19ನೇ ಶತಮಾನದ ಅಂತ್ಯದವರೆಗೆ ಪಾದರಕ್ಷೆಗಳು ಕೇವಲ ಶ್ರೀಮಂತರ ಸೊತ್ತಾಗಿದ್ದವು. ಸಾಮಾನ್ಯ ಜನರು ಬರಿಗಾಲಿನಲ್ಲಿ ನಡೆಯುವುದು ಅನಿವಾರ್ಯ ಪರಿಸ್ಥಿತಿಯಾಗಿತ್ತು. ಈ ಸ್ಥಿತಿಯನ್ನು ಬದಲಿಸಿ, ಪಾದರಕ್ಷೆಯನ್ನು ಪ್ರತಿಯೊಬ್ಬರ ಮೂಲಭೂತ ಅವಶ್ಯಕತೆಯನ್ನಾಗಿ ಮಾಡಿದ ಕೀರ್ತಿ "ಥಾಮಸ್ ಬಾಟಾ" ಅವರಿಗೆ ಸಲ್ಲುತ್ತದೆ. ಬಾಟಾ ಅವರು ಕಾರ್ಮಿಕರನ್ನು ಕೇವಲ ಕೆಲಸಗಾರರನ್ನಾಗಿ ನೋಡದೆ, ಅವರನ್ನು "ಉದ್ಯಮದ ಪಾಲುದಾರರು" ಎಂದು ಪರಿಗಣಿಸಿದರು. ಅವರು ಝ್ಲಿನ್ ನಗರದಲ್ಲಿ ತಮ್ಮ ಕಾರ್ಮಿಕರಿಗಾಗಿ ಸುಸಜ್ಜಿತ ಮನೆಗಳು, ಶಾಲೆಗಳು, ಆಸ್ಪತ್ರೆಗಳು ಮತ್ತು ಚಿತ್ರಮಂದಿರಗಳನ್ನು ನಿರ್ಮಿಸಿದರು. ಕಾರ್ಮಿಕರು ಶ್ರಮವಹಿಸಿ ಕೆಲಸ ಮಾಡಲು ಅವರಿಗೆ ಉತ್ತಮ ಸೌಲಭ್ಯಗಳನ್ನು ಒದಗಿಸುವುದು ಇವರ ಉದ್ಯಮದ ಮಂತ್ರವಾಗಿತ್ತು. ಬಾಟಾ ಅವರು ಏಪ್ರಿಲ್ 3, 1876 ರಂದು ಅಂದಿನ ಆಸ್ಟ್ರಿಯಾ-ಹಂಗೇರಿ ಸಾಮ್ರಾಜ್ಯದ (ಇಂದಿನ ಜೆಕ್ ಗಣರಾಜ್ಯ) ಝ್ಲಿನ್ ಎಂಬಲ್ಲಿ ಜನಿಸಿದರು. ಇವರ ಕುಟುಂಬವು ತಲೆತಲಾಂತರಗಳಿಂದ ಚಮ್ಮಾರ ವೃತ್ತಿಯನ್ನು ಮಾಡಿಕೊಂಡಿತ್ತು. ಚಿಕ್ಕವಯಸ್ಸಿನಲ್ಲೇ ಶೂ ತಯಾರಿಕೆಯ ಕಲೆಯನ್ನು ಕಲಿತ ಥಾಮಸ್, ತಮ್ಮ 18ನೇ ವಯಸ್ಸಿನಲ್ಲಿ ಅಣ್ಣ ಅಂಟೋನಿನ್ ಮತ್ತು ಅಕ್ಕ ಅನ್ನಾ ಅವರೊಂದಿಗೆ ಸೇರಿ ಕೇವಲ 320 ಡಾಲರ್‌ಗಳ ಬಂಡವಾಳದೊಂದಿಗೆ 'ಬಾಟಾ' ಕಂಪನಿಯನ್ನು ಆರಂಭಿಸಿದರು. ಆರಂಭದಲ್ಲಿ ಕಂಪನಿಯು ಸಂಕಷ್ಟಗಳನ್ನು ಎದುರಿಸಿತು. ಆದರೆ ಥಾಮಸ್ ಅವರ ನವೀನ ಆಲೋಚನೆಗಳು ಕಂಪನಿಯನ್ನು ಮೇಲೆತ್ತಿದವು. ಅವರು 'ಬಾಟೋವ್ಕಿ' ಎಂಬ ಕ್ಯಾನ್ವಾಸ್ ಶೂಗಳನ್ನು ತಯಾರಿಸಲು ಶುರು ಮಾಡಿದರು. ಅವು ಅಗ್ಗದ ಬೆಲೆಯಲ್ಲಿದ್ದ ಕಾರಣ ಜನಸಾಮಾನ್ಯರಲ್ಲಿ ಬಹಳ ಜನಪ್ರಿಯವಾದವು. ನಂತರ ಅವರು ಅಮೆರಿಕಾಕ್ಕೆ ಭೇಟಿ ನೀಡಿ ಅಲ್ಲಿನ ಆಧುನಿಕ ಯಂತ್ರೋಪಕರಣಗಳ ಬಳಕೆಯನ್ನು ಕಲಿತು ಬಂದು, ತಮ್ಮ ಕಾರ್ಖಾನೆಯಲ್ಲಿ ಅಳವಡಿಸಿದರು. ಇದು ಬೃಹತ್ ಪ್ರಮಾಣದ ಉತ್ಪಾದನೆಗೆ ದಾರಿ ಮಾಡಿಕೊಟ್ಟಿತು. ಬಾಟಾ ಕಂಪನಿ ಭಾರತದೊಂದಿಗೆ ಅವಿನಾಭಾವ ಸಂಬಂಧ ಹೊಂದಿದೆ. 1930ರ ದಶಕದಲ್ಲಿ ಭಾರತಕ್ಕೆ ಕಾಲಿಟ್ಟ ಈ ಕಂಪನಿ, ಕೋಲ್ಕತ್ತಾದ ಬಳಿ ಒಂದು ಬೃಹತ್ ಉತ್ಪಾದನಾ ಘಟಕವನ್ನು ಸ್ಥಾಪಿಸಿತು. ಆ ಪ್ರದೇಶಕ್ಕೆ ಇಂದು 'ಬಾಟಾನಗರ' ಎಂದೇ ಹೆಸರಿದೆ. ಭಾರತದ ಬಹುತೇಕ ಜನರು ಬಾಟಾವನ್ನು ಒಂದು ಭಾರತೀಯ ಕಂಪನಿ ಎಂದೇ ನಂಬುವಷ್ಟು ಇದು ಜನರ ಮನೆಮಾತಾಗಿದೆ. ಇಂದು ನಾವು ಕಾಣುವ ಸೈಕಾಲಜಿಕಲ್ ಪ್ರೈಸಿಂಗ್ (ಉದಾಹರಣೆಗೆ 99 ರೂ., 199 ರೂ.) ತಂತ್ರದ ಮೂಲ ಪ್ರವರ್ತಕರು ಇವರೇ. ಇದನ್ನು 'ಬಾಟಾ ಬೆಲೆ' ಎಂದೇ ಕರೆಯಲಾಗುತ್ತದೆ. ಇದು ಕೇವಲ ಗ್ರಾಹಕರನ್ನು ಆಕರ್ಷಿಸಲು ಮಾಡಿದ ತಂತ್ರವಾಗಿರಲಿಲ್ಲ. ಬದಲಿಗೆ 99 ರೂಪಾಯಿ ಬೆಲೆ ಇಟ್ಟಾಗ ಗ್ರಾಹಕರು ಉಳಿದ ಒಂದು ರೂಪಾಯಿ ಚಿಲ್ಲರೆಗಾಗಿ ಕೇಳುತ್ತಿದ್ದರು. ಆಗ ಬಾಟಾ ಶೋ ರೂಮ್ ನ ಕ್ಯಾಷಿಯರ್ ಕಡ್ಡಾಯವಾಗಿ ಬಿಲ್ ಪುಸ್ತಕವನ್ನು