*408📌 അല്ലാഹുതആലായുടെ* *🏮ഔലിയാക്കൾ🏮* *●=========================●* *13📍ഏർവാടി ഇബ്രാഹിം ബാദ്ഷാ (റ)* *💧Part : 29💧* *🔖രക്തസാക്ഷികൾ...(3)* മധുര സമ്പൽ സമൃദ്ധമായിരുന്നു. അത് കണ്ട് ചോഴ രാജാവിന്റെ മനസ്സിൽ അസൂയ മൂത്തു. എങ്ങനെയും മധുര കീഴടക്കണമെന്ന ചിന്തയായി. സൈനിക ശക്തി വർദ്ധിപ്പിക്കാൻ തുടങ്ങി. ചോഴ രാജാവിന്റെ വൻസൈന്യം മധുര ആക്രമിച്ചു. യുദ്ധം അനിവാര്യമായിത്തീർന്നു. ധാരാളം മനുഷ്യർ കൊല്ലപ്പെടും. ബാദ്ഷാ (റ) ദുഃഖിതനായി. സന്ധി സംഭാഷണത്തിന് സന്നദ്ധരായി. ചോഴ രാജാവിന്റെ പ്രതിനിധികൾ വന്നു. സയ്യിദ് ഇബ്റാഹീം ബാദ്ഷായുമായി മൂന്ന് ദിവസം ചർച്ച നടത്തി. അവർ പറഞ്ഞിതിങ്ങനെ: ഇസ്ലാം മത പ്രചരണമാണല്ലോ നിങ്ങളുടെ ലക്ഷ്യം. രാജ്യ ഭരണമല്ലല്ലോ? മധുരയിലും പരിസര പ്രദേശങ്ങളിലുമെല്ലാം നിങ്ങൾക്ക് ഇസ്ലാം മതപ്രചരണം നടത്താം. ഞങ്ങൾ സഹകരിക്കും. മധുരയുടെ ഭരണം ഞങ്ങളെ ഏല്പിക്കണം. അല്ലെങ്കിൽ യുദ്ധം തുടങ്ങാം. ബാദ്ഷാ (റ) ചിന്തയിൽ മുഴുകി. ഇസ്ലാം മത പ്രചരണം നടത്താം. രാജ്യം വിട്ടുകൊടുക്കണം. എന്ത് ചെയ്യും? ഒടുവിൽ അവർ പറഞ്ഞത് സമ്മതിച്ചു. മധുര ചോഴരാജാവിന്ന് വിട്ടു കൊടുത്തു. സിക്കന്തർ ബാദ്ഷാ (റ) ഏർവാടിയിലെത്തി. സയ്യിദ് ഇബ്റാഹീം ബാദ്ഷ അവർകളുടെ സഹോദരിയാണ് സയ്യിദത്ത് റാബിഅഃ (റ) അവരുടെ ഓമന മകളാണ് സൈനബ ബീവി എന്ന പതിമൂന്നുകാരി. ബാദ്ഷാ അവർകളുടെ അനുജൻ ഇസ്മാഈലിന്റെ മകനാണ് ഇസ്ഹാഖ്, ഇസ്ഹാഖിനെക്കൊണ്ട് സൈനബ ബീവിയെ കെട്ടിക്കാൻ തീരുമാനിച്ചു. ഭക്തി നിർഭരമായ അന്തരീക്ഷത്തിൽ നിക്കാഹ് നടന്നു. അതിഥികൾക്ക് സൽക്കാരവും നൽകി. ലളിതമായിരുന്നു ചടങ്ങുകൾ. വിവാഹം കഴിഞ്ഞ് നാല്പത്തി ഒന്നാം ദിവസം രാജഭരണം ഇസ്ഹാഖിനെ ഏല്പിച്ചു. ഇസ്ലാം ഇനിയും എത്തിയിട്ടില്ലാത്ത പ്രദേശങ്ങളിലേക്ക് സയ്യിദ് ഇബ്റാഹീം ബാദ്ഷാ (റ) യാത്രയായി. തിരുപ്പതിയിൽ ഉണ് അഭയം തേടിയിരുന്ന തിരുപാണ്ഡ്യൻ എന്ന വീരപാണ്ഡ്യൻ ഈ വിവരങ്ങളൊക്കെ അറിഞ്ഞു. തനിക്കു നഷ്ടപ്പെട്ട മധുര തിരിച്ചു പിടിക്കണം. അതിനുശേഷം ഏർവാടിയും അധീനമാക്കണം. വീരപാണ്ഡ്യൻ വമ്പിച്ച സൈന്യത്തെ സജ്ജമാക്കി. പലരുടെയും സഹായം തേടി. വീരപാണ്ഡ്യൻ രഹസ്യ മാർഗ്ഗത്തിലൂടെ സഞ്ചരിച്ചു മധുരയിലെത്തി. അപ്പോൾ അവിടെ സൈന്യം കുറവായിരുന്നു. പൊടുന്നനെയുള്ള ആക്രമണം. ചോഴ സൈന്യം തോറ്റു പിന്മാറി. അനേക വർഷങ്ങൾക്കു ശേഷം മധുര തിരുപാണ്ഡ്യൻ എന്ന വീരപാണ്ഡ്യന്റെ കരങ്ങളിൽ തന്നെ വന്നുചേർന്നു. *തുടരും, ഇന്‍ ശാ അല്ലാഹ്...💫* *☝🏼അല്ലാഹു അഅ്ലം☝🏼* 🌹 *اللَّهُمَّ صَلِّ عَلَى سَيِّدِنَا مُحَمَّدٍ* *وَعَلَى آلِ سَيِّدِنَا مُحَمَّدٍ* *وَبَارِكْ وَسَلِّمْ عَلَيْه* 🌹 #🕌 ഇസ്ലാമിക് ഭക്തി