⁉️மெற்ஃபோமின் (Metformin) மாத்திரை சிறுநீரகத்தை (Kidneys) பாதிக்குமா அல்லது பாதுகாக்குமா என்ற குழப்பம் பலருக்கும் உள்ளது. ​❌ மெற்ஃபோமின் சிறுநீரகங்களை நேரடியாகச் சேதப்படுத்தும்.❌️ ✅️​உண்மை: மெற்ஃபோமின் மாத்திரை ஆரோக்கியமான சிறுநீரகங்களை ஒருபோதும் சேதப்படுத்தாது. நீரிழிவு நோய் (Diabetes) கட்டுப்பாட்டில் இல்லாமல் இருக்கும்போதுதான், இரத்தத்தில் உள்ள அதிகப்படியான சர்க்கரை சிறுநீரகத்திலுள்ள நுண்ணிய இரத்த நாளங்களைச் சேதப்படுத்தி சிறுநீரக நோயை (Chronic Kidney Disease) உருவாக்குகிறது. மெற்ஃபோமின் இரத்த சர்க்கரையைக் கட்டுப்படுத்துவதன் மூலம் மறைமுகமாக உங்கள் சிறுநீரகங்களைப் பாதுகாக்கிறது. ​❌ சிறுநீரகப் பிரச்சினை உள்ளவர்கள் மெற்ஃபோமின் எடுக்கவே கூடாது.❌️ ✅️​உண்மை: இது முற்றிலும் உண்மை அல்ல. சிறுநீரகச் செயல்பாடு எந்த அளவில் உள்ளது என்பதைப் பொறுத்தே மருத்துவர்கள் இதை முடிவு செய்வார்கள். உங்கள் சிறுநீரகச் செயல்பாட்டைக் குறிக்கும் eGFR அளவைக் கொண்டு இதன் பயன்பாடு மாறுபடும்: ▪️​eGFR 45 க்கும் மேல்: முழு அளவு மாத்திரையையும் பாதுகாப்பாக எடுக்கலாம். ▪️​eGFR 30 முதல் 44 வரை: மருத்துவர் மாத்திரையின் அளவைக் குறைத்து (Dose reduction) தொடர்ந்து வழங்கலாம். ▪️​eGFR 30 க்கும் கீழ்: சிறுநீரகச் செயல்பாடு மிகவும் குறையும் போது மட்டுமே இந்த மாத்திரை நிறுத்தப்படும். ❗️எடை முகாமை மற்றும் இரத்த அழுத்தம்: உடல் எடையைக் கட்டுக்குள் வைக்க மெற்ஃபோமின் உதவுகிறது. உடல் எடையும், இரத்த அழுத்தமும் (Blood Pressure) சீராக இருக்கும்போது, சிறுநீரகங்களுக்குச் செல்லும் அழுத்தக் குறைந்து, அவற்றின் ஆயுள் நீடிக்கிறது. ❗️​அழற்சியை குறைத்தல் (Anti-inflammatory effect): உடலில் ஏற்படும் தேவையற்ற உட்புற அழற்சியை (Inflammation) குறைப்பதன் மூலம் சிறுநீரகத் திசுக்கள் அழியாமல் தடுக்கிறது எனச் சமீபத்திய ஆய்வுகள் கூறுகின்றன. ⁉️ மருத்துவர்கள் ஏன் இந்த மாத்திரையை நிறுத்துகிறார்கள்? 🔸️​மெற்ஃபோமின் மாத்திரையானது சிறுநீரகம் வழியாகவே உடலில் இருந்து வெளியேறுகிறது. சிறுநீரகம் மிகவும் பலவீனமடையும் போது (eGFR < 30), இந்த மருந்து உடலில் தேங்கி, மிக அரிதாக லாக்டிக் அசிடோசிஸ் (Lactic Acidosis) என்ற உயிருக்கு ஆபத்தான நிலையை ஏற்படுத்தலாம். இதனால்தான் மருத்துவர்கள் முன்னெச்சரிக்கையாக இதை நிறுத்துகிறார்களே தவிர, இந்த மாத்திரை சிறுநீரகத்தைக் கெடுக்கும் என்பதால் அல்ல. ❗️ ​⚠️ முக்கியக் குறிப்பு: CT Scan போன்ற பரிசோதனைகளுக்கு (Contrast Dye பயன்படுத்தப்படும் போது) அல்லது உங்களுக்கு கடுமையான வாந்தி, வயிற்றுப்போக்கு ஏற்பட்டு உடல் வறட்சி (Dehydration) ஏற்படும் போது, மருத்துவரின் அறிவுரைப்படி மெற்ஃபோமின் மாத்திரையைத் தற்காலிகமாக நிறுத்த வேண்டியிருக்கலாம். ❗️நீண்ட வருடங்களாக மெற்ஃபோமின் எடுப்பவர்களுக்கு உடலில் விற்றமின் B12 உறிஞ்சப்படுவது குறையலாம். B12 குறைபாடு ஏற்படும் போது நரம்புத் தளர்ச்சி (Neuropathy) வரலாம். இது பல நேரங்களில் நீரிழிவு நோயினால் வந்த நரம்புப் பாதிப்பு எனத் தவறாகப் புரிந்து கொள்ளப்படுகிறது. எனவே, வருடத்திற்கு ஒருமுறை B12 அளவைப் பரிசோதிப்பது நல்லது. ​❗️சுய மருத்துவம் ஆபத்தானது ​"மெற்ஃபோமின் நல்லதுதானே" என்று மருத்துவர் பரிந்துரைக்காத அளவையோ அல்லது மற்றவர்களின் மாத்திரைகளையோ நீங்களாகவே வாங்கி உட்கொள்ளக் கூடாது. குறிப்பாக, வலி நிவாரணி மாத்திரைகளை (Painkillers - NSAIDs) மெற்ஃபோமினுடன் சேர்த்து எடுக்கும்போது அது சிறுநீரகத்தை சட்டென்று பாதிக்கலாம். ⭕️உங்கள் சிறுநீரகங்களின் ஆரோக்கியத்தை உறுதி செய்ய 6 மாதத்திற்கு ஒருமுறை eGFR மற்றும் Serum Creatinine போன்ற இரத்தப் பரிசோதனைகளைச் செய்து உங்கள் மருத்துவரிடம் ஆலோசிப்பது நல்லது. #🤔 Unknown Facts