज म्हणतात, 'ओंकार व तत्कार यांच्यासह उच्चारलेला 'सत्' हा शब्द कर्माला आलेल्या वैगुण्याचा उद्धार करतो. कर्माला आलेले असत्पण नाहीसे करून सद्भावाला आणतो. एखाद्या रोग्याला दिव्य औषधी मिळावी किंवा पराभूताला मदत मिळावी त्याप्रमाणे व्यंग पावलेल्या कर्माला सत्कर्माचा अत्यंत उपयोग होतो. सत् हा शब्द तो कर्माला सत्कर्मत्व आणतो. लोखंडाला परिसाची भेट, ओढ्याला गंगेची भेट, मृत्यूला अमृताची भेट तशी निषिद्ध कर्माला सतची भेट समज. . ll राम कृष्ण हरी, माऊली ll