ತೆರೆಯಲೇಬೇಕಾಗುತ್ತಿತ್ತು. ಇದು ಹಣದ ದುರುಪಯೋಗವನ್ನು ತಡೆಗಟ್ಟಲು ಥಾಮಸ್ ಮಾಡಿದ ಬುದ್ಧಿವಂತಿಕೆಯಾಗಿತ್ತು. ಇಂದಿಗೂ ಇವರು ಪರಿಚಯಿಸಿದ(ಉದಾಹರಣೆಗೆ 99, 199 ರೂ.) ಒಂದು ವಿಶಿಷ್ಟ ಮಾರುಕಟ್ಟೆ ತಂತ್ರವಾಗಿ ಗುರುತಿಸಲ್ಪಟ್ಟಿದೆ. ಕೇವಲ ಲಾಭ ಗಳಿಕೆಯನ್ನೇ ಗುರಿಯಾಗಿಸಿಕೊಳ್ಳದೆ, ಸಾಮಾಜಿಕ ಕಳಕಳಿ ಮತ್ತು ಗ್ರಾಹಕರ ಅಗತ್ಯಗಳನ್ನು ಅರ್ಥಮಾಡಿಕೊಂಡ ಥಾಮಸ್ ಬಾಟಾ ಅವರ ಜೀವನವು ಇಂದಿನ ಯುವ ಉದ್ಯಮಿಗಳಿಗೆ ದೊಡ್ಡ ಪ್ರೇರಣೆಯಾಗಿದೆ. ಅವರ ದೂರದೃಷ್ಟಿಯಿಂದಾಗಿ ಇಂದು ಕೋಟ್ಯಂತರ ಜನರು ಆರಾಮದಾಯಕ ನಡಿಗೆಯನ್ನು ಕಂಡುಕೊಂಡಿದ್ದಾರೆ. 1932 ರಲ್ಲಿ ಸ್ವಿಟ್ಜರ್ಲೆಂಡ್‌ನಲ್ಲಿ ಬಾಟಾ ಕಂಪನಿಯ ಹೊಸ ಶಾಖೆಯನ್ನು ಉದ್ಘಾಟಿಸಲು ವಿಮಾನದಲ್ಲಿ ಪ್ರಯಾಣಿಸುವಾಗ ನಡೆದ ಅಪಘಾತದಲ್ಲಿ ಥಾಮಸ್ ಬಾಟಾ ಅವರು ನಿಧನರಾದರು. ಆಗ ಅವರ ವಯಸ್ಸು ಕೇವಲ 56.! ಆದರೆ ಅವರು ಬಿಟ್ಟು ಹೋದ ಉದ್ಯಮ ಅವರ ಕುಟುಂಬದ ಜವಾಬ್ದಾರಿಯುತ ನಡವಳಿಕೆಯಿಂದ ಇಂದು ನೂರಕ್ಕೂ ಹೆಚ್ಚು ದೇಶಗಳಲ್ಲಿ ಹರಡಿದೆ. ಕಠಿಣ ಪರಿಶ್ರಮ, ನವೀನ ಆಲೋಚನೆ ಮತ್ತು ಸಮಾಜದ ಕಟ್ಟಕಡೆಯ ವ್ಯಕ್ತಿಗೂ ಸೇವೆ ಸಲ್ಲಿಸಬೇಕೆಂಬ ಅವರ ದೃಷ್ಟಿಕೋನ ಇಂದಿನ ಯುವ ಉದ್ಯಮಿಗಳಿಗೆ ದೊಡ್ಡ ಪ್ರೇರಣೆಯಾಗಿದೆ. ❤️🌷🙏 ವಿಮಲ್ ನ್ಯೂಟ್ರಿಷನ್ ಸೆಂಟರ್ 🙏🌷❤️ #🎥 Motivational ಸ್ಟೇಟಸ್ #👦🏻 Bad Boyz ಸ್ಟೇಟಸ್ #✍️ ಮೋಟಿವೇಷನಲ್ ಕೋಟ್ಸ್ #😍 ನನ್ನ ಸ್ಟೇಟಸ್ #✍️ ಮೋಟಿವೇಷನಲ್ ಕೋಟ್ಸ